A letter from Nov 8th, 2021

هَلو ريـتا شلونِچ اخبارچ شلون صارت حياتچ شنو الي تغَير بيها شنو الي تغَير بيچ انتِ طولتي شعرج رجع طَول؟،وين تحسين احسن حاليا لو بالوقت الي كتبتي بي هالرسالة اتمنى انو حاليا هو أفضَل بهوااي اتمنى كل هالاشياء الي بداخلج ومضوجتج ومثگلة عليج تكون انمحت اتمنى تكونين بديت اول خطوة من حلمج ،معدلج بالسادس!!شلونهه ان شاءالله يكون مثل ماچنتي تتمَنين شنو الكلية الي اخترتيها؟بـ اي جامعة داتدرسين حاليا،يارب تكون ببغداد مثل ماردتي قَبل، زين حسألج سؤال بايخ شوَي يجوز تضحكين علي لو تغمين روحج بَس فضول حَتى اعرف شنو صار سوسن شلونها شنو صار وياها اخبارها وين صارت وحَفصة عيني وفت بالوَعد مالها؟عوفينه من هذول زين رسل رسل بعدها وياج؟رسل اقرب انسانه بالوجود الج بعدكم سوة يارب ان شاء اللههه بعدكم سوة اتمنى مايكون صار برود بينكم ولو نتفة زين غفران جواهر نور مروج ايه ايناس خديجة بعدهم وياج ماتفرقتو صَح؟بعدكم نَفس العلاقة الحلوة الي بس ضحك وشقة وكل ماشفتيهم انترس گلبج فراشات الي يحلون يومج كلهه بس تحجين وياهم، زين انتِ ويا نفسج حاليا شلون تحَجبتي لااا شلون صار ستايلج بشرتج صارت حلوة تغيرت ملامحج هواي؟!!اهم من كل هذا العراق شلونههه احجيلي اتحسن الوضع صار العراق بخير مَاراح دَم الشهداء هدر مو؟مابرد دمهم ماراح حرامات مو العراق صار مثل ماجانو يتمًنون صح؟ولو ماعتقد بهال4 سنوات يصير هيج تغيير حبير لانو بالعراق مستحيل بَس عادي، احب اكلج ريتا كل هالفترة الصعبة انتِ عبرتيها يارب هالوقت الي انتي بي حاليا احسن بهواااي من الوقت الي كتبتي بي الرسالة، كتبتي هالرسالة بيوم عيد ميلادج ال15 وجنتي تعبانه حيل لانو راجعة من مدرسة ومنايمة وقراية عندج وشفتي الفكرة وحبيتي تسويها ،كوني قَويههه ريتا وحققي كل شي تمنيتي انتي قويهه