A letter from Nov 8th, 2021

سلام امال الحين انا ارسل لك ذي الرساله وانا فااول ثانوي بتوصلك الرساله وانتي اول جامعه مااعرف هل تغيرت او لا بس ابغى اقول اتمنى انك اخذتي التخصص الي كان حلمك مهما كان التخصص الي انتي فيه استمري انا واثقه بقدراتك مهما صار لاتخلين احد يحزنك وكلام الناس لك مو مهم احس حلو انك انتي انتي بملاحظه شخصيات الباقين كنت اناظر شخصيتي واحبها مو منافقه ولا اني انانيه ولا متكبره ماقد شفت كره موجه لك كنتي ملاك وانا متأكده انك للحين ملاك عندك كثير ناس يحبونك احس جاني فضول بدري وش سويتي وكيف المستقبل عندك وهل نجحت ولا لا ووش التخصص بس انا متأكده وواثقه بقدراتك وارضي بكل شي ربي كاتبه لك وابدعي بتخصصك ولا تسمعين للناس المتشائمه والي يخوفونك صعب وصعب مافي شي صعب بالنسبه لك اذا اقنعتي عقلك بتمشي الحياه وانتي مريحه بالك انا حالياً منتهي الشغف عندي بس برجعه وواثقه اني بجيب نسبه حلوه وكل شي سهل كثير قالوا لي بتشوفين الموت اول ماتدخلين ثانوي ولا شفت شي لاني اقنعت عقلي كذا علشان كذا مهما صار لاتسمعين لهم واعرفي انك بتنجحين وكل شي سهل اتمنى انك سعيده مع أحبابك واهلك ومهما صار لك ووش صار ارضي بقضاء الله أحبك جداً وواثقه فيك وبقدراتك أكثر من الكل ولا تخلين احد يحطهم هالثقه الي بنفسك ❤️