Press ← and → on your keyboard to move between
letters
Dear FutureMe,
مرحبا..انتي حاليا متمددة عالتخت..وجنبك زوجك..نايم..علاقتكم مش مثالية أبدا بس بتحاولوا تصلحوها..هوه رأيه انه لازم نحكي بكل اشي صار بالماضي مشان نقدر نصلح المستقبل..بس انتي مو حابة ابدا تحكي باشي..بس بدك تنسي او تتناسي كلشي صار وبدك تبلشي بداية جديدة..مع الانسان المنيح اللي بحبك وبدير باله عليكي..مع انك عارفة انه بطل يحبك زي اول وبطل يتطلع عليكي بنفس النظرة الحنونة..بس حتحاولي ترجعي العلاقة..بس ازا ما رجعت ممكن تطلبي الطلاق مشان ما تضلي عايشة بهالجحيم وهالنفسية 💔
بيتنا هلا بخنق كتير..ما منفتح فيه الشبابيك لانه لو فتحناهم حيتعبى البيت بعوض وغبرة..ما فيو مساحة والمطبخ صغير وكل ما يجي عبالك تعملي اشي فيه بتندمي وبتعيطي لأنه ما في اشي بهوّس ولا في مساحة تشتغلي فيها وكلشي عم يخرب.
زوجك بشتغل ب٥٠٠ دينار راتب وانتي ما بتشتغلي بس نفسك تشتغلي بس ما بتقدري لأنك لهلا وبعد سنتين من تخرجك بعدك ما اخدتي شهادتك الجامعة..ما عندك رخصة سواقة كمان لأنك مو مجددة اقامتك..
وزنك زايد كتير تقريبا وصلتي ٨٠ كيلو 💔 وبتحاولي تبلشي بدايت بس مع قلة الحركة والملل التحدي صار اصعب كتير..
جسمك كله سترتش ماركس وما بتحبيه ابدا
علاقتك مع الناس مش سيئة كتير بس مش منيحة برضه..
علاقتك مع ربك سيئة جدا..ما بتصلي وما بتهتمي بالدين ولا كأنك مسلمة 💔
عندي فضول اعرف وين حتوديكي الحياة بعد كم سنة
بتمنى أكون صلحت علاقتي تماما مع زوجي..ورجع يحبني ويشوفني كل الدنيا زي اول..بتمنى اكون مبلشة البزنس تاعي وماخدة رخصتي ووزني مثالي يعني من ٦٠ ل٦٥
واكون عاملة ليزر وجسمي حلو
وأكون بصلي وتقربت من ربنا وهاد أهم اشي
باي باي
بالمناسبة لما يوصلك الايميل رح يكون عمرك ٢٨ ان شاء الله من هون لوقتها تكوني تصالحتي مع عقدة العمر اللي عندك 😂😂
Sign in to FutureMe
or use your email address
Create an account
or use your email address
FutureMe uses cookies, read how
Share this FutureMe letter
Copy the link to your clipboard:
Or share directly via social media:
Why is this inappropriate?