A letter from Oct 19th, 2021

شاطرة يا بسمة قطعتي شوت كبير في حياتك اتعلمتي الانجليزي اللي كان عقدتك و اتعلمتي الالماني او تقريبا الصيني لما كنت بكتبلك انتي مكنتيش لسه متأكدة شاطرة عشان بقى عندك دخل و بقيتي مستقلة و وقفتي على رجلك و كمان اتخرجتي مبروك عليكي التخرج يا ترى قررتي هتشتغلي ايه انا لما سبتك كنتي لسه بتفكري تشتغلي على النت و تتعلمي البرمجة شكلك اتعلمتيها هي مستقبلها جامد بصراحة و ايه ده كمان احلويتي طولتي و خسيتي و شعرك بقى تقيل و حلو و ناعم و التشققات اللي كانت في جلدك راحت و الحمد لله عالجتي المرض اللي كان معقدتك و انتي صغيرة و ما شاء الله لو عينك ده حلو اوي و كمان ابيضيتي و بشرتك بقت تجنن والحمد لله انك عالجتي الدوالي و عملتي تقويم لاسنانك لأ كمان انتي اتغيرتي من جوا كمان مش من بره بس ما شاء الله بقيتي ذكية اوي و بقيتي بتعرفي تطبخي و بقت ذاكرتك اقوى بكتير و كمان صوتك يجنن كل اللي يسمعه يقول عليه حلو و نضفتي قلبك من الكره و الحقد و المشاعر السلبية اللي كانت فيه و نضفتي كمان عقلك الباطن شوفتي انا فاكرة كل حاجة ازاي شوفتي ربنا طلع بيحبك ازاي و مسبكيش وقف جنبك و كنتي بتستمدي القوة منه ما انتي ملكيش غيره الحمد لله يا بسمة احنا كنا فين و بقينا فين قوليلي بقى يا ترى ارتبطي و لا لسه سنجوله و يا ترى لو ارتبطي لقيتي الراجل اللي كان نفسك فيه و لقيتي المواصفات اللي انتي عايزاها انا بحاول اتخيل الحياة على قد ما اقدر بس اكيد في حاجات اكتر من كده حصلت عقلي لسه متخيلهاش عموما شكرا انك قريتي الرسالة شكرا انك حبيتي نفسك و وثقتي فيها شكرا انك مسبتيهاش لضعفها و شكرا انك قدرتي تبقى احسن بحبك ❤️❤️ من بسمة القديمة الي بسمة الجديدة