A letter from Oct 18th, 2021

عزيزتي لؤلؤه المستقبلية راح توصلك هذي الرساله بعد ٥ سنوات يآرب تكون حياتك الي هي حياتي كلها سعاده و ربي يوفقك و لاتتركي الصلاة و تصدقي و ادخلي الجامعه واشتغلي و اصرفي على نفسك وامك و خليها تفتخر فيك يارب ان احلامي تحققت و انا ما أدري ايش بيصير في المستقبل اكون حيه ولا انتقلت لرحمة ربي لؤلؤه المستقبله تغيرت حياتك؟ تتذكري الحلم حق قص الشعر لما فسرته قال ان راح يصير شيء يغير حياتك هل تغيرت وصارت احسن؟ انا بكون سعيده ان شاء الله اخذتي حقنا انا و لؤلؤه الي كانت اصغر؟ يارب نكون اخذناه و اذا ما اخذناه هذي خيره ان شاء الله تحمست وانا افكر ايش بيصير اتخيل اني كبرت وما ادري ايش الي بيصير بكرا بس ما راح يصير الا الي اللّٰه كاتبه لي انا اعرف اننا عنيدين و كلهم يقولون اننا اقويياء بس ما يعرفون قد ايش انا و انتي خائفين بس لازم نخفي خوفنا عشان لا ننكسر و اتذكري تقري الأذكار اذا جاتك ذي الرساله بوقت حزين و تكوني مةبوته وتعبانه عادي تبكي و تصلي الوتر و تدعي اللّٰه بكل شيء ولا تشيلين هم انا اكتب ذي الرسالة وانا واثقه فيك وخايفة بس عارفه اننا راح نتخى كل شيء بأذن اللّٰه وصح كيف يارا صداقتنا مستمره ولا لا؟ و اختي دخلت الجامعه ولا لا؟ اهه مرا تحمست كيف درجتي في اختبار القدرات؟ ايش تخصصي في الجامعة؟ ختمت القرآن كم مره؟ مين اصدقائي؟ انا عايشه ولا لا؟ انا سعيده ولا لا؟ ابوي حي ولا ميت؟ امي اذا تطلقت من ابوي اتزوجت غيره ولا لا؟ ايش البيت الي نسكن فيه؟ عندي اشياء كثيره ابغى اعرف عنها و حاجات مرا كنت اتحلم فيها و يارب تكون تحققت الي فيها خير اممممم ايش اقولك كمان يا لولو المستقبله اليوم الساعه ١٠ و٤٠ دقيقه الصباح ممكن اطول و انا اكتب لك الرساله و ممكن تصير الساعة ١١ ونص المهم توي رميت الزباله لان اخوي بينبع تتذكري صح ايوا وامس نمت ١٤ ساعه و محد صحني و راحت الاجازه المطوله الي يقولون عليها وهي بس يومين اليوم الاثنين و هوا آخر يوم في الاجازه لازم اكمل دفتر الرياضيات واذاكر انا قاعده اذكرك بحياتك القديمة و عشان لا تزعلي انا الحين لما اكتب لكي احس انك بتكوني زعلانه لاني انا زعلانه و حزينه و مكسوره بس عادي انا ان شاء الله اشوف ذي الرساله بعد ٥ سنوات و اكون انسانه عظيمه و شخص كبير وله شأن عظيم و ما انزل راسي لاحد واكون غنيه و اكون عبده صالحه و ابنه باره و صديقه وفيه وكتبت كل ذي الأشياء ان شاء الله اغلبها تتحقق صح اتعلمت انقليزي ولا باقي؟ اخخ يآرب اكون متعلمه ايوا اذا كنتي سعيده يآرب لا يحرممي من ذي السعاده و اكون اقدر اعتمد على نفسي وما اكون عاجزه لاي احد و اكون انا الامر و يآرب اذا كنت متزوجه و طبعاً عند حساس كبير اني ما راح اكون بس اذا كنتي متزوجة يا لؤلؤه المستقبله و كان يعاملك معامله سيئة لا تسامحيه وانتقمي اعرف اني ما يحتاج اقولك ذا الكلام لانك راح تسوينه المهم اللّٰه يسعدني سعاده جميله ويحقق احلامي و اعيش حياه حلوه ولطيفه و باي صح لا تنسي تكتبي رساله بعد ذي الى لؤلؤه المستقبليه الثانيه اسم الموقع لاني اعرف راح تنسينه FutureMe. org اتمنى اني ما اكون حزينه مرا لا تنكسري ابدا و لا تخلين الناس يقولون عنك ضعيفة وخذي حقك بأي طريقه والي يزعلك ولا يذيك لا تسامحيه وخذي حقك منه خذي حقك بطريقه ما تأذيك بس تأذيه هوا المهم لا تكون حزينه مرا و ابتسمي شوي باي ابي 💙💙💙