A letter from Oct 17th, 2021

Dear FutureMe, هلو فاطمه ماعرف شون ابدي بس اريد ابدي اريد ابدي بكلشي بحياتي بدايه مشوقه ومليانه شغف لكن ماعندي طاقه ولا شغف حتى اقل من صفر واقل من سالب بحاجه لاحد يكلي راح تنجحين بحاجه لشي ماعرف شنو هوه كلي توتر وضياع حيره ضغط وكومه توتر والكثير من الالم الراس والعصبيه وتقلب مزاج قبل فتره تغلبت على شي بس للحظه اني مهدمه وراجعه لكلشي صفر ، اتمنى تكونين نجحتي بحياتج اتمنى تكونين ستقليتي وختاريتي الي تردي ياريتني بالمستقبل حتى اشوف شصرتي حاجيني عليج متشوقه كلش اتعرف عليج ، قريتي المقامر ؟ وكتب ماركيز اتمنى تكونين جبتي سمكه وصباره ، اتمنى اكون بعد خمس سنين واني اشوفج كلشي تمام ، تذكرين استاذ ليث ؟ بعده وياج بعدج تتواصلين وياه ؟ وقرنابيطه ماعندي ادنى شك انو هيه بعدها وياج 💙 , تعلمتي نكليزي وبعد شنو تعلمتي ، تذكرين احاول انسى صدكيني كومي طلعيها لا طلعي غربه وتمر الليالي وطلعي كريم منصور هاهيه وداعتج 💙 اتمنى اقره هل رساله واني زينه ياريت لو تستعجلين حتى طلعين مفروض تكونين بعدج بالعراق " مفروض ، رحتي للمتنبي حلو لو لا والكتب شنو جبتي شكلها عناوين حلوه ، حتصيرين شخص زين اني متاكده ولو ممكن صرتي واني بزمن قديم اقري زين ولاتنسين تقرين كتب ولاتنسين نفسج اهم وها لا تقطعين علاقتج ويا الله لان دائما بالفتره ذيج وها والي بعدها وكف وياي ابقي انت وياه ان شاء الله بخير دمتي سعيده 💙