A letter from Oct 4th, 2021

هلاو شلونج ان شاءالله احسن اني انتي من الماضي عمري هسه 13 واعتقد عمرج صار 18 تقريباً شلون الحياة وياج شسويتي ما سويتي اول شي تركتيه او نسيتيه او بعدج (ج) هاذا الشخص الي جنتي تعزيه وتحبيه وينه هسه وين وصل شلون صار بعدج متعلقة بيه حققتي اهدافج تعلمتي انكليزي صرتي البنية المثالية الي جنتي تحلمين بيها وتسعين لحتى تكونين الها امتلكتي الجسم الي تريديه صرتي اجتماعية صرتي شاطرة دسعين لحلمج محامية او غيرتيه شلونهم اهلج توتة علاوي جنة ابوج امج كلهم شلونهم بعدهم مثل ما همة لو تغيرو امج وابوج بعدهم يتعاكون على اتفه الاسباب وميعاملون بعض بحب وحنية شلونهم شمس وزوز واية وعمو رعد وعباس وعلاوي وعمة منى وعمة سهى وعمة نضال وعمو جمال ومالك وحسين وكلكم شلون صرتو تغيرتو تصالحو عمة نضال وامج وعمو جمال شنو الاحداث الي صارت بعدج ممتأقلمة وية البنات لو صارت عادي شلونهم مريم وهاجر وشهد ومريم الثانية وفاطمة وام البنين افترقتو او لا هاجر تذكريها تذكرين وعودكم لبعض وحبكم لبعض الي عفتيها اتمنى ما نسيتيها شلونها فاطمة ومريم وين ما وين شهد شصار عليها ومريم ذيج اختفت بس تذكري بيوم من الايام جانت صديقتي لا تنسيهم كلهم بعدج تحبين الكيبوب بعدج ومفضلينج راحو لو لهسة موجودين اتزي توايس ستراي كيدز اكسو تمورو باي توقيذر بتس مامامو ايو جيسي بلاك بينك جاكسون قوتسفن انسيتي هيونا ايدوان جيمين لهسه تحبيهم او لا ابتعدتي عنهم ونسيتيهم اتمنى انج ما فقدتي احد من الي تحبيهم نورة وفيفة واهل ابوج شلونهم زينين ان شاءالله توتة شلونها بعدها تحب ش وتعزة بعدها حايرة بأفكارها بعدها تحب ح هم شصار على علاقتكم صرتو مقربين اكثر او ابتعدتو علاوي شلونه بعده طيب ويحبكم ويشاقة وياكم ويجي يضربكم ويضحك وياكم امج شلونها بعدها تشرب ج لو تركتها شصار على علاقتها بأهلها بعدها تسوي مشاكل وية ابوج بعدها تجرحج ابوج شلونه بعده يشرب ويسوي مشاكل بعده مو الاب المثالي بالنسبة الج جنة شلونها جاي تقرة صارت شاطرة كبرت ديربالج عليها وخلي كلبج عليها انتي الي تكفلتي بيها بهاي المهمة مو غيرج انتي صرتي اخت جبيرة لأول مرة هاي مهمتج اتمنى ما تخيبين ظني بيج انرزقتو اشتريتي الي نفسج بي وتوتة هم اشترت الي تريده بدون متتحصر وامج متهتم للفلوس شلتو من بيتكم لو لا افترض انكم شلتو اذا شلتو شلونة البيت الجديد حلو عدج غرفة صدك تعلمتي رقص الي جان شغفج بي صرتي تتقنيه تغيرت شخصيج او بعدج نفس الافكار والاهتمامات اعتقد تغيرتي مستحيل تبقين نفسج شلون صار شكلج اكلج ابقي محتفظة بالصور نقارن بين الماضي والمستقبل نصنع ذكريات حلوة وتجنن اطلعي تونسي عيشي حياتج اتمنى تسمعين نصيحتي عيشي مراهقتج مثل ما تتمنين ومثل متريدين مو مثل ميريده العالم كوني متمردة عنيدة لا تحزنين حزنج غالي علية باعي شلونه عمو سعد وعمو محمد اكيد اشتاقيتيلهم صارت شكد من ميتين هسه بعد كم يوم السنة مال عمو سعد رح يصير سنيتن وهاي السنة ميت عمو محمد دتحلمين بيهم دتزورين قبرهم اشتاقيتيلهم هواي عمو سعد الي جان يحبج ويفرفرج ويطلعج ويوديج للالعاب عمو محمد صح مجان حنين بس الج ذكريات ويا اتمنى انج تخطيتي الامر بشريني كل شي صار مثل ما تتمنيني او لا اتمنى ما تكبرين وتكولين لنفسج جنت كرنج لأنها نفسج مهما كنتي اتمنى ما تتندمين على اي شي لا تصيرين مراهقة مثل ما يكلولج بنات عمو رعد رح تنسى هذول الكورين اني هم جنت هيج وشمس تكول اني هم جنت هيج احلم وافكر واخطط وتاليها كل شي ماكو لا تصيرين هيج اوعج لا يصير اهتماماج الحب لا ترسبين بمادة ترة يخيب آملي بيج احبج اوثقي بنفسج عائلتج تحبج والكل يحبوج انتي نادرة مثل ما جنتي تتمنين تكونين نادرة ومميزة انتي بالفعل نادرة اطلعي للعالم شوفيهم موني القوية المميزة الواثقة الي تحدت الكل في سبيل نفسها ما عندي كلام اقوله بس بداخلي مملي بالكلام لدرجة الرسالة ما اريدها تخلص ابداً اريد اعرف شخبارج وشلونج وية احداث حياتج الجديدة بعدج تنطين نصايح للناس وعقلج اكبر من عمرج وبعدج تكتمين كل شي بعدج تبجين بالليل او تغيرتي بعدج خجولة وفاهية بعدج مثل البنية الي جنتي لو تغيرتي اتمنى تغيرتي للأحسن عمري ما رح اتمنى تتغيري للأسوء ابدا موني ثقي بنفسج احبج يا اغلى شي بالكون والدنيا كلها انتي نفسج مو احد ثاني وكوني نفسج لا تخجلين من اي شي من اهتماماتج من افكارج لو عارضج كل الناس لا تخجلين شنو الي تحبي شنو الي متحبي احجي بصراحة عنه كافي تخفي وخجل هاذي اني والي ما يتقبلني مثل ما اني ما اله وجود بحياتي هاذي حياتي مو حياة احد الله انطاج هدية وامانة حافظي عليها هاي نصيحيتي الج كوني واثقة وقوية بعدج لونج المفضل اسود وسمائي بعدها اغنيتج المفضلة (قصة خيالية ) اكتبيها بالانكليزي بس هسه ما بية حيل اكتبها بالانكليزي بعدج تستخدمين ايموجي البجي للضحك بعدها ايموجيات المفضلة هاي (😭💘🦋😩🎸💞💀🧚‍♀️🥺💞👍🏻💕) ايموجيات حلوات مو بس متأكدة رح يتغيرن بالمستقبل بعده رقم المفضل (3.4.13) بعدج متفضلين احد او صار عندج شخص مفضل صار عندج اصدقاء هواي يسئالون عليج وتحجون صحيح هسه عندج بس محافظتي عليهم اتمنى بالمستقبل تحافظين عليهم وتصيرين اجتماعية اهم شي تعلمتي شلون تطبخين تخلين مكياج ستايلج صار حلو جسمج صار حلو مثل ما تريدين بعدج ضعيفة لو سمنتي شوية موني للأسف مطرة اكول هاي نهاية رسالتي الج للأسف واكبر اسف هسه اليوم 2021/10/4 الاثنين الساعة 6:30 الصبح محد مكاعد بس انتي وتوتة حارة وماكو وطنية امج وابوج متعاركين وامج نايمة بغرفة علاوي ملاحظة بهالوقت انتي كلش متحمسة لأن بعد 9 ايام عيد ميلاده جيمين 10/13 اتمنى ما افوت البث مبايلج بيه 5 كومي حطي على الشحن ولا تبجين لمن تقرين الرسالة اعرف احتمال جبير تبجين صح بعدج حساسة المهم باي اشوفج بعد خمس سنين مع الاحداث الجديدة والحياة الجديدة اتمنى الج الخير ولا تخيبين ظني يا حياتي احبج 🥺😭😭💘