A letter from Sep 28th, 2021

بسم الله الرحمن الرحيم روان .. انا انتي بعد خمس سنين من كتابه هي الرساله لساتك متل ما انتي ولا تغيرتي؟ لساتك بتحبيه ولا نسيتيه او هو نسيكي و تزوج حدا تاني؟ انا عم احكي عن عامر اذا لساتك متذكرتيه حققتي هدف من اهدافك يلي كنتي عم تخططيلا؟ كل هدول الاسئله رح تلاقي جوابا بعد خمس سنين من هلأ اذا ضليتي عايشه ان شاء الله يا ترى لساتك بألمانيا و لا رجعتي ع سوريا؟ لساتك بتحني لبلدك؟ لسا بتحسي حالك وحيده ومالك حدا؟ لسا في حدا بيعرفك من رفقاتك؟ حدا صار معو شي من عيلتك؟ يا الله شو رح اشتاق لتجاوبي ع اسئلتي يا ترى رح يكون في نصيب بينك و بين عامر؟ رح يصبر و يستناكي او رح يتركك و يروح لغيرك؟ انا حبيت عامر و ح ضل حبو لاخر دقيقه.. حتى لو تركني بضل ذكرى حلوه عايشه جواتي انا مالي خرج زواج و اولاد انا بحس حالي انخلقت لحتى حقق هدف انا عايشه مشانو.. حققتي جزء من هدفك و حلمك و حياتك ولا لسا ما بلشتي ؟ حلمك بأنك تصيري دكتوره يا روان؟ حققتيه منو شي ؟ انتي بالجامعه هلأ ولا لا؟ بتمنى تكوني بلشتي تمشي بطريقك خليكي قويه ولا تعتمدي غير على رب العالمين ثم على حالك ..كوني قد حالك.. لا تسمحي لحدا انو يحسسك انو انتي ماعندك كرامه خلي كبريائك و كرامتك فوق كل شي لا تزعلي اذا ما كنتي محققه حلمك..لكل شي الو حكمه و رب العالمين بكون كاتبلك الاحسن لا تفكري غير بحالك يا روان و خليكي قويه قويه قويه لا تخلي شي يكسرك لا تسمحي لحدا انو يملك قلبك و يلعب بمشاعرك لا تحبي يا روان لا تحبي لانو حبيتي و شفتي بجوز ما تكوني انتي و عامر لهالوقت سوا و اكيد مح تكونو بس الله اعلم اني حبيتو حبيتو من قلبي و الله شاهد ع كلامي بتتذكري يا روان كيف عامر انتشلك من بحر الضياع لي كنتي فيه يا انا؟ كيف خلاني اصحى ع حالي بعد ما كنت غرقانه بفتره اكتئاب بسبب الشخص لي حبيتيه من اول ما وعيتي ع الدنيا (عبوده) عبوده لهلأ بيعرفك يا ترى ؟ بتوقع انو نص يلي كنتي بتعرفين تزوجو وانتي بتوقع انك ما تزوجتي لانك مالك مفكر و حاسه انو بكير كتبت هي الرساله مشان ما تنسي شي كنتي عايشتيه بالماضي انتبهي ع حالك و حاولي تكوني حريصه وخففي من عصبيتك من ما كان يقلك عامر كل مره انا بحبك يا عامر انت اكتر حدا عرفني انت اكتر حدا ضل ناحي بس هاد ما بيعني انو انا ما حبيتك…بالعكس انا حبيتك اكتر من ما انت تحبني يمكن و انا كمان بعرفك كتير منيح الله يوفقك ويحميك وين ما كنت و اذا كنت متزوج و عندك ولاد الله يحميلك ياهن و يربو بعزك و دلالك يا روان اعرفي قيمه حالك..خليكي انتي رئيسه نفسك لا تخلي حدا و لا تسمحي لحدا يتحكم بحياتك و قراراتك حتى لو كان اقرب الناس الك.. ان شاء الله تضلي متذكره انك كتبتي هي الرساله او يمكن لما تشوفيا رح تتفاجئي يمكن تبكي … مين بيعرف الى اللقاء بعد خمس سنين … باي…