A letter from Sep 27th, 2021

معاك رزان ذات ال ١٥ سنة ارسل الرساله دي ل نفسي بعد ٣ سنوات تقريبا ح اكون في عمر ١٨ سنه. الحياة معاك كيف حققتي شي من احلامك مثلا انك تدخلي طب جراحه ولا قدر الله اذا ما قدرتي طب أسنان هل قدرتي تعملي الشي ده . في جامعة قدرت تقبلك مشيتي درستي في مصر ولا ؟ علاقتك باقي موجوده مع ربا وحنين ومرام ولا قطعتي صلتك بيهم. اخذتهم الدنيا ل وين وبقوا كيف ؟ لغتك الانجليزيه كيف؟ في تطور ولا لسا بتعاني؟ يلا شوفي : اشتغلي كويس وما تنسي احلامك . قدرتي تحضري كونسرت ل bts ? أستاذة التفكير الناقد الحصل معاها شنو؟ حياتك كيف ؟ باقي محتاجه زول تحكي ليه ولا بقيتي تعتمدي على نفسك ؟ لقيتي الزول الازم تعتمدي عليه ولا لسا ؟ ان شاء الله امك وابوك و اخوانك كلهم بخير ؟ رفعتي راس اهلك وفرحوا بيك ؟ قدرتي تتخطي ال حصل ليك ؟ اخيرا وليس اخرا معاك رزان واتذكر انو لازم تلمي نفسك ب نفسك وما تحاولي تعتمدي على زول اعتمدي على نفسك مابعرف اذا هل ح استلم الرساله دي او لا لاكين بقدر اعرف بعد ٣ سنوات او اكثر ما بتعرفي 😂 بالمناسبه ياريتني اقدر اكون جمبك و اواسيك لاكين خلي أملك بالله كبير والله الله بالصلاه ما احتاج اذكرك ليك بوسه مني بعدين تعالي هنا يا رزان عملتي حاجه من أفكارك وتخيلاتك العبيطة ديك ؟؟ ما تصدميني وتقولي ايوه يلا ما نطول عليك . رزان احتمال الرساله دي توصلك بعد اكتر من ٣ سنوات رايك شنو نخليها بعد ٤ او ٥ لا تصدقي نخليها بعد ٣ سنوات وكل ما اكون فاضيه بجي وبرسل ل نفسي رساله ل سنه تكون أبعد. يلا اي نسيت اسئلك احلويتي ؟؟ بقيتي جميله ؟ شعرك كيف طول ؟ ولا لسا في طوله ؟؟ يلا جد المره دي مع السلامه جد جد👋🏼