A letter from Sep 27th, 2021

قاعده أكتب حالياً،بغرفه الحريم وامي وابوي واخواتي واخواني حولي ويارب بكل ايامي حولي وجنبي ويحميهم لي: يارب لين الوقت هذاك وتكون كل امنياتي تحقتت،ابي انوظف واشتري سياره واعتمد ع نفسي وتكون حياتي حُلوه وورديه ومستقره وقلبي مطمئن فييييييهاً يارب،قاعده ادرس دبلوم اداره اعمال دبلوم مستوى ثالث حالياً و انشاءالله اكمل بكالوريوس،وتحقق أمنيات قلبي. صديقتي وروح قلبي" منيره وقاعدين ندرس بنفس الجامعه اخيرا بعد معاناته سنتين جربنا شعُور الدوام مع بعض ب الجامعه وهالفتره لو احد يسالني وش احلى فتره قاعده تمري فيها بقولهم تجربه الجامعه مع رفيقه عمري،طلعنا مع بعض جربنا الحيره جربنا نروح ونجي وحدنا نفطر ونتغدا ونحلي وحدنا،الاشياء اللي ماقدرنا نجربها مع اهلنا قاعدين نجربها مع بعض ويارب لين الوقت هذاك ونكون معتمدين ع بعضنا اكثر واكثر.. ماعندي اي علاقه عاطفيه حالياً،من شهرين تركني الشخص اللي كنت اشرفه كل حياتي اللي كنت اشوف آمل حياتي فيه تركني ب أصعب لحظاتي تركني ولا سال عني تركني انا وجروحي وحدنا تركني ل الايام والسنين انا واوجاعي،لين هالحظه ولا بكيت عليه مدري من صدمتي ع بعده لي او قلبي لسى م استوعب انه تركني ب اصعب اوقاتي ولحظاتي اللي كنت احتاجه فيها اكثر من اي شخص،للحين ونا اتسال نفسي ي ترا ليش م بكيت عليه للحين؟ رغم ان جواتي وجع كبير بس قاعده اتخطاه قاعده اقول كل اللي من حولي نسيته ولايهمني ولا قدني الشخص هذاك اللي حبه لاكن ب الواقع احس اني كل هالاشياء كذبه مانكر اني حبيته بكل مافيني من حب وعطيته فوق الحب وعطيت الامان وعطيته قلبي وروحي وكفيل هالشي بوصف شعُوري حالياً وخيبتي اللي وصلت لها…. ونا واثقه ومتاكده لين هذاك الوقت وبكون ناسيته ومتخطيته لاكن مابنسى الوجع والخيبه اللي تركني فيها الكبيره مابنسى انه خلاني انا واوجاني وكمل حياته بدون مايلتفت لي ويسال ي ترا انا بخير واش صار بدنيتي؟ واتمنى ان الدنيا تكون بخير لين هذاك الوقت اتمنى ان الاشخاص اللي بحياتي حالياً مايصدموني ويتركو فيني خيبه بعمر ال٢١ شهر٨ ادخل٢٢ ب وقت الكرونا حاليا ودوامي عن بعد كله .. ولا عندي اي انجاز بحياتي للحين يومي ووقتي يروح ع تويتر هالفتره من انام لين اصحى صح نسيت اني كمان ان عندي مشروع بسيط جداً اسوي اكل ل بنات المدرسه مو لان ابي الفلوس لا بس ابي احس اني قاعده اصرف نفسي بنفسي ابي احس ب شعور الاعتماد ع النفسه مابي اهلي يصرفوني ابي انا اصرف نفسي بنفسي واحس خلصت امنياتي وحياتي ب اختصار يارب ان ترجع لي الرساله ذي ونا ب حال افضل من حالي ومتغيره حياتي للاحسن ومعتمده ع نفسي وعندي سياره وبيت واهلي كلهم جنبي وبخير🤍🤍🤍🤍🤍 ١٤٤٣/٢/٢١ ٢٠٢١/٩/٢٣ الساعه٢الظهر