A letter from Sep 27th, 2021

السلام عليكم كيف حالك وأنا اكتب لك الرساله دخلت عمر 30 سنه بالميلادي من اسبوعين 🥺 وطلعت احتفلت بهذا اليوم مع فدوى بعنيزة بالبوليفارد بكوفي ام دي واليوم 27سبتمبر سجلت بنادي لاول مره بحياتي ادخل نادي ومتحمسة وبنفس الوقت متوتره ومستحية واتمنى اخلص من هذا الشعور دائما ووزني الحين 59 واعاني من ثبات اكيد تذكرين ! والايام هذي قررت اني مااكثر الطلعات من الصديقات احس ماني سعيدة معهم ماحصلت سعادتي للحين يمكن لاني تغيرت وابي اشتغل او ادخل دوره عشان اتعرف على ناس جدد يارب فيه صديقة دخلت حياتك الحين ياروى ☺️ اتمنى امي تتشافى من العصب الخامس او نحصل له علاج واتمنى اختي البندري تتزوج واشوف عيالها ياررررب واتمنى اشوف فدوى خريجة ومتوظفة قعدتنا الحلوه وناحفة بعد واتمنى ايوب وعبدالملك يتوظفون ويتزوجون يارب اشوفهم اباء قبل اموت واتمنى لنفسي اني اتوظف واستقر ماديا واتمنى اذني اعالجها لاني تعبت تعبت من الصوت واتمنى اني اسوي العملية لعيوني عشان الانحراف اللي فيني واتمنى اتزوج الرجل الصالح التقي النقي اللي يسعدني واسعده واتمنى اكون صاحبة مشروع حلو حفظتي جزء عم ؟ كم اخذتي دوره ؟ اكتب لك وانا سهرانه بليل لحالي وحاسه اني مليت من الروتين وكل بين فتره والثانيه ابكي بليل واتذكر ابوي ابي اتوظف واقوم الصبح بس عشان الافكار والحزن عليه يخف عني كثير واطلع من اللي انا فيه هذي اول سنه اسوق فيها ومبسوطه واطلع لحالي اكثر شي عشان العياده بعنيزه واسوي ليزر والحين انقل فدوى الصبح وبعد شهر ببداء بالنادي يعني صار فيه شي يبي يشغلني ان شاء الله احبك ياروى واتمنى صار تغير افضل بحياتك من قبل ودي تصير لي غرفة لحالي ببيتنا واتمنى اسافر سفره مع بنات احبهم واكون مبسوطه بالسفره مره صايره ما احب الناس السلبيه بحياتي واللي بس يتشكون ابي اطلعهم من حياتي حرفيا حتى صديقاتي بديت اتركهم عشان الشكاوي مزون هي الشخص الوحيد اللي انا بالفتره هذي احب اطلع معها احس براحه سبحان الله ومرام برضو انبسط اذا طلعت معها ومرتاحه وبشاير وعهود قليل اشوفهم بس مره مره افرح فيهم روان مليت منها وبشرى تحسفت اني رجعت لصداقتها اخر طلعه مع البندري ومعنا بشرى احس جاني كره لها وكانت علي الدوره يوم نطلع لحديقة المملكة ونمر كوفي شده ماحبيت طريقة تفكيرها تتهاوش مع الناس عشان موسيقى لاتطلعين من بيتك اجل ! وتتحكم ببنات خالها لايسوقون عشانهم اعمارهم18 مااحب الشخصية الملقوفه