A letter from Sep 1st, 2021

Dear FutureMe, الى مديره الاعمال الناجحه هلو نور شلونج بعد خمس سنوات ادري هسه صرتي اقوه لان انتي كل ماتكبرين زيدين قوه شلون الحياه وياج ان شاء الله سعيده بحياتج حققتي احلامي؟واذا محققتيها ممكن اعرف السبب اني ادري بيج حققتيها وواثقه بس اذا شاءت الظروف ومتحققت راجعي نفسج وذكريني ان شاء الله انطيج حافز حافظتي عله مبادئي انتي تعرفين اني انسانه منطيه اولويه لمبادئها ومهما كانت الظروف متتنازل عنها بعدج متقبلين بالظلم لو استسلمتيله اذا استسلمتي اذكريني وذكري شلون ماارضه ولااتقبل احد يظلمني رضيتي باختياراتي ؟ ان شاء الله ملمتيني عله شي. واذامرضيتي اني اسفه 🥺 اكيد مجنت بعقليتج هسه ،انت واعيه اكثر وصارت عندج دروس بالحياه اني ادري اكو اطباع منها الزينه ومنها الموزينه تخليتي عنهن اتمنى قلبج ميقسه وكلمتج تبقه طيبه ولايغيرج شي فقط للاحسن ،وابد لظلمين احد لان اني ماحب الظلم ،انتبهي عله اسيل ولضيعيها ابدا انتبهي لامي ديري بالج بيوم تختلفين وياها بديتي تصرفين عليها لو لا 😉 اني انسانه طموحه ومخططه لهذاك الوقت اني عندي وظيفتي او عملي الخاص انتبهي لاحلامي وخليها تكبر ماعرف شنو العالم الي عايشه بي هسه بس مهما كان تنتبهين لصلاتج ومتقصرين بواجباتج واني متاكده كل زينه الدنيا متغريج زوري العالم لان هذا جان حلمي حبي نفسج وحبي الناس الي حواليج ولا تكسبين لنفسج عدو ابدا خليج اجتماعيه بطريقه سطحيه سوي الاشياء الي تحبيها ولاتأجيل عمل وانتبهي لصحتج ورشاقتج لتخلين احد يقهرج ولاتسمحين لاحد يأثر عل يومج خليج صبوره كدرتي تتغلبين عله عصبيتي طريقه كلامي تحسسج بيها قسوه بس اني موقصدي اقسه كدرتي تعدليها؟ بالاخير اكلج انتبهي عله نفسج وعل ناس الي تحبيهن وكوني ام حنونه واقري كتب تعليم التربيه ابد لتقسين ويه اطفالج وعلميهم شلون يثقون بنفسهم وبيني الهم حبج مع السلامه ♥️