A letter from Sep 1st, 2021

صباح الخير لمى صباح الخير ياكل الخير انتي .. اكتب لك من فجر هادي من برا لكن من جواي حرب العالم كله .. الان هموم الدنيا كلها بقلبي هاليومين مثل الهم على قلبي هاليومين كل اللي احس فيه ندمي على سنة ٢٠٢٠ ضيعتها وضيعت مستقبلي فيها وانا جالسه احاول رغم ان الابواب بوجهي شبه مقفله والطريق شبه صعب وطويل احاول اعيد اختباراتي قياس رغم اني وصلت الان السنه الثانيه بالجامعه اه يارب شايله هم المستقبل كثير كثير وانتي الان تستقبلين رسالتي وانتي بالمستقبل ؟ بشريني ؟ كل الامور نفس ماتبين ؟ استقريتي مهنياً وماديا ونفسياً واجتماعياً ؟ غيرتي تخصصك لتخصص الطفوله؟ ولا فتحتي مشروع ولا كملتي دراسات عليا ولا صرتي معيده بالجامعه ولا توظفتي وظيفه مرموقه بنفس تخصصك ولا وش سويتي ؟ راضيه عن نفسك الان ؟ اتمنى ايه لاني اكتب الحين وانا قلبي مكسور ... بزعل كثييييييييييييييير لو انك جالسه.. احدى اسباب اني لهيت عن مستقبلي شوي الشخص اللي احبه ، الشخص اللي تحبينه (أ) باقي معك ؟ باقي يحبك وتحبينه؟ ولسى تشوفينه الشخص المناسب بحياتك ؟ اخيراً .. رسالتي لك راح تتخطين كل الصعوبات واثقه فيني بعد خمس سنوات من الان واثقه اني بكون راضيه عن نفسي محد يقدر يكسرني مستقره نفسياً ومادياً وراضيه عن نفسي كثير الرضااااء وانجازاتي كثييييره وراح اكون بمكان مرموق ... كملي كملي لاتوقفين مادامك تتنفسين وباقي على قيد الحياة اعملي وانجزي وانجحي وخلصي هدف وحطي هدف ثاني انتي تقدرين مافيه شيء مستحيل تحركي وجربي وافشلي عادي جداً انتي مو شجره بمكان واحد طول العمر ! احبني و واثقه فيني يارب لاتخيب ظن نفسي فيني وبأحلامي ومستقبلي❤️❤️❤️❤️