A letter from Aug 23rd, 2021

Dear anonymous, انا ايمن لونيس في عمري 18 .رانا في 23اوت 2021 هاذ العان راح نفوت الباك وراني خلعان شوي. مي باغي نفرح عايلتي ونديرو حفلة .نشالله ندي الباك وحلمي بعد الباك نقرا فالجامعة عام ولا عامين وندخل police BRI هذا هوا حلمي لأني نعشق فل BRI .هاذ الميساج راح نعاود نقراه بعد 5 سنين .وراح يتبدلو بزااف حوايج .نشالله بعد 5 سنين راح نقرا هاذ الميساج وانا فرحان وكل اماني تحققو .وبغيت نشوف عايلتي كانل يفرحو معايا ديما .راني قاعد عند لميكرو ونكتب .باه بعد خمس نتفكر هاذ اللحضة وانا نقرا فل ميساج باباه راه خدام في باتنة يما راهي راقدة .راني راه خدام في عين آميناس و سارة راهي في دارها مع لولاد الستوتين ساجد وسيدرة ربي يحفضهم بعد خمس سنين يولو يقراو .وحمزة ثاني راه معاهم ربي يحفضو .زيد وش نحكي ههههه راني نكتب فهاذ الميساج وحاب نبكي .خايف بعد مايفوتو خمس سنين ويلحق هاذ الميساج ماتكونش الأحوال كيما راني حاب . مي ربي معانا وربي يجيب الخير .ونشالله يا ربي ندي الباك ونفرح والديا وخاوتي ثاني وربي يحفض عايلتي بلا ما ننسا نانا لعزيزة ربي يخليها ويحفضها ديما كي تجي لدارنا تمدلي دراهم تقولي هاك اشري ودي ليك ولا تعطيني نشري حاجة خصتني .خالاتي و خوالي ربي يحفضهم نشالله بغد خمس سنين نتلمو ونقراو هاذ النيساج مع بعض وعمامي وعماتي ربي يحفضهم ثاني نشالله تتصالح لقلوب ونولو كيما كنا بكري خلاص ديما مع بعض ونڨسرو. ههه رامي راه باغي يتزوح بل قبايلية منعرف بعد خمس سنين وش يكون يا يكتبهالك ربي هيا ولا تكون مع زوجة أخرى ليسونسيال ربي يعطيك زوجة صالحة واولاد طيبين يارب .نشالله كي نقرو هاذ الميساج نكونو كامل مع بعض مانيش حاب واحد يكون ناقص 🙁 .نحبكم كامل .انا قلبي حنين بزااف ومكانش لي نبغيلو الشر وكون نلقا كامل نعيشو بيا .هههه هاذا وين عيطت سارة لمام ف تيليفون وماما راقدة ايا حكيت انا معاها وقاتلي كون ماتديش الباك نهردك هههه نشالله ياختيتو نهار نقراو هاذ الميساج بعد خمس سنين نكون ديت الباك . وبخدمتي ونكونو ڨاع فرحانين .ايا وربي يهنينا ويحفضنا خلاصو كلماتي يا احبتي نموت عليكن 😘😍