A letter from Jun 22nd, 2021

Dear FutureMe, Hey dude first of all bada ajib lag raha hai ki khud se ese baat kar raha hun but jaruri bhi hai toh pahle mai btata hun ki abhi scene kya chal rahe hai mai bahut jyada preshan hun aur jab tu ye sab padhega tab tujhe lagna chahiye ki tu duniya ka sabse khush banda hai dekh normal life wali dikkate toh aayegi aur wo handle karne mai bada maja aayega par khush rahna sabse jaruri hai jo ki mai abhi nahi hun tujhe yaad hai ki tune life ka bahut bada hissa movies dekhne mai aur dosto mai bitaya hai dont worry wo sab bhi jaruri tha par dikkat yah hai ki rasto mai maje karne ke chakkar mai manjil ke baare mai toh socha hi nahi abhi mai 22 ka hun aur meri ek dost (17 YO) ne mujhe pucha tha ki tumhara goal kya hai ? dream kya hai ? aur mere paas koi jawab nahi tha kyu ki is hadd tak socha hi nahi tha bas plan tha ki koi private job kar lenge savings karenge aur world tour nahi huaa toh kam se kam pura india ghum lenge ek din shadi ho jayegi aur kya chahiye life mai. par ye bhul gaya tha ki life khelti bhi uske sath hai jo usey halke mai leta hai bcom clear karke socha hi tha ki ab start karna hai kuch par boom shadi ho gayi aur dost wo jo ek saal ka time jo tune lockdown mai sirf is tension mai bitaya tha ki "**** meri shadi ho jayegi toh mera kya hoga" kaafi bhari time tha par ab wo toh ho gaya par ab aage kya ? Mcom first year mai hun aur koi plan nahi hai job kar lu yaa pahle koi teyari kar lu ? Wese ravi bhaiya ke kahne par digital marketing ke baare mai toda sikhna start kiya hai par wo bhi theek se nahi ho paa raha kyuki phone chalane ki aadat lag gayi ruk btata hun ki tu apni jawani kese nikaal raha hai. subah late uthta hun aur direct phone chalane lagta hun fir uth kar bahar jaaunga dosto ke sath ghumunga firunga ghar aaaunga khana khaunga aur so jaaunga yaa koi movie web show kuch dekh lunga sham hone ka intjaar karunga aur fir bahar chala jaaunga fir wahi dost aur wahi roj ka scene btw ab toh jerry bhi sath jaaati hai i hope tab tak wo sath ho haan toh fir ghar aaunga aur wahi late night phone chala kar so jaaunga in sab bich mummy ka taane marna ki kuch kaam kar (aur wo sahi hai) Ab bta Is hisab se kese teri life secure hogi haan meri wo chije jo mai badlna chahta hun 1. Meri body (har roj body shaming hoti hai) 2. Garib hun (agar pese hote shayad mai kaafi kuch kar pata toh khud ke sath mummy papa ko khush rakh pata ) 3.Goal set karna hai 4.Kaafi sara ghumna hai 5. Ek achi job (jisme mai khush rahu) 6. Dost hamesha sath rahe ( aas paas mai sabse best group hai mere paas) 7.english achi karni hai 8.aur bhai agar possible ho toh PS5 le aaiyo naah (hamesha se bahut man tha par mila nahi ) okay so kaafi kuch likh diya aur agar kuch aur huaa toh kal baat karte hai wese toh mai 1 saal wale futureme ka bhi use krunga usse khud ko motivate karta rahunga Aur sun tere liye mai kaafi mehnat karne ko teyar hun bas 5 saal baad esa nahi lagna chahiye ki mehnat mai koi kami hai aur wese bhi agar khud par vishwas kar liya toh tu bhi janta hai kaafi kuch kar lenge tujhe jitna lagta hai tu usse bhi strong hai i love you past me