A letter from Jun 4th, 2021

Dear FutureMe, مرحبا ما بعرف شو احكي بس شفت فيديو ليوتيوبر ياسمين وصلتها رسالة من حالها بعد خمس سنين وحبيت الفكرة عم اكتب بتاريخ 4/6/2021يوم الجمعة بعد يوم يبلش امتحاناتي نهائية لبكلوريا مو مستعدة ابداً ومتوترة كتير هل امتحانات رح يحدد مصيري ومستقبلي حياتي صعبة كتير وحاسة بوحدة عم بمر بفترة اكتئاب شديد، كتير أفكار سلبية تخطر على بالي بس بحاول قدر الإمكان اكون قوية .ما اقدر اوثق بحدا ابداً،خايفة كتير من مستقبل حياتي او بالأصح حياتنا نحن يلي بسوريا او"حسكة"فيها غموض ما نعرف شو يلي رح يصير بتمنى ان هالاوضاع تهدى ونقدر نعيش بأمان كان عندي حلم ادرس جراحة قلبية بس مع الأسف ما اظن رح اقدر احققها عندي أهداف بدي احققها مثلا بدي ابني عضلات البطن،اتعلم اللغة كورية واحسن لغتي الإنجليزية واتعلم لغات كتيرة، اقرأ كمية كبيرة من روايات وكتب،اتقرب من الله اكتر،اتعلم سواقة و حاسوب،اتعلم اعزف ع غيتار او اي آلة موسيقية، بدي اتعلم فنون القتال في كتير أشياء ببالي حققتيهم!!؟؟ سافرتي ولا لساتك بمكانك؟ شو عم تدرسي هلق؟ او يمكن تخرجتي!!شو اختصاصك؟عندك حبيب او متزوجة؟ لساتك معجبة براؤول (اول شخص عجبني)؟ لساتك بتحبي كيبوب وخاصةً بتس؟يا ترا روان لساتها صديقتك المقربة؟مين ضل معك؟ مين أشخاص يلي دخلوا حياتك؟ مستقرة؟شو تغيرات يلي عملتيهم بحالك؟بقصد عملتي عملية ليزر؟عملية تجميل لأنفك؟في كورونا ولا خلص وطلع شي جديد؟ شو إنجازات يلي عملتيهم؟ كيف صارت المدارس؟ مدارس كردية تطورت؟ لسع ينقطع المي؟ في خبز؟ في كهربا؟ ما بعرف لساتك عايشة!؟ بتمنى تكوني بخير وناجحة بحياتك خليكي قوية نسرين لا تستسلمي مهما صار *بتمنى اشوف هالرسالة وانا فخورة بحالي وبإنجازاتي يارب* جمعة 4/6/2021 5:41 pm