A letter from Jun 1st, 2021

Dear FutureMe, رسالة من الماضي ١-٦-٢٠٢١ اهلاً نوره ما اعرف كيف بتكون مشاعرك وانتي تقرينها او كيف بتكون ردت فعلك بس ارجو من الله تكون نفس ما كتبتها وانا بهاليوم اتمنى توصلك وانتي مبتسمه وانتي حققتي طموحك وتخرجتي من الجامعه وعندك وظيفتك وسيارتك الي تحلمين فيها وبيتك بعد ارجو من الله انك تقرينها وكل حاجة كتبتها حصلت انا الحين عيوني مليانه دموع وفي قلبي نقطه صغيره من الامل بس واثقه انك راح تطلين على كلامي من بعد خمس سنين وانتي قلبك مليان امل وسعاده عندك شخصك الي يحبك وناسك الي تحبك وحياتك الي تحلمين فيها شعور الامان الي تدورينه السلام النفسي يكون حولك سلام من داخلك ومن محيطك والدنيا صارت خفيفه على قلبك لطيفه نفس روحك وكأن بداخلك ريف وكله ورد ياسمين وتوليب وزهرة القمر وفي وجهك ضوء البدر بيوم ١٥ وعيونك مليانه سعاده وما زال وجهك بريئ نفس الآن وحتى من داخلك فيه السلام صدقيني بهذي اللحظه وانتي تقرينها انا مبتسمه كثير وبنفس الوقت عيوني مليانه دموع مبتسمه اني عطيتك امل واتمنى تستخدمين هالأمل بطريقة صحيحه لا تيأسين لا تيأسين لا تيأسين حتى وان انقفلت بوجهك كل الابواب باب ربي ما زال مفتوح ما زال عندك امل تنجين من مشاعري الآن وتكون بداخلك مشاعر جديده وحلوه استشيري الله بكل شي فهو خير من تشاوريه اعطي نفسك فرصه دايم لا تخيبين ظني فيك ترا انا واثقه انك راح تكونين افضل مما تخيلت الحين وواثقه انك بتكونين واثقه بالله وبتكونين قوية بالله وراح ينجيك ويقويك على تخبطات الحياه وصعوبتها تذكري دائماً انك انسانه رائعه داخلك حلو ورسامه وخطك جميل نفس جمالك وانك تحبين اهلك وعائلتك ورغم الخيانات والقسوة الي مريتي فيها الا انك باقي شخص حنون وداخلك قلب حلو وكبير وقادر يحب ويعطي العمر كله وتذكري ان مشاعرك غاليه وانتبهي لها وانتبهي ثم انتبهي لا تبكين كثير عشان شعرك ما يتساقط لا تبكين ابتسمي ابتسمي ابتسمي بوجه كل شي معاديك بالحياه انا واثقه انك بتحقيقن الاحلام والطموحات الي بكتبها وانتي قوية وقدها واثقه فيك قد السماء وفوق ما تتخيلين وتتصورين بعد ١- راح يصير بحسابك ١٠ مليون ويزيد بعد ٢-بيصير عندك بيت حلو نفس ما تحلمين فيه حديقة تزرعين فيها وجلسه حلوه وغرف جميلة وكبير هذا بيكون لك ولأمك ٣-راح تتزوجين انسان حنون جداً وقلبه يوسعك بس انتي ويحبك بس انتي ويعيشك بنعيم وعز وسعاده لدرجة تقولين ياربي وش هالعوض الي جبرني من اصغر نقطه من سكوري وجروحي انسان وجهه لا طل عليك وكأن بداخلك ازهر ولطافته توسع دنياك واكثر وشخصيته تفرض عليك بوجودة وغيابه وحنانه رغم اتساعه لدنيا كلها الا انه ما يوسعك الا انتي وبس وتصير عندكم حياه حلوه هادئه هانئة بينكم وبين عائلتكم عليكم بالذكر والصلاوات وتعيشون الدنيا بما عطاكم الله وما تنسون فضله عليكم ويصير بس غايتكم ودعواتكم يارب الجنه يارب الجنه ياربب ٤-راح تبقى امك معك لأخر يوم بعمرك تحبينها وتعيشين معها ادري ان الاعمار بيد الله بس انا واثقه بكذا ٥- راح ينزل وزنك وشعرك يطول وبشرتك تصفى وعيونك تحلو ووجهك يحلو اكثر واكثر وتزيد البراءة كل يوم اكثر وتزيد لطافتك كل مره لين تكبرين ٦- اهربي من كل شي ممكن يأذيك اهربي اهربي ومتأكدة راح تكونين ذكيه وتنتبهين لنفسك الي هي انا متأكدة بتوقفين يوجه الحياه وتقولين مو من حقك توجعين نوري وراح يحمينا ربي منها دايم لانه معنا وقاعد يقرا كلامنا كلامي الآن وكلامك فالماضي ٧-راح تبنين مساجد وتنشرين كلام ربي بطريقة حلوه لأنك تحبينه وتحبين تشتغلين عشان ربي وتحين بهذي الحياه عشان ربي ٨- راح تحفظين القرآن وراح تصيرين قارئة كويسه وبناتك وابنائك راح يحفظونه معك اتمنى بهذا اليوم ٢٠٢٦-٦-١ ارجو من الله يجي هاليوم وعندك بنت وولد توأم راح تسمين وئام وفاتن او وئام وورد وراح يملون بفضل ربي حياتك سعاده لأنك تستحقين هالشي انتي شخص رائع وقلبك حلو وانتي تستحقين تكونين سعيده مع الناس الي يحبونك ٩- راح تكونين شخص محبوب وبتتعلمين حاجات كثير وبتكونين قويه بتتعلمين خياطه لغة انقليزيه وتطورين الرسم والخط وتصيرين شخصيه لطيفة راح تخلصين جامعتك بأعلى الدرجات بالتوفيق يا نوري ارجو من الله يعطيك الصحه والقوة والعافيه والعمر انتي و والدتك ومن تحبين ويملي عليك الحياه سعاده وسلام ويكتب لك جنات النعيم الي تنعمين فيها وتتسين شقى الدنيا كله اشوفك بعد خمس سنين يا حلوة ♥️