A letter from May 2nd, 2021

Dear FutureMe, le 1 mai 2020 انشألله يجي نهار و نقرا واش كتبت ولا تلحقني الرسالة هادي ورا 5 سنين المهم يا رانيا المستقبلية حبيت نقولك بلي نتي وحدة قوية و زينووونة و تساهلي كل خير المهم حبيت نسقسيك اسألة و جاوبي عليهم ورا 5 سنين و شوفي نقلتي من داركم ولا مزال؟ ديتي الباك؟ والديك و عايلتك بخير؟ حددتي واش حابة ديري في حياتك؟ راكي بخير نفسيا؟ تعديتي فترة المراهقة بخير؟ مازلتي صحبة اكرام؟ ولا خلاص تعدات من حياتك؟ قصيتي شعرك فالخمس سنين هادو؟ مازالت مرام صحبتك؟ نجحتي بالمعدل لي تمنيتيه؟ شريتي تيليفون جديد؟ صراولك مشاكل مع عايلتك؟ عمك فاتح خرج مالحبس؟ نتمى يكون خرج و بصحة و عافية راني نبكي و انا نكتب مازلتي حساسة و دمعتك خفيفة؟ مازلتي تافهة و على اي حاجة تضحكي؟ غادة ختك واش دارت خلصت قرايتها؟ تخطبت؟ تزوجت؟ 😂انشاالله تكون بخدمتها و نشوفها انسانة ناجحة و بطاكسي تاعها و اشرف مازال ماعندوش زهر فالخدمة؟ انشاالله يكون لقا خدمة و تزوج فالخمس سنين هادو و بابا حبيبيي يا ربي يكون بصحة و 1000 عافية و امورو خير من درك مسكين راهو يتعب بزاف علاجالك باه تقراي و تنجحي انشاالله تكوني فرحتيه هو و ماما حبيبتي انشاالله تكون مرتاحةو فحلة كيما نعرفها انشاالله نكونو نقلنا من بومرزوق و بدينا حياة جديدة ♥ واش اكي ديري فالماكياج و تخرجي ههههه حليتي باج ف انستا كيما حابة ديري؟ بديتي تتعلمي تسوڨي؟ مازلتي خايبة سايبة؟ هههه انشاالله تكوني فحلتي واش راكي تقراي فالجامعة اممم بلاك اونڨلي علابالي بيك تشتييها درك عند الشيخة بركات اكي مليحة جايبة روحك واش مع الصلاة و علاقتك مع ربي نتمنى تكوني كيما درك حاكمة في صلاتك درك رانا في رمضاان فالخمس سنين هادو بلاك يرجع فالشتا لا حيانا ربي المهم مانيش حابة نطول بزاف نتمنى من قلبيييي تلحڨني الرسالة هادي و نقراها بعد 5سنين انشاالله يا ربي اتهلاي في روحك ملييح علابالي بلي وليتي اقوى من درك راني 15سنة مازلت صغويرة و انشاالله تكوني مزلتي مع الناس لي تحبيهم و مزالو معاك 😉نحبببببك هههه نحب روحي هيه واش شي واحد يسالني قالها حكيم عنابة هههههه وشييي لااالا هايا باي باي اني تلحقني برك 💕 نتلاقاو ورا 5 سنين انشاالله يا ربي