A letter from Apr 27th, 2021

اوه ماي قااااددد ،، اححممم من زمان كان ودي اسوي هالفكره المهم اني كتبت حوالي العشر اسطر و مسحتها عشان ارتب افكاري و تطلع رساله محترمه اااححممم هاي زينب انتي بخير بعد ٥ سنين من الان ؟ تذكري انك من اقوى الناس حتى لو كنتي تمرين بوقت عصيب تذكري ان كلها فترة و بتختفي كوني بخير عشان نفسك مو عشان الناس ولا عشان اي احد بس عشان نفسك و لا تنسين هذي النقاط لو شنو 1. • انتي من افضل الناس ولا تخلين اي شي يجرحك او يكسرك او حتى يضايقك 2. • الماضي يبقى ماضي عيشي لحظتك و جهزي للمستقبل البعيد 3. • انتي برحله طووييللههه تخطأين و تتعلمين تتعورين و تشفين تتألمين و تتداوين 4. • لا تعلقين لا مصيرك ولا قراراتك ولا سعادتك ولا حزنك ولا نجاحك ولا اييي شييي يخص زينب باي شخص ثاني زينب لزينب و بس انتي اسعدي نفسك بنفسك هذي السعاده اللي انتي صنعتيها تراها لنفسك لا تصنعيها لاشخاص ثانين و دوريها بابسط الاشياء نجاحك لنفسك مصيرك انتي قرريه بنفسك لا تخلينه بيد شخص ثاني و قراراتك انتي اتخذيها حزنك انتي طلعيه على نفسك و على الاوراق و تعديه بنفسك لا تنتظرين شخص يجي و ينتشله منك انتي ساعدي نفسك بنفسك و اخر جمله بهالنقطه هي ان زينب لـ زينب زينب ملك زينب زينب هي سعادة زينب و زينب هي اهم شخص بالنسبه لزينب مو اي شخص ثاني 5. • الجمل اللي بالنقطه الرابعه ما تعني انك ما تكونين سعادة ناس ثانين ،كوني لطيفه مع البشر و الحيوانات و الطبيعه و النباتات و كل شي بهالحياة و كوني متواضعه مافي شي يستحق انك تتكبرين عشانه و لا تجرحين شخص تذكري اللي جاك من قبل و تذكري كيف انتي عانيتي عشان تداوينه و ترا في ناس محتاجينك كوني انتي الكتف اللي يبكون عليها كوني انتي الحضن الدافي اللي يحتاجونه كوني انتي كاتمة احزانهم لا تشوفين شخص حزين و تتركينه لا و الف لا روحي و ساعديه خليه يتخلص من حزنه معاك كوني انتي جزء من رحلتهم كوني انتي جزء من تغييرهم كوني انتي معلمتهم بفترة من الفترات كوني انتي سعادتهم بجزء من اجزاء حياتهم كوني انتي طبيبتهم النفسيه هم محتاجينك 6. • الادب و الاحترام لا تفتقرينهم لا يشوفونك زينب فاقدة الاحترام و مو عشان الناس عشان نفسك عشان ما تحسين بالكره لنفسك 7. • و مدري احسني فقدت الذاكره مع الصيام المهم بسولف شوي معاك ، اليوم هو تاريخ اووهه ماي قاد بعد بكره بندر الذغيلوني بيكمل سنتين اااااااااااااااااا حيوان المهم اليوم يوم الثلاثاء ٢٧ ابريل ٢٠٢١ حنا تقريبا بنص شهر رمضان يب القرقيعان بس حنا ايكونيك احتفلنا فيه يوم ١٠ رمضان عند بيت جدي اوه امي توها تجي من عند جدتي ،، صح قولي جدتي بخير ؟ ان شاءالله هي بخير عشان امي حيل تعبت و جدتي حيل صارت حالتها سيئه اتمنى من اعماق قلبي انها تحسنت و خوالي اتمنى ان الموضوع رد لهم و حسوا بالذنب اللي هم سووه ، خالتي و عيالها بخير ؟ وليد تحسنت حالته ؟ ، فاطمه و اسماء و عبدالله و احمد بخير ؟ حتى عبير و ايمان و بدر و بندر و ناصر بخير ؟ دعاء غالبا بتكون متزوجه وقتها ييوووههه ما اقدر اتخيلها متزوجه ابدااا و بعد حمد ما اعتقد انه بيكون متزوج الولد مو مفكر ابد و عباس و اروى ؟؟ يضحك وضعهم حتى هم ماقدر اتخيلهم متزوجين و محمد ؟ اي تخصص دخل ؟ ديمه ؟ قدرتي تعدلين شخصيتها ؟ ، عباس و عبير اخذوا شهادة الماجستير ؟ اتمنى اي ، ريما/اثير/نوره لين الحين علاقتي معاهم ما انقطعت ؟ و اللي اعتقد اننا مارح نطول مع بعض هي نيكو ( اسماء ) ياسمين / شيماء / رنا / ملولو ( فاطمه ) / شيخه ، بس ياه احبهم طيب شصار على احلامي ؟ هو صح بتكونين مو لهذيك الدرجه كبيره حوالي الـ ١٨/١٩ سنة ، المهم احلامي نفسها ؟ اني احتضن يتيم و اكون شخص مؤثر بالمجتمع و اكون قدوة حسنه و اني اكون بمجال الكتابه او الطب البيطري و الطب النفسي و الرسم ؟ انتي و ريما بديتوا بالمشروع اللي تحلمون فيه ؟ تعلمتي تعزفين على الآلات المفضله لج ؟ طورتي نفسج بالرسم و الكتابه ؟ تعلمتي اللغات المفضله لج؟ قدرتي تروحين دوله من الدول اللي تتمنين تروحين لها ؟ تدرسين برا ولا لين الحين بالكويت ؟ طيب كورونا شصار عليها ؟ اشتقت للحياة الطبيعيه (؛ ايه متى ردينا حضوري ؟ زهقت بالاونلاين نوعا ما ، ايه اهتماماتج نفسها ولا لا ؟ بانقتان ؟ الانمي ؟ الافلام ؟ القراءه ؟ الكتابه ؟ الانماط ؟ شنو انماط اصدقائك الجدد ؟ انا غالبا بكون لين الحين enfp مستحيل يتغير و عيال خواتي و اخواني شنو طلعت انماطهم ؟ مبعرفش والله ـي طيب في افراد جدد بالعايله ؟ اااهههه حماس ابي اروح للمستقبل بسرعه نسيت احس مافي كلام زياده هذا كافي مع اني احس ان في زياده اي ده يسطا محتاق كلام زياده خلاص عاد باي لاڤيوووو يا انا 3> الحين الناس يقدرون يقرونها ؟ يوه نسيت ايميلي بروح اغشه ،، باي باي يقدعاانننن قوووو تووو ذاااا ممسستتققببللللل