Press ← and → on your keyboard to move between
letters
Dear FutureMe,ده انا بكلمك من الماضي انتي عارفه اني بحب جو الtime travel و كده يمكن الرساله دي تكةن حاجه شبيهه
كل سنه و انتي طيبه ، انهارده عيد ميلادك و المفروض هتكملي ال٢٥ سنه .. رقم مرعب مش كده ؟
انا حاليا لسه مكملتش ال٢٠ سنه و قلقانه و خايفه من حاجات كتير اوي و لسه محققتش احلام كتير نفسي فيها ! يا تري ايه الي هيتغير في السنين دي كلها ! عارفه انه هيتغير حاجات كتير و بصراحة في نفس الوقت خايفه انه ميكونش اتغير حاجات كتير .. اتمني اكون شخص تاني حياته افضل .. عارفه انه ممكن الدنيا تفاجئنا بأحداث مكناش نتوقعها و انه اكيد هيحصل حاجات كتير مكناش عايزنها تحصل او كنا خايفين منها .. نفسي اعرف ايه الي هيحصل . يا ريت لو الرساله دي ينفع تتبعت منك انتي ليا يا ريت لو الواحد يقدر يكلم نفسه في الماضي والله ، يمكن تقدري ساعتها تطمنيني علي حاجات معينه او تبشريني باللي كان نفسي فيه او حاجات مكنتش اتخيل انها تحصل و حصلت اتمني والله ! يمكن برضو تحذريني من حاجات كتير غبيه هعملها ، يمكن تخليني اشوف حاجات انا مغميه عيني عنها . يمكن الرساله دي توصل بس ميكونش في نصيب ان انا اشوفها محدش ضامن عمره ولا ضامن ظروفه ولا ضامنه اصلا اني ممكن اخد بالي من الرسالة دي و احتمال كبير اوي اني انساها وسط انشغال الدنيا . علي اي حال انا بحبك و اتمني انك تكوني بخير و لما تشوفي الرساله دي تبتسمي و تحسي الي هو يااااه ده حصل حاجات كتير اوي في الخمس سنين دول . اتمنالك و اتمنالي حياه افضل و تكون احسن سنه عن سنه و انك تكوني الشخص الي بتحلمي بيه من و انتي طفله صغيره .. اتمني انه لما تشوفي الرساله دي متحسيش بالاحباط او انك خيبتي امالي و مقدرتيش تحققي حاجه او حياتك مش زي ما انا بتخيلها دلوقتي . يا رب تكوني بخير و سعيده.
Sign in to FutureMe
or use your email address
Create an account
or use your email address
FutureMe uses cookies, read how
Share this FutureMe letter
Copy the link to your clipboard:
Or share directly via social media:
Why is this inappropriate?