A letter from Apr 22nd, 2021

Dear FutureMe, هلاو ما اعرف انو بعد شكد توصلني هاي الرساله او يجوز ما توصل ما اعرف اني حاليا عمري 14 سنة و 7. شهر و 8 يوم اني حاليا صف ثالث متوسط جاي ندرس كورس ثاني بس برمضان جاي ندرسه وكللش تعب وصيام وحاره طبعن اني جاي اكتب كلشي عل نياتي يجوز من توصلني هاي الرساله بخير وسلامه اشوفهه واضحك لان صدك جاي اكتب عل نيتي اني من نوع اليخطر بالي اكتبه حاليا اني ساكنه الوالدايه يجوز بعد خمس سنوات الله اليعلم يمكن نشيل وخل نشيل لان كلش منطقه لعبان نفس اني اكرهه لان بعيده عن دوامنا والناس البيهه مو خوش ناس اني حاليا داكتب والساعه 5:32 الفجر في رمضان يوم 9 برمضان اتمنى انو هاي الرساله توصلني واني محققه حلمي اتمنى لان بوقت هاي الرساله اني اكون ثاني كليه او ثالث كليه انشاءالله طبعن الي انطاني هاي الفكره مال الرساله اسنات بت خالي كلللش حبيتهه وكلت خل اكتب شكو بيهه طبعن بهاي الرساله حبيت اذكر ايضا صديقاتي اللي الله لا يحرمني منهن انشاءالله اولهم مروه شكد ما احجي الكلام قليل وميوفي حقهه بكلشي ساندتني بكلشي هيه صديقتي واختى وروحي من الدنيا هيه كلللش طيوبه وحبابه وايضا اسوو صدك عدنه اسوو نوبات تهنبل علينه بس عادي عدنه لان نعرفهه من تجذب علينه ترمش عيونهه وتكوم ترجف ايدهه وهواي شغلات طبعن وهدى عمار فكاهيه الشله هدى عمار من نوع التكتم بكلبهه وتضحك بوجهك كللش نحبهه عرفناعه بالاول متوسط ولهسه ويانه كلللش طيوبه وحبابه وامينه وكلشي طبعن عدنه هم بعد نور وندى وعذراء وزهراء اووووووو بعد كومه حجي بس اني من نوع الما بيه حيل لكلش مثلا هسه جاي اكتب وتعبت هسه احجي عل بلدي بلدنا مدمر كللللش من وره الفاسدين الي بلمجتمع واتوقع حفتهم بعد منوو عدنه بهذا اليوم الدولار كلللش غالي سعره $150 والشغل واكف والناس تعبانه وحالتهه الناديه ضعيفه متكدر بعد الله كريم للشعب هواي حروب صارت للعراق وضمنهم انفجار باب الشرجي قبل فتره وهواي وهواي انفجارات اتمنى انوو بعد خمس سنوات يتغير هذا الحجي اتمنى ويصير بلدنه زين وامان ومرتاح لان بلدنه عيب البنيه تطلع بوحدها لان ماكوو امان وانشاءالله يتحسن انشاءالله ويسيطر الي بالي انشاءالله اني انشاءالله اذا نجحت من الثالث اروح علمي لان اني ما احب الادبي اني فهميه مو درخيه وبعد ما ادري اتمنى كلشي يتغير بهل 5 سنين اتمنى امنيه طبعا هاي للرساله كلللش حبيتهه وانشاءالله توصلني هاي الرساله بعد خمس 2021/4/22 سنين انشاءالله