A letter from Apr 21st, 2021

Dear FutureMe, طبعاً اليوم التاريخ ٩/٩ (برمضان حنا )امي فوق السرير وانا تحت وقاعده اكتب ذي الرساله لنفسي عشان توصلني بعد خمس سنوات وبشرى حامل ونايمه بالصاله ومدري متى بتولد وبتسميه سند طبعاً ، وافنان تذاكر عليها اختبار الساعه ١٢ الحين الساعه ٦:١٨ وانا كمان عليه اختبار الي هو اجتماعيات انشالله درجه حلوه وانا ثالث متوسط طبعا المهم وهناء مع عيالها ببيتها مدري وش يسوون وحامد بالرياض كمان مدري وش يسوي وعمر وعزام نايمين بس يعني حبيت اقول وش فيه اليوم وبعديييين اوصل الرساله لنفسي اي صح نسيت انا الحين عمري ١٥ سنه وبس يعني يلا بقول ،شوفي ياكنوز انتي بتسوين العمليه وتنجح وماعاد يصير فيك انيميا زي مجود وليان وبتصيرين تتسبحين وماتاخذين الحبوب كل يوم وولا تتعبين وراح تسوين العمليه وتنجح👍🏻ثاني شي راح تجيبين نسبه فوق ٩٥ بالثانوي بكل المراحل ١ و٢ و٣ وراح تنقبلين بالجامعه وتدخلين تمريض التخصص الي انتي تبينه وتتخرجين وتصيرين احلى واطلق ممرضه وراح ترفعين راس امك واخوانك🥺ثالث شي بتصيرين حلوووه تعرفين وش يعني حلوه؟ملكة جماااال البحالصه كل ابوهم ههههههههههه بس يعني انتي اصبري مابتقعدين على القبح الي انتي فيه ترا 😘رابع شي ترا بتصيرين غنيه وعندك فلوس ويصير عندك غرفه حلوووه وملابس وبجايم وكريمات وجوال جديد ولابتوب ابل وكل شييييي تبغينه بس انتي اصبري وثقي بالله وانه بيجيكم رزق وتبنون بيت وكذا يعني وحماس، اما خامس شي مدري والله بس اتوقع هذي الي ابغاها تصير بحياتي (: ، واي صح انتي بس شدي حيلك راح تصيرين تعرفين تتعلمين انجليزي طبعا انا ودي اتكلم انجليزي واعرف وكذا اكتب واقرا زين ف راح تصيرين بلبل بالانجليزي وراح تذكرك ذي الرساله بعد ٥ سنوات بس يعني انتي لا تتركين التعلم الاصرار اهمم شي ، وبس والله راح نشوف ذي الرساله بعد خمس سنوات وان شاء الله يصير كل الي كتبته وبااييي👋🏻