A letter from Apr 18th, 2021

Dear FutureMe, متحمسة لليوم الي حتوصلني في الرسالة دي غالبا عمري سار 22 اتمنى انو رغد الي تقرأ شخصيتها مختلفة عن الي تكتب وانك تكوني تحسنتي للافضل بعدتي عن الحياة الروتينية المملة واستقريتي نفسيا لقيتي طموحك اخيرا وقربتي تحققيه او ممكن تكوني وصلتي مع انو ما عندي اي فكره ايش ممكن يكون هذا وانا في سنة تخرج عموما الاهم من دا كلو انك تكوني للحين متمسكة بصلاتك وتجاهدي كل يوم عشان ما تسيبيها انتي عارفه مستحيله السعادة بعيد عن ربنا . لسه تحاولي تسيبي الضعف والبكاء الزايد ولا قدرتي؟ انتبهي مو كل احد ولا اي احد ينقال له تفاصيل حياتك . بالمناسة صحباتك لسه تتواصلي معاهم؟ اوصلي الي قطعتيهم لا تضيعي صحبة سنين عشان متكاسله ترسلي رسالة او دقي وفاجئهم قابلو بعض انبسطي دايما محد يستاهل دموعك او انك تنقهري بسببو اهتمي بنفسك عشانك انتي انحفي عشان نفسك وانجحي عشان نفسك لا تهتمي لكلام الناس عنك لا تغلطي نفس الغلطة كل مره . تعلمي من اغلاط الي حولك لا تفكري ترتبطي باحد قبل تخلصي الجامعة كوني قوية ساعدي الناس واسعديهم عشان ربنا يساعدك يسعدك ويساعدك تصدقي بشي من مكافأتك جمعي منها كمان وابسطي نفسك بس لا تنسي في يوم بدون مناسبة اشتري شي لاخواتك هما كانو السبب الرئيسي في قوتك وصبرك كانو اكتر ناس جنبك مهما اتضاربوولا تنسي اخوانك لا تبعدي عنهم قد ما تقدري وابوكي احن والطف شخص في حياتك مهما قسي وصرخ عمرك لا تنسيه قوليلو انك تحبيه وادعي لمامتك خلي عندك امل انو يوم من الايام كل شي حيتصلح وبنات اخواتك اكيد كبرو خليكي صحبتهم اكتر من خالتهم حبيهم وخليهم يحبوكي. تعرفي على ناس جديدة طوري نفسك عمرك لا تفكري توقفي انا عارفه كل شي مريتي عليه مو سهل لكن انتي تقدري انتبهي تسلمي نفسك للاكتئاب والتعب . صح الكلام ملخبط لانو طالع من القلب بس انتي عارفه الفتره الي انتي فيها مو سهلة وتحديد مصير كوني بخير دايما . ١١:٥٢ الليل 18/4/2021 الاحد رمضان 1442 يوم 6