A letter from March 25th, 2021

Dear FutureMe, مراحب حب :) اولا رح اذكرك انا وقت كنت عم اكتب هل رسالة اش كان وضعي كبداية انا هلق عمري ١٨ الا كم شهر يعني لسا ١٧ بعد شهرين فحص البكالوريا و شفت هي الشغلة عل انستا و حبيت الفكرة كتير لانو انا عندي تعلق رهيب بل ماضي ما بعرف اذا لسا عندك كل الشغلات المجمعتيون و الوراق و القصص تبعون التاسع و العاشر و القصائد الي كنتي تكتبون و كل هل شغلات بس اذا لسا موجودين روحي شوفيون انشالله ما تكوني اليوم مشغولة و اذا مشغولة فانو سورري رح ابلش بانو احكي انا شلون بتخيلك اول شغلة سوري انا اصلا ما بتخيلك يعني ما بتخيل حالي اوصل لبعد خمس سنين اصلا بتمنى اكون محظوظة لدرجة انو اكون متت قبلا هي الخطة الاساسية انو اكون ميتة تانيا اذا ما كنت محظوظة لدرجة اكون ميتة كمان ما اتوقع اكون بمحل بحياتي منيح ما اظن هاد المحل موجود اصلا بس يمكن اكون تعودت و تخدرت لدرجة و انو اكون لاقيت طريقة اتعايش مع الوضع بس انو الافكار نفسا يمكن تكون اتطورت و تجددت بس هي هية، اذا كنتي لساتك عايشة فأنتي هلق عبواب التخرج و رح تكوني متل هل فترة يعني قربتي تخلصي فترة كبيرة من حياتك و يمكن تكوني متلي كمان عم تشتغلي و تحضري و تسبي عل حياة بليز تكوني عم تسبي عل حياة انا المفروض هلق اكون عبحط اهداف و توقعات الك انتي الي لازم المفروض تحققيا بس انا كتير ضايعة حاليا بل حياة و ما بدي منك شي بصراحة يعني خلص رح اتركك للحياة هية تتوالاكي انا ما خرج احضر و افكر شلون لازم تكوني لانو عنجد ما بعرف اكيد لسا بتتذكري انو انتي ما بدك طب و من هل حكي فأنو اذا انتي هلق عبتدرسي طب بشري فانو وقفي شوي قراءة و بزقي عحالك اي؟ اش اتفقنا غبية اشبك بس يلا معلش اش ما دخلتي ما رح تكوني مبسوطة عل حالتين هيك كنتي عبتفكري بعرف فانو خلص سامحتك و اذا هلق انتي عم تدرسي صيدلة فانو اوكة مقبول انشالله تكوني شوي حبيتيا و عم تبلشي تحضري للحياة العملية الخرا و اذا هلق انتي عم تدرسي ادب انكليزي فبتستاهلي بوسة لانو متاكدة انو انتي قبل ما تاخدي هل قرار ترددتي و توترتي و حاربوكي الناس و تمسخرو عليكي و صار شغلات كتير سيئة بس انو غووود فور يو بتكوني تخرجتي اصلا و اذااا كنتي خارج ربوع الوطن الجميلة فانا عنجد فخورة فيكي للسما و للصراحة انا شكيت فيكي كتير و ما توقعت تكوني موجودة اصلا و لا بأي كون انشالله يكون برا اسهل ما كنت متخيلة لانو انا هلق بل نسبة الي برا شي مجهول جدا و يمكن مو المناسب الك لانو ما خرجك هاد الشي ما بعرف عنجد اشو الصح الك بس بتمنى اكون اخدت قرار يخليكي هلق شوي مرتاحة و بتمنى تكوني ما تكرهيني و ما بتطلعي علي و بتفرجي العالم صورتي و بتقوليلون شوفوو شلون كنت هون كنت هيك و كنت هيك و كنت هيك و تضحكي علي او تغصي لما تشوفيني لانو انا هلق عملت شي اثر عليكي للحظة الي عم تقري فيا بس اكيد انتي بتعرفي انو ما رح الومك حقك لانو انا هلق بكره حالي لدرجة بعمل كل هل شغلات بس عبحاول جهدي عنجد و عبقاوم و بعرف يمكن مالو كفاية و يمكن تلوميني هلق و تقولي انو انا السبب بكل الشغلات البشعة الي انتي فيا بس انا عبحاول عنجد و انتي بتعرفي شلون كلشي صعب و شلون انا هلق و في شغلات دايما تذكرك فحاولي تتقبلي الماضي الي كنتي في و اذا انتي لساتك متلي و ما تغيرتي ابدا فانا اسفة بس هاد الشي الوحيد الي رح اقولو رح اقلك كمان اسفة عكل الشغلات الغلط الي عبعملا و الي عبعفسا هلق و بعرف ما حدا رح ياكلا غيرك انتي بس انا ما عبقدر اساوي شي تاني عنجد اسفة عكل المرات الي جوعت حالي فيا و عكل المرات الي ما نمت فيا و عكل المرات الي اذيت حالي فيا و عكل المرات الي كرهت حالي فيا بس انا كتير بكره هل حياة و انا كتير بكرهني و انا هلق كتير كتير كتير تعبانة و مرهقة و ما عندي القدرة انو اكمل و اوصل لعندك عنجد ما بعرف شلون ممكن الخمس سنين هدول يمرقو ما بعرف شلون رح تكون شغلة كتير صعبة متاكدة لانو الوضع الى اسوء فبصراحة ما بتوقعك تكوني احسن مني هلق يعني بصراحة ما بعرف اذا ممكن يخليني و اذا لساتو موجود سلمي عليه (ما بعرف ليش حيسستك رح تكوني نسيتي انشالله لا بس انو هوة بلوري فايس للاحتياط اذا نسيتي) ما بعرف مين رح يكون بقيان لسا بحياتك بس ما اظن يكون كتار يعني رح يكونو كتار كمجرد اسماء بس ما اظن يكونو كتار كقرب لانو هنن مالن كتار هلق بس اذا قدرتي تضلي محافظة على علاقتك بس بعض منن فانو برافو روحي احكي معن و قوليلن انو انتي ذكرتيون برسالة الخمس سنين و تشكريون لانو تحملو خلقتك الزق كمان وضعك مع اهلك هلق مو منيح ابدا يمكن مو بل ظاهر بس انتي من جوا بوضع مالو منيح مع اهلك و بلشتي تشوفي الشغلات الي مالا عادية و تحسي بل بعد و الحاجز الي بيناتكن و ما اتوقع هاد الحاجز يروح بس انو يمكن انتي رح تكوني اوعى مني و تكون علاقتكن افضل او يمكن يحسو عل شغلات الي عبعفسا و تتخرب علاقتنا معن للابد او يمكن بل عكس يساعدوكي عنجد ما بعرف يعني و لا شي بقدر اقلك اكيد رح يصير هيك لانو عنجد ما بعرف شي بس هنن هلق كتير بعاد عني و ما بيعرفوني و ما بحس بشي اتجاهن و ما بحس بدعمن و ما بحس بهل العلاقة الاهل بيناتنا بس بتعرفي نانتك شقد غالية عليكي ما بعرف اذا رح تكوني موحودة و على قد ما بيوجعني اقول هاد الشي بس ممكن جدا فانو اذا لساتا موحودة روحي هلق احكي معا و اشكريا انو بلحظة من حياتك هي كانت الاسباب الي مسكتك بل حياة و خلتك تضلي هون و تقري هل حكي من الناحية الدينية انا حاليا بوضع زبالة نشكر الله :) كنت بمرحلة قريبة جدا من الالحاد عنكشة و انا هلق ما بعرف حرفيا ما بعرف ولا شي ابدا و ما بعرف اش عبعمل او اش عبعفس و ما بعرف لوين رح اوصل بعدين عنجد بس اظن رح تكوني شوي استقريتي من هل ناحية عل اقل و قررتي عشي يعني انا بصراحة ما بحس بل شغلات الروحية الي كل بيقدرو يحسوا و جزء مني بيتمنى تقدري تحسيا يمكن رح تريحك و تقدري توصلي لسلام بحياتك من ناحية الشغل و الدراسة بتوقع تكوني عم تشتغلي مثلا شي مع لين او هيك يعني هي شي وحيد شوي حيسستو مضمون و يمكن يصير كمااان بتمنى الموسيقا تكون لساتا جزء كتير كتير كبير و مهم بحياتك متل ما هية هلق بليز خليكي عم تسمعي نفس الموسيقى و اكتشفي شغلات جديدة و انشالله تكوني لساتك ميتال هيد و يكون لسا عندك الجاكيت الاسود و تكوني تطورتي شوي لبسك الزبالة و صرتي كول شوي و حركات و قصص يعني و صحي ما بعرف اش رح يكون وضعك مع الميك اب بس اظن ايتس تو لايت انو تكوني هل بتحطي شي خلص راحت عليكي ايم سوووري و كمان ناحية بدي احكي فيا الي هي العاطفية اول الشغلة بتعرفي خططنا و افكارنا تبعيت انو ما بدي اتجوز او اجيب اذا لساتك هيك تحية كتير كبيرة بس هلق انتي قدام ضغط كبير تبع الي لازم تنخطبي و تتجوزي و هل قصص بليز ما تقوليلي حبيتي و تمعشقتي عنجد رح اتدايق ما بعرف شلون بس رح اتدايق مسمحلك بشرط يكون جواز لبرا و هل قصص متل ما خططنا غير هيك لا ما اظن رح يصير هل شي و ما اظن رح يجي حدا خطير لدرجة يبذل جهد كبير ليتعرف عليكي لانك انتي متعبة و معقدة و ما حدا عندو استعداد لهاد الشي زائد انو ما عندك حب تقدمي بيكوز وي ار ارومانتيك و اي سيكشوال بااايبييي بليز يكون صار في تطور تجاه هل موضوع لانو كمان ضايعة كتير كتير خلص اصلا بتعرفي انك ما بتستاهلي الحب و هل حكي كلو فانو خلص ما اظن تسترجي تعمليا خلص خليكي هيك انا هي الشغلة مرتاحة منا انو وضعي العاطفي غير موجود بتمنى يكون لسا هيك و اذا عندك بويفريند فخراي عليكي اي؟ روحي تركي هلق هل ثانية هل دقيقة شكي فكلشي مالو المناسب و ما بتحبي و ما بحبك ما بيعرفك لانو تركي دود عنجد بليز و شكرا :') و صحي ما بعرف شلون رح تكون شخصيتك لسا يعني ما بعرف اذا لسا رح تكوني فني و بتعملي فاينز و تيك توك و ميمز و هيك و متحمسة و حكيك معلاق بتمنى تكوني شوي هديتي و ركزتي بكره صوتي العالي و حركاتي المزعجة المقرفة بس انو خليكي فني معلش و صحي في المنااظرة اش صار فيا عجب؟ و كمان من ناحية علاقتي مع حالي و مع صحتي فهية مالا منيحة ابدا ابدا ابدا اذا قدرتي تطلبي المساعدة فانو وحشة مبروك بس انا حاليا ما في اي شي بخليني اظن انك ممكن تكوني منيحة خلص وي ار دومد فور ايفر ياي برو بليز كوني ميتة ما عبتخيل كمان خمس سنين من هاد الشي برووو عنجد انا ما بطيقني و ما بطيقك و ما بعرف شلون رح اقدر عنجد ما بعرف شلون ممكن اقدر انتي الشي الوحيد الي بقدر افضفضلو و اقلك انا ضايعة ضايعة بشكل رهيب رهيب ما عبعرف شي و حيسة حالي وحيدة بشكل و اظن واضح من فكرة انو انا جاي حرفيا عبفضفض لحالي بس انو اوكة انا عنجد مخدرة و مالي مبسوطة ابدا ابدا و بل زور عبعيش كل يوم بيوم الدنيا بشعة و عدمية و كل يوم هون هوة عذاب ما عبقدر اشيل هل شعور السيء الدائم جواتي و هل تقل الي بحسو دائما و هل كره لكلشي حرفيا جواتي كمية كره و عدم استقرار فظيعة بكره كلشي كلشي بكره اني عايشة و اني ولدت و بكرهني و بكره وشي و بكره جسمي هاد بل ذات الو جزء خاص و كبير من الكره الي بقلبي بكره الحياة و الناس الي فيا و بكره هاد الشي الي عم نعيشو و الروتين المقرف و الحياة المملة المتوقعة و بكره الكره عنجد ما عبعرف اتعامل مع حالي او مشاعري و خايفة من حالي جدا و خايفة من الشغلات الي رح تصير بعدين و رح اعيشا بعدين لانو عبتوعدني بشغلات كتير كتير كتير بشعة و ما بعرف اذا رح اقدر اتحملا و خلص ما عبقدر اشيل فكرة الانتحار من راسي ابدا كل يوم لازم اشوفا و افكر فيا و احس فيا و انا خلص تعبت بشكل ما بقا بدي امشي و ما بدي اكمل و ما بدي اوصل لعندك عنحد ما بدي ياكي تقري هل رسالة و ما بدي ياكي تشوفيا و ما بدي اكون موجودة انا بس بدي اوقف و ما بدي ياكي ابدا تنسي هل شغلات بس بتعرفي بخاف منك من شغلة بخاف بيوم تقولي علي عبهودر او عبراهق او عبتولدن و تقولي انو الشغلا الي كنت عبحسا هلق سخيقة و تسمعيا و تقولي ياع اش كنت عبعمل و و تتمسخري علي عنحد لا تعملي هيك انا بعرف انو الشغلات الي عبعملا سخيفة و مولدنة بس بحاحة اني اعملا لانو ما في طريقة تانية اطالع الشغلات الي عبحسا و عنحد انتي كنتي بفترة مالا منيحة ابدا و اذا بطريقة ما قدرتي تتطلعي منا لا تقولي عني انا انو كنت عبتولدن انتي اخر حدا بتمنى يقول عني هيك اذا انتي هلق منيحة حاولي تتجاوزيني و خلص لا تحكي شي عن هل فترة و خلص ما بعرف اش ممكز احكي كمان انشالله ما اكون نسيت شي جزء لانو ما في مجال اعدلا بتمنى اكون خليتك تبكي او تحسي بشي لانو صرلي تلت رباع ساعة عبتكتب يعني هلكت حرفيا و هلق اخر شغلة اذا لسا موجودين التسجيلات و النوتس فانو برافو عليكي روحي شوفيون او شي ما بعرف سلام رايحة ادرس ضيعتيلي حرفيا ساعة و نص من حياتي التافهة و وقتي البكالوريا الثمين و عنا مذاكرة كيميا بعد يومين خازوقية اول اربع وحد غالبا على قد ما هلق زيعجتني عل قد ما اصلا ما رح تتذكريا لهل مذاكرة كلك على بعضك نايس المهم انشالله تكوني نوتيفيكايشن كيوت و تكون نص ساعة مليئة بل يااااي و انتي عم تقري باي و انشالله تكون باي ابدية سيما ٢٠٢١ :((