A letter from March 24th, 2021

Dear FutureMe, سلام انس ، انا انس من ماضي ف عمري 18 عام دبا أو عندي الباك هاد العام أو صراحة بقيلي شهراين أو باقي موجدت والو ، معرفتشي شني كنتسنا او على الله نجح او نفرح واليديا ، معلينا خاي انس د مستقبل على الله تكون حققتي احلام ديالك او وصلتي الاهداف لي باغيها ، فحال انك تخروج من مغريب او توصل شي نيفو كبير في رياضة رفع الاثقال او تكون تشهرتي ، او تكون راضي على راسك .معلينا ا خاي انس د المستقبل ، الا ربي طولي ف العمر او قدرت نعيش او نشوف هاد رسالة لي كتبتا هادي خمس سنوات ف 2020 ، كنبغي نقولك عمرك تستلم ن شي حاجة او مصدقتشي عاودا مرة لولا او مرة ثانية ولا جاربا بطريقة وحدة اخرى حتا تصدق ، او تشبث بالأحلام ديالك او بعد عليك ديمان هدرة لي اتحبطك ار بعد عليك صحاب لي كيخسرو عليك ديمان هدرة ديال ( والله لا وصلتي لداكشي لي كاتبغي .../ عرفتي انا واحد صاحبي جرب هادشي أو مصدقشي ... / او دوك لهدور خاويين) ، او خسك تعرف واخا تكون عندك دبا 23 سنة راه باقيلك الوقت ف يدك ، حاول تنقد راسك أو متبعشي القطيع ، كون متميز و ربي عمرو يخيبك ، و حتا الا ربي مسهلكشي ف شي حاجة لي نتاكنتي باغيها بزاف ، عرف يا اما ما فيها خير ، يا اما ربي كيتسنا الوقت المنايب باش يعطيهالك ار يا اما ربي مخابيلك شي حاجة حسن منا . او اخير حاجة انختم بيها هيا تهالا ف واليديك او ختك اميمة او حاول تدوز اكبر وقت معا عائلتك ، او متنساشي صلاة ديالك او دين ديالك لي هو اهم حاجة ، صلاة صلاة صلاة ، او تصدق على فقراء او مساكين او متنساشي دراوش ، ربي الا رزقك من فاضلو ، حاول دير واحد مقدار كل شهر تبرع بيه ن ناس اولا لجمعيات ، او تفكار حاجات لي كانت كاديروم مماك ف حيات ديالا او خوذا قدوة ف حياة ديالك هي و الرسول صلى الله عليه و سلم ، اما لا مت ف هاد رسالة ماغادي يقراها حد ، و ياربي يرحمني او يغفري لي او جميع المسلمين اجمعين يا ربي.مهم باقي خسني نزيد نقولك شي حاجات مي انكتافي غا ب هاد المقدار ، او واحد الحاجة اختر رفيقة حياتك بحكمة او بشوية عليك ، او تهالا فيها او صافرو او دورو ما راسكوم راه اتعسشو مرة وحدة ، او متعاملاشي بحال لي كان كيعامل اب ديالي ام ديالي ، او ديمان سمع ن نصائح لي كيقولوها عليك صحابك ولا ولادك ، حيت كاينا شي حاجات لي نتا ماكاتشوفومشي فراسك أو اله يسهل عليك يا ربي.