A letter from March 24th, 2021

Dear FutureMe, عزيزي انا المستقبلي , انا حاليا عمري ١٩ سنة وداخل على ال ٢٠ ما بعرف انت شو هسا متزوج ولا مثل ما انت حاليا بس حابب اقلك انو شو ما عشت ومهما عشت، السنين ذاهبة الى الاسوأ،وإنو ما تستغرب من اللي بكون صديقك زمان وهسا صار ضدك عادي اتذكر (ليث المصلحجي الخبيث) وحابب اوجهلك رسالة تذكيرية تحفيزية انو اذا ضليت على وضعك ومثل ما انت حرّك حالك ما تضلك عنصر خامل شوف الناس شو بتساوي واعمل مثلهم او احسن و انساك من ارضاء الناس ارضي ربك واهلك بفوز في الدنيا والاخرة ان ما بتفلسف انت جربت هالاشي من قبل ولا لأ؟؟ عيش حياتك وانبسط لأنها رايحة بس بحدود الله وان شاء الله انك عارف الصح من الغلط وانا هسا حاليا في فترة النقاهة من تاريخ ٤/٣/٢٠٢١ (اربع ثلاث الفين وواحد وعشرين ) اجت فترة الكورونا و فضحت عرض ام الوضع اذا متذكر وان شاء الله انها راحت في وقتك الحالي لانه اذا احكيلي عشان ما اكمل ههههه.. المهم انت كنت تصلي وان شاء الله انك مستمر وانساك من فلان وعلان مصلحتك اهم منهم كلهممم اذا غشّك قلبك الطيب برضو انساك منه وورجيهم عينك الحمرا الشاطر بوقعش مرتين طبعا انت يمكن مليون مرة بس يلا. خليك نغش ونهفة مش اهبل خهههه كنت تلعب حديد وكل شوي تتطلع على المراية وشربت بروتينات سوبر ماس جينر و باد اس كلمة السر تبعتك عارفها اول حرف من اسمك الخماسي و سنة ميلادك بس شواذ في حسابات لازم تضيف يا صفر يا واحد.. وصلت للعشرين وانت لساتك سنجل انا حاسس انو ربي مخبيلي اشي يفرح قلبي واملي بالله دائما كبير . حابب اذكرك باشياء واشخاص كنت تكرههم في وقت اللي كتبت في الرسالة: 1-سارة زكريا 2-هيثم مكرم 3-حسين العبد 4-اسامة والكمبيوتر 5-ليث والمصلحة بس 6-التأتأة وعدم النطق 7-الشغل ونيها واهل باقة 8-الافسكا مع خالي 9-انك سنجل 🥲 10-معك رخصة بس ما ابوك ما بعطيك تروح وين ما بدك مع انه الدنيا مسكرة 11-اه التطعيم شو اخباره؟؟ 12-يا رب تكون معي سيارة 🥲 13-الاحتلال 14-ببجي 15-ذاكر سماعات الاير بودز 16-الايفون ومنتجاته ومحبيه 17-التيك توك 18-الدخان 19-عمر دياب مش عارف ليش بس بكرهه 😂😂 20-الجو الزبالة اللي تغير فجأة الساعة 2:25am التاريخ 24/3/2021 بلوزة بيضة وسيعة كتبت اشي قبل بس انمحى مثل يا رب تكون محقق اللي في بالي ويبعد عني وعن اهلي المشاكل بحبك بس انمحى عن طريق خطأ فني