A letter from March 15th, 2021

Dear FutureMe, مرحبا راما اليوم ١٥/٣/٢٠٢١ عم اكتبلك لحتى شوف بعد ٥ سنين كيف حتكون حياتك متل ماهيه ولا غيرتي شي وانشالله تصلك اليوم الك ٤٩يوم عاملة القيصرية تبعك والو احمد ٤٧يوم مفارق الحياة يلا معليش انشالله لوقت الي بتكوني عم تقرأي الرسالة بكون الله معوضك ومخترلك الخير شوعملتي شي جديد بحياتك شو تغير تسرح حسين ؟ وين صفيتي انا اليوم بطرطوس وكنت عم حاكي حسين لان هوي بدرعا وهلق هوي حرس وقاعد مع رفيقو وهاد الشخص هلق هوي كل حياتي ومشتاقتلو كتير وعبالي شوفو وهيك بتمنى للايام الي بدك تشوفي فيا الرسالة يكون كل شي تغير للاحسن طبعاً وتكوني تجاوزتي هالايام وغيرتي كتير اشيا بحياتك وتكونو انتي وحسين متفقين ومع بعض ومبسوطين ياترى لساتك منعزلة وخجولة وبتحبي العزلة وانطوائية ولا تغيرتي لساتك بتخجلي تقعدي مع حدا لحالك ومابتعرفي تفتحي احاديث شوعملتي بخصوص الانكلش عملتي دورة او دورة تمريض او كوافيرة من الشغلات الي كنتي عم تفكري فيون او حفظتي شي من القرآن متل ماكنتي عم تخطتي غيرتي لون شعرك او قصيتيه ولا بعدو متل ماهو رجعتي تهتمي بحالك ولا لسا عم تهملي حالك نصحتي ولالا اخر مرة كان وزنك ٧٤وكنتي حامل بالشهر السابع هلق قديش وزنك لساتك مابثقي بحدا ولاتبدلت نظرتك بالناس جدي كان تعبان هوي وستي كيفون هلق ماعد تحبي القهوة ولاالشوكلا ولاالسودة هلق شو صرتي تحبي غير الشي المحشي والكوسا محشي والشيشبرك اخدتو بيت رتحتي في هاد البيت كتير كأيب وكتير بكرهو من اول مادخلت عليه ماشفت ايام حلوة انشالله وقت اطلع منو رح يتغير كل شي ويصير كل شي منيح حالياً عم مرق بأيام صعبة وبدايق كتير ومخنوقة تعبانه بهاد الوقت تخطيتي انتي هالايام كيف عم تعيشيون صح كمان حلمي سافر واطلع برا البلد وماارجع او اسكن بشام ببيت حلو ومنيح ولحالي حققتي شي منون عشت ايام كتير بشعة الايام الجاية احلى ماهيك؟يمكن كون عايشة وتوصلني الرسالة ويمكن ماتوصل بس اذا وصلت بتمنى تكوني غيرتي كتير شغلات وحققتي احلام حاسة بفراغ كبير ومشتاقة لحسين ولاحمد ولاهلي انتي شو وضعك بهالوقت صار عندك ولاد ستقريتي بتمنى يكون كل شي تغير للاحسن ويكون مستقبلك حلو متل مابتتمنيه كوني قوية وحبي حالك خلي ثقتك بنفسك كبيرة حاج تضلك تعدميها انتي قوية وانتي بتتخطي كل شي وكأن شيء لم يكن خليكي راما الذكية القوية الي بتتحمل كل شي ومابيكسرا شي كوني انتي