A letter from March 12th, 2021

ماريّا بعد 5 سنين ، ما بعرف لو هتوصل هل رسالة جد ، لو هيكون هل ايميل لسا موجود ، بس بتمنى توصل وأكون بمكان أحسن ، وأزا ما كنت هكون بمكان أحسن بتمنى ما أكون موجودة أساسًا.. لو كتبت رسالة قبل 5 سنين ووصلتني هل سنة ، كنت رح آخد رسالة من طفلة والرسالة هتكون بريئة لدرجة! بس للأسف أنا اليوم مش هيك! أنا اليوم كبرت! الدنيا كبرتني بطريقة مش حلوة! عم بكتب هل رسالة لحالي والتعب معبي قلبي! أنا بآمن أنه ممكن هل تعب يروح ، ممكن أقتله ، بتمنى لو استلمت هل رسالة أكون قتلته، لو هتوصلني وأنا تعبانة من العيشة ما بدي ياها! بس الحياة بتتغير بسرعة ، ممكن عم بكتب هل رسالة بآخر دقايق من عمري ، ممكن آخر أيام ، ممكن لسا عمري طويل ، وبتمنى ما أروح من هل دنيا إلا وربنا راضي عني ، وأنا راضية عني، وأنا هلأ راضية عني مع أني زعلانة! كتيير كتير زعلانة ، عتبانة عالدنيا وعالعمر وعالناس وعالأهل وعالصحاب وعالحب والبلاد وعالسلطات وعلى عدم الرحمة الي عايشين فيها ، بس بدي توصلني هل رسالة وأنا راضية بطريقة غير ، يا ريت أكون عم بحقق اشي من الي عم أحلمو، ياريت أكون عم بحارب عشان يموت الظلم زي ما بنفسي هلأ يموت، ياريت الأيام ما تغيرني وتقسيني، انا تغيرت كتير وكرهت الدنيا، بس ضل قلبي لين ، بتنى مهما تغيرت يضل قلبي رهيف ولين ، وأضل أبكي ع أصغر اشي ، ويسعدني أصغر اشي، بتمنى الدنيا ما تخليني انسان بينكره، بتمنى يكون الي أثر بكل حد مريت منه زي ما هلأ الي، بتمنى أكون حد مؤثر ومنيح رغم كل شي همر ومريت فيه! أنا وعدت حالي أكون مبسوطة بالمستقبل، أكون بحقق بأحلامي، وأكون راضية عن حالي شو ما كنت ، هلأ انتِ مبسوطة؟ هلأ انتِ محققة أحلامك؟ هلأ انتِ مستقلة؟ هلأ انتِ عم تبكي كل يوم لأنك تعبانة ولا خلصنا من هل مرحلة؟ يريت نكون خلصنا لأنه ما بعرف كيف قلبنا قادر يحملنا واحنا عم نمزعه هيك! كيف مرّت السنين؟ زي ما كنتِ تحلمي؟ كم جبتِ بالتوجيهي؟ معدل رفع راسك وضحك وجهك؟ معدل راضاكِ وبطلت تلومي حالك وتئزيها أكتر مهي مئزية؟ شو درستي بالجامعة؟ تخصص مبسوطة فيه؟ خلصتي جامعة ولا لسا عم تدرسي؟ استقليتي بحياتك ولا لساتها تحت ايدين غيرك؟ لساتك بالأردن؟ بتمنى انه هل سؤال يكون جوابه لأ!! بتمنى تكوني بمكان منيح اكتر من هون.. بسأل كتير بس جد عندي فضول هتحققي الي عم أحارب عشانه ولا تعبت أنا علفاضي؟ ما بدي أكون عم أحط ملح عجرحك أبدًا ، بس بدي تكوني سكرتيهم لجروحك تمام؟ بدي تكوني قوية جد بكفي تعملي حالك قوية وأنا عارفة انك مهزومة! بدي ياكي ما تنسي الي عم بمر فيه كل يوم من سنين لتكوني قوية ، بدي ياكي ما تنسي قديه حلمت تنجحي فياريت تنجحي جد وما نبكي الا من الفرحة! عمرك هلأ 20 وفايتة عل 21! شو عملتِ بحياتك؟ راضية؟ مبسوطة؟؟؟ قريبة من ربنا؟؟ صلّي وادعي دايمًا تبعديش عن ربنا تبكيش لغيرو تشكيش لغيرو زي ما انتِ هلأ تمام؟ عندي أسئلة كتيرة الك وكتير متلخبطة ونا عم بكتب ومشعارفة بشو أبلش أسأل! بس أول شي ، هل انتِ هلأ حد مؤثر والو مكانه بالمتمع ولا تعبي ضاع؟ لسا عم تكتبي؟ الك روايات وكتب؟ الك أعمالك الخاصة؟ بتسافري وبتحضري مؤتمرات؟ تعلمتي برمجة؟ ولغات؟ أخدتِ دورات صحافة؟ شو صرتِ اخ شو نفسي اشوف شو هصير! وكيدوز؟ تتزكري كيدوز ، بتمنى تكونو كبرتو سوا وما نسيتي ومشيتي! اساسا انتِ مش حد بينسى! أو انا ما بنسى معقول انتِ هلأ حد بينسى؟؟ ياريت لا ، او ياريت اه ، تنسيش اشي تنسيش وجعك وتعبك همه الي وعونا ، الأشياء الي بتخزي الي صارت عك هي لحالها الي خلتك حد منيح ، ياريت تضلي منيحة! نيجي عالصاحبات؟ لسا مجتمعك كبيييييييير والكل صحابك ووين ما بتروحي محبوبة؟ لسا حاطة حدود للكل وبزعلك بتكوني وحيدة؟ أنا اليوم لو بدي أعد صحباتي هضل للصبح بس بآمن بثبات تنتين واحكيلي ازا لساتهم ومعزتهم زي قبل ولا غدروكِ وراحو زي غيرهم ، يارب ما يكونو غدروكِ لأنه أعتقد فش فيه حيل لتعب جديد! دانا ، "دانا هديب" روحك ، أحسن صاحبة جمعتك فيها الأيام ووقفت معك بكتير اشياء ، شو صار لساتكم سند لبعض؟ وحنين شربجي؟ كيفكم؟ لساتكم عندكم أحلام سوا وعم تسعولها ولا ستوب؟ والكتاب المشترك؟ الطريق المشترك؟ السفر؟ احكيلي عم بتحققي هل حكي ، واحكي لساتكم صحبة! طيب وأهم اشي بحياتك، الي أساسا عم بتحاربي عشانه كل هالتعب ، أو بيني وبينك "هبة"؟ وينها؟ لساتها؟ رغم البعد ضلت؟ عايشة بقلبك وعايشة بقلبها؟؟ لسا؟ معقول؟ معقول بيوم تنسيها ؟ ما أعتقد! أعتقد انها ثباتك ، بتمنى أساسا تقرأي هل رسالة وهل جزء وانتِ عم تضحكي وتضحكيها معك، فيه كتير حكي لهبة بقلبي هلأ ، بتمنى تكوني فرغتيه كله، بتمنى تكونو سوا ومبسوطين، بتمنى ما تنساني وما تنسيها ابدًا، وتجمعنا السنين، لو عملتِ حالك هبلة ومش عارفة مين هبة ! فقصدي عن "محمد" اه محمد! الشي الوحيد الي جد بتتمنيه وبدك اياه ، الشي الوحيد الي حبتيه فأخدتو الدنيا من ايديكِ وبكيتي سنين، بكيتي خوف من انه ينساكي! ولو نساكي ابكي هلأ ابكي! مريتي بكتير اشياء عشانه ، تشقلبت حياتك!! ورغم هيك ضليتك تشوفيه أحلى اشي صار معك!! يارب الله يجمعكم وما تحبي غيره ولا يحب غيرك ، يارب ما يكون في مستقبل ازا هو مش فيه وازا في حد غيرو! مش هبلة! بس قلبك بنزف هلأ بدونه! يارب تنجمعو يارب! وهلأ اساسا كل حكيي عن محمد ممكن ، الأمنية الوحيدة، الدعاء الوحيد، لو لساتكم سوا تنسوش الظروف الي نحطيتو فيها تمام؟ وتنسوش اسم "هبة" ابدًا! اتزكري هل سنة الي عم بكتب فيها ، بحب ازكرك أنا منيح ! هاي السنة كنتِ مفكرة محمد نسيكي وخلص ، راح وما هيرجع، بيشوف غيرك وممكن كل يوم يحب غيرك، بس برضه حسيتيه قريب منك بطريقة غير، روحه كانت مع روحك، ولما أجا يوم ميلادو وعيدك! كرهتي الدنيا لأنك مرة تانية بعييييدة! وإحساسك القوي خلاكي تستشعري قربه! وبعد ما احساسك فاز عليكي بايام ، قررتي تقومي تفتحي فيسبوك بسرعة ! فلقيتيه معلق عبوست انه تبعتيلو ضروري! وعرفتِ انه لا ما نسيكي وانه شعورك صح، بلكتيه عشان ظروفك ، بس كنتِ عارفة انه بيوم هتكونو سوا لأنه حبكم أقوى من الظروف.. حبكم ضل أقوى من الظروف؟ ولا الزمن أنهى حبكم ؟ أنا ما بتخيل أنه اعيش أكتر بدونه ، بدي أكبر ويمرو السنين عشانه ، بتمنى تكوني ميتة ولا تكوني مع حد غيرو ! ضلّي بخير وأقوى من الظروف، حبيه دايمًا، تبعديش عن ربنا أبدًا، كوني ملتزمة! و! كوني مستقلة! مش عم تبحثي عن الإستقلال حاليًا؟؟ قولي لقيتيه؟ قولي بصحى عالساعة الي بدي اياها! وبنام وقت ما بدي! قولي بروح مكان ما بدي بدون إذن برجع وقت ما بدي! قولي بشغل أغاني بأعلى صوت ! قولي بطل عندي مخاوف! وبطلت أخبي، قولي صرت أقعد عالمكتب وأكتب ، مش بخبي الدفتر وبكتب بالسرقة وبصحى وبنام خايفة حد يلاقي دفاتري! قولي انك حرة وتخلصتي من سجنك وقيودك! قولي انك بخير ومرتاحة تعبت وأنا مش بخير! بستحق أرتاح والله!!!! أنا هلأ تعبانة من الدنيا كتير ، وانتِ؟ كوني مبسوطة ونسيني هل تعب... أنا هلأ مشتاقة كتير ، امحيلي هل شوق تمام! أنا هلأ بكره الناس وبكره اني عايشة ، حبي الحياة ! انتِ اساسا بتحبيها ، بس ظروفي ما سمحتلي أعيشها عيشيها انتِ!! تضحكيش ع رسالتي وتقولي كنت صغيرة وهبلة ، كنت كبيرة وعاجزة ومكسورة ، هلأ اجبري حالك وبطلي عاجزة! مش عارفة أنهي الحديث أبدًا ، بس كوني نتِ منيحة وعوضيني!! وما تسامحيهم خلي الله ياخد حقك تمام؟