A letter from March 9th, 2021

Dear FutureMe, انتي هسا بتدرسي بناء مبسوطة بتخصصك بدك تحاولي تكملي معماري اخذتي دورة اتوكاد وناوية تكملي دورات شو الي حققتيه يا ايماااان ؟؟؟ وين وصلتي وشو عملتي؟؟؟ معقول تجوزتي او ارتبطي؟؟؟؟ معتقدش بس لنفترض في حال انو اه بدي انبهك اوعك تتخلي عن حلمك عشان تتفرغي لجوزك وولادك عادي اتعبي وشدي عحالك اكثر عشان تكوني قدوة لاولادك اوعي تستسهلي وتختاري المريح الدنيا فش فيها راحة خلي عندك عزيمة واهم اشي يا ايمان علاقتك مع ربك قبل يومين توفى عبود العمري تتذكري قديش اثر فيكي ونخنقتي وصرتي تدوري عحدا تحكي معه بتتذكري خديجة الخيري كانت مخطوبة لحدا ما بتحبو وبتحاول تترك ان شاء الله تكون هسا مبسوطة المهم يومها بس توفى كان مسافر وبنزل ستوريات بضحك فيها وبعد ٥ ساعات نزلو بوست الله يرحمه اوعي تغفلي يا ايمان عن دينك صلاتك اقرأي قرآن كثير ايمان واهم اشي الصدقات اجمعي ثروتك عشان تعملي الصدقات الي نفسك فيها حاولي تطلعي عمرة وحج اهتمي اكثر باهلك امك وابوكي طلعيهم عمرة وعملي صدقات جارية عنهم وكلو بسر يا ايمان ولا تزعليهم هسا همي كبار بالعمر وبتأثرو من الكلمة بلا شغل هبل وكرامة الاهل ما في بينهم كرامة وحاولي غيري طبعك بس تعصبي لا تضلي ساكتة احكي كل الي بقلبك لا تكتمي خذي حقك تضليييييش ساكتة يا ايمان حاولي طبعا لازم تكوني هسا بلشتي رياضة كروتين يومي ومع ذلك بتمنى اكون اخذت رياضة قتالية ادافع فيها عن حالي واستخدمها بس اعصب وصاحبي ولاد اختك واخوكي جيبلهم هدايا واشياء بحبوها بس تزوريهم حرام الصغار بحبو هالأشياء ضلي افقدي صاحباتك حتى لو همي ما فقدوكي اوعي تتغيري يا ايمان وتوخذي صفة مش منيحة وحاولي تتخلصي من صفاتك السيئة بتمنى تكوني هسا خلصتي منها شو بدي احكيلك كمان اه بدي اقلك شو ما صار معك ظروووف اوعي تيأسي او تحبطي كل ما توقعي ارجع وقفي تنسيش انو رابنا بعطينا الاحسن دائما اذا كان نفسك باشي كثيير وما زبط معك واخذتي بديل فعرفي انو البديل هو الي ناسبك بس انتي ما بتعرفي وربنا اعرف اعرفي انك انتي بهالمكان الي انتي فيه نعمة من ربنا شوفي حالك وشوفي غيرك شوفي قديش ربنا منعم عليكي وحتى لو الي حوليكي احسن منك بكفي نيتك الصافية اوعي تتخلي عنها واضبطي لسانك اكثر وخليكي دايما بحسن الظن للجميع وسيبك من الغيبة والله الحساب بخوف وحقوق العباد بتخوف اه صحيح هاد اهم نقطة اوعك يا ايمان تقللي من حالك باي موضوع لا بشكلك لا بعلمك ضلي متواضعة بس لا تقللي من حالك زيدي ثقتك بنفسك طوري حالك اكثر وارضي بالي انتي فيه بعدي عن المثالية يا ايمان كلنا فينا عيوووب اقبلي عيوبك عشان غيرك يقبلها انتي بشر تماااااااام لا تضلي تقسي على حالك وتعصبي عليها مش معناته اذا انتي معرفتيش تعصبي على الي حوليكي تعصبي على حالك لا بس تعملي غلط خذي الدرس وتجاوزيه وبس حدا يغلط معك احكيله غلطه ماشي اوعك تهمتي بالنااس طول ما انتي ما بتعملي اشي غلط لا تضلي تنحرجي المواقف المحرجة بتصير مع الكل مش نهاية العالم معك لا تعطي الموضوع اكبر من حجمه خلص بديش اطول اكثر بس بالله عليكي يا ايمااان حبي نفسك حبيييييها والله تعبت حبيها❤️❤️❤️