A letter from March 5th, 2021

Dear FutureMe, هلو مهجه شلونچ شخبارچ وين ما وين شگد عمرچ هسه اوكفي اكيد دختي تگولين منو يلي دا يكتبلي اني انتي اني مهجه يلي هسه عمرهه 14 سنه وانتي مهجه يلي الله يعلم شگد عمرهه هسه المهم اني شفت الفكره ع اليوتيوب وحبيت اجرب بس خايفه خاف متنجح الفكره ومتوصلچ الرساله المهم اذا وصلت لو لا اني حبيت اكتب دا اكتبلچ من بغداد الامين الثانيه عمري 14 يوم الخميس 5 اذار صف الثالث متوسط ما اعرف ليش كتبت هاي المعلومات بس حسيت انو لازم اكتبهم اي هسه نگدر نبلش اريد احچيلچ عن يلي احسه اني يوميه سواء صبح ضهر ليل اذا كنت وحدي ما اعرف ليش بس اذكر المرحوم ماهر والمرحومه بيبي رده وابچي واتندم عله كل لحضه ماگضيتهه وياهم وما نسيتهم ولا اضن انو انتي هم نسيتيهم اليوم كان يوم جدا سيئ صارت عركه ب البيت ولحد الان اني ارجف وخايفه بين خالو حكيم و ابنه سامر كلش خفنه كانت ليله سوده علينه المهم ما اريد اذكرچ بهيچ شغلات خل احچيلچ عن نفسي اني بنيه تعرضت للتنمر مو من شخص واحد من الناس كلهه علمود سنوني وشكلي ولبسي تمام اني ما اهتم بحچيهم بس بنفس الوقت حچيهم مرات يكون مجرح بس اني ضليت مقاومه مع انو لهسه مامسويه، التقويم بس متفائله انو راح اسوي يوم من الايام واشوفهم عليمن يحچون بعد هسه عوفينه من الناس وحچيهم انتي كنتي بنت جدا قويه وبنفس الوقت شوي مغروره وكنتي تحبين القطط بشكل مو طبيعي وتلحين عله بابا علمود يچيبلچ قطه وكنتي جدا عنيده يعني الشي يلي تخلينه براسچ تسوينه لو مدري منو يجي واني احب هاذي الصفه بنفسي اتمنه ما غيرتيهه خل نبدي بفقره الاسئله 1- شگد عمرچ هسه 2- خلصتي دراسه وصرتي دكتوره 3- سافرتي تركيا مدينه احلامچ 4- تزوجتي وصار عندچ جهال 5-هواي تغيرتي لو شوي 6-بعدهم الناس يتنمرون لو سكتو 7-صار عندچ قطه 8-حققتي حلمچ انو تبنين ميتم للاطفال 9-بعدچ تغارين عله ابوچ 10-بعدچ تتعاركين انتي واخوانچ وبس هذول همه الاسئله اتمنى تجاوبين عليهم بوسيلي بابا و ماما وديري بالچ عله اخوانچ وبس