A letter from February 28th, 2021

Dear FutureMe, هاي اكيد رح التذكر هالرسالة بعد 5 سنين ازا ضلو البريد الالكتروني تبعي نفسو المهم عبالي اكتب كتيير حكي ان شاء الله بعد 5 رح انبسط في شوف رسالي . الاوضاع بسوريا كتيير صارت صعبة و العيشة صارت تعيسة جدا حتى انو صارت اليوم الاندومي ب 700 ليرة و قبل بسنة بس كانت ب 100 ليرة عنجد حسيت حالي مدري كيف كانت كتير على بالي آكل يمكن تكون اول مرة و آخرة مرة ازا ضلين بهل البلد . كنت من فترة عم تابع فرقة بتس و صرت من الارمي كان هالحكي من نص سنة تقريبا يعني بتاريخ 8 /2020 وقت نزول اغنية ديناميت انا كنت متعرفة عليهم جديد مع انو كنت من الهيترز ما بعرف ليش كنت بكرههم من دون سبب و انا هلء ندمانة على اني كنت منن بس بدي اسأل حالي بعد 5 سنين لح ضل ارمي ؟ اساتن رفقاتي يلي هنن رغد موسى و حنين هشوما و سارة ما بعرف شو كنيتها و شهد حسين و سالي ودح و اسا كتيير يلي كانوا معي ؟ انا تعلمت انكليزي منيح و صرت بعرف احكي متل ما كان على بالي بعد ما كنت بالكورس الاول ؟ تغيرت ملامح وشي بعد ما كان في حبوب بوجهي و حواجبي ما كانو كتير ظابطين ؟ اساتني انا بسوريا ؟ تغير الاوضاع صارت احسن من قبل بعد ما كان في كتير ارتفاع بالاسعار او بمعنى ارتفاع جنوني بالاسعار؟ اساتو طولي 156 ولا طولت شوي ؟ انا كان على بالي ادخل فرع بالكيميا او هندسة دخلت انا هيك ولا شي تاني ؟ اختي ليليان كبرت كتير من لما كانت صغيرة نمنومة تعيت صف الرابع شو صارت اساتا هيك ؟ اساتني عند بيت ستي عايشين ولا انتقلنا من بيت ستي ل بيتنا الجديد ؟ راما بدي اسألك بتتذكري لما كنت تنامي انتي و اهلك بغرفة وحدة والله كانت صعبة و كمان جبتي جلائك تبع العاشر و امك ما رضيت تشوفوا لأنك كنتي متخانقة معا و ابوكي قلك انو جلائك زفت بأحترام انزعجتي شوي صح بس بعدين ما بقى صار في احساس هاد كان بالفصل الاول اما ابصر شو جبتي بالفصل التاني 🤷‍♀️🤷‍♀️ منجي هلء على الكهربا لما كانت ساعة و نص ب اربع ساعات و نص قطع . كمان بيوم الجلاء بالعاشر عملتي حفلة و طلعتي بالصور ازا كانو معك لسا الصور فينك تشوفيهم ازا بدك . بدي اسأل حالي شو نوع الاغاني يلي عم اسمعا هلء ؟ متل من زمان تسمعي ل بتس و جاستن بيبر و اريانا غراني و شوي من كل مغني و اي صحيح بلاك بينك كمان هدول ما بينسو كانت اغاني حلوة ما هيك ولا شو غيرتي و قلبتي عن الكيبوب . كان انتي على بالك تروحي لكوريا و اليابان و كندا ان شاء الله تكوني رحتي علين و تحققي حلمك . و اي كان اهم سؤال لح اسألوا اساتك مع البيست فرينت سيلين السيد والله كانت كويسة معك و اصلا ما كان عندك غيرها اكيييييد لح تكون معك صديقة عمرك من 10 سنين و بعد 5 سنين بتكون صارت صديقة العمر من 15 سنة واااو طويلة المدة بس ان شاء الله منكون كملنا الطريق . بس ما بتوقع اسا عندي شي ممكن قولو غير انو بالتوفيق راما بحبك كتيير لا تنسيني صديقتك الخيالية الاولى و الوحيدة بااي 😌💜💜🙂🌚