A letter from February 25th, 2021

24.2.2021 💜🔮 اليوم الأربعاء والساعة 21:56 هاي لولي كيفك!يا ترى وصلتك هي الرسالة ولا لا !..اذا عم تقرأيها هلق ف أكيد وصلتك ومتحمسة إنك تقرأيها صح!👀.. اكتبي عاليوتيوب hour bts piano playlist |studi& relax with bts وتسمعي أنتي وعم تقرأيها يا ترا تغيرتي ولا لساتك متل ما انتي بطبعك وبشكلك وبلباسك.. ؟! رح زكرك شوي بهالأيام اللي عايشتها هلق..صراحة لا أيام بحبها ولا بلد بحبها يعني عايشة بمكان حاسستو غلط بغلط.. ف بتمنى إنك تكوني هلق مغيرتيه لمكان بتحلمي فيه💜..عم عيش يومي بصعوبة كتير ، لانو هلق أزمة فيروس كورونا وماعم اطلع من البيت ولا من غرفتي حتى ..عايشة بين أربع حيطان وموسيقى وماللة من كلشي بحياتي ،بتمنى تكوني حققتي كل احلامك من اصغرها لاكبرها..💜يا ترى لساتك بتحبي بتس وبتتابعيهن بالثانية .. لساتو يومك ما بيكمل من دونن؟! يا ترى قابلتيهن او حكيتي معن أو حتى حققتي أكبر أمنية واللي هي إنك تحضري كونسرت لألهن !!متأكدة إنك حضرتي لأنو اللي براسك بتعمليه ..كيف كان شعورك هنيك ؟! شكلن وصوتن بالحقيقة غير بالشاشة صح ؟! كيف صوت تاي بالحقيقة وستايلو.. أكيد لساتو بايسك صح:) بدي أسألك كم سؤال بما إنك بتحبي كتير حدا يسألك👀... لساتك حساسة كتير من أيا كلمة أو نظرة ! .. لساتك كتومة وبتكذبي بمشاعرك تجاه ايا حدا! .. لساتك بتحسي بالوحدة كتير! .. لساتك بتسهري وما بتاكلي منيح! .. لساتك بتغني بس بدك تبكي ! .. لساتك بتحبي ايا شي بيتعلق بالموسيقى..! لساتك بتحبي الليل والشتاء اكتر من النهار والشمس..! لساتك بتغني بالليل لانو بيصير صوتك حلو..! ولساتك بترسمي بالليل لانو بيجيكي الالهام وبتأبدعي أكتر..! لساتك بتحكي مع أشخاص وهميين بغرفتك ! .. لساتك بتعرفي الشخص من عيونو.. ! لساتك بتتفهمي وبتحسي بكل العالم وبتزعلي عليهن اكتر من حالك ..! لساتك بتحبي أي حدا بسرعة بس ما بتوثقي!.. لساتك بتضحكي وبتزعلي بسرعة..! لساتو مزاجك متقلب..! لساتك بتطلعي ع حالك بالمراي وما بتشبعي من جمالك..! لساتك بتوثقي بحالك متل ما علموكي بتس..! لساتك بتحبي وبتتقبلي حالك أكتر من اي شخص..! لسا الكل بيحكم عليكي وبيظلمك من دون ما يفهموكي..! لساتك عنيدة وصعب تستسلمي او تتنازلي ..! لساتك بتدوري عالاغاني والفيديوهات اللي مانها مشهورة ..! لساتك محتفظة بصور بتس وشغلاتهم..! لساتك بتفشي خلقك بالكتابة وقت تدايقي..! لساتك محتفظة بدفتر المذكرات اللي قضيتي الليالي وانتي تكتبي وتزيني فيه..! لساتك ما بتقدري تعملي شي من دون موسيقى..! لساتك عاطفية زيادة شوي..! لساتك بتلاقي صعوبة إنك تعبري عن مشاعرك..! لساتك بتواجهي مشاكل بسبب عفويتك وصراحتك الزايدة..! لساتك بتحبي الشغلات اللطيفة..! لساتك بتدايقي وبيوجعك راسك بالأماكن العامة بالرغم من انك بتحبيها..! لساتك ذكية وبتلاحظي أدق وأصغر التفاصيل..! لساتك بتخافي من الاونيكورن من دون سبب..! لساتك بتسمعي جملة (باردة القلب )بسبب ملامحك الباردة وحركاتك..! لساتك بتحبي الدببة القطبية والثلج..! لساتك بتكرهي الاشخاص اللي بيفكرو بس بحالهن وعنصريين..! لساتك بتخافي من المستقبل بس متحمستيلو! .. لساتك بتبكي وبتتأثري بفيلم او بغنية او بصورة او حتى بمقطع فيديو قصير! .. لساتك بتآمني أنو في أرانب عالقمر وأنو القمر بس يكتمل بيكون جاهز ليستمع لكل مشاكلك ويواسيكي.. وأنو الصدفة مو مجرد صدفة عادية وإنما وراها شي كبير .. لساتك بتحبي الأغاني الهادية والكافيه !.. لساتك بتتدربي على الرقص والغناء وكأنك رح تصيري آيدول👀هههه .. يا ترى صرتي تعرفي تعزفي عالغيتار .. حققتي حلم إنك تشتري بيانو وتعزفي عليه !.. رحتي على الملاهي او شفتي الألعاب النارية بالسما ..! سافرتي ع كوريا الجنوبية واليابان ولندن وباريس ولا لساتك بتشوفيهن بالصور بس.. عندي إحساس كبير إنك هلق بكوريا الجنوبية وحققتي تلت رباع احلامك!.. صار عندك رفقات ولا لساتك وحيدة!.. اه صحي أمك حامل بظن صارت بالشهر الثاني ..شفتي أختك كيف شكلها أكيد بتشبهك و حلوة متلك👀💜 بظن هلق عمرها 4 سنوات أنتبهي عليها واعتني فيها منيح مالها غيرك أوك..كوني قدوتها ..كوني مثلها الأعلى..💙 لنفترض هالرسالة وصلتك بعد 5 سنين بصير عمرك 20 سنة.. يااي العمر اللي حلمي اوصللو👀.. عم تدرسي شي ولا عم تشتغلي!.. صرتي تلبسي اللباس اللي حلمك تلبسيه جاكيت طويل لونو بني خريفي وتيشرت وبنطلون عريض شوي مع لفة حجاب بسيطة وفوقها طاقيه متل اللي بيلبسهم تايهيونغ وكل ستايلك ألوان خريفية وهادية صح.!:) عايشة لحالك صح ومعتمدة ع حالك متل ماكنتي تحلمي.!؟.. مابظن إنك تزوجتي!!!.. واذا تزوجتي بتمنى تكوني أخدتي الشخص اللي بتتمنيه وبتحبيه ..بس اذا ما تزوجتي او ارتبطتي بحدا ..لااا تقبلي إلا اذا كنتي بدك ياه ومتأكدة الف بالمية تمام.. لانك ثمينة كتير ومو أي حدا بيستاهلك تزكري هالشي عطول💜.. يا ترى عم تروحي عالكافيه بالليل وتتفرجي عالمطر أنتي وعم تقرأي.. اشتريتي لابتوب وجوال جديد وميكروفون..؟! ألفتي غنية لحالك وكيف طلعت، عرفتي تعبري عن حالك فيها!!.. حققتي هدف تعلم 7 لغات .! تعلمتي التنس ودخلتي مسابقات ولا لا!.. صار عندك حيوان أليف؟.. أخدتي شهادة السواقة ..اشتريتي سيارة احلامك !.. لساتك بتحبي الآنمي ولا كبر عقلك مع انو بعرف انو مارح يكبر👀.. لساتك بتخافي من الرعد والأماكن العالية .. عم تروحي وتتسوقي وتشتري كل شي بتتمنيه!.. اشتريتي الكاميرا اللي بتتمنيها.. عم تعرفي تصوري فيها!.. اكيد تصويرك حلو 💜.. صبغتي شعرك أزرق او اي لون تاني !.. بظن هلق عندك أحلام تانية او للصراحة متأكدة انو عندك احلام ..رح تحققيها بعرف ..يمكن ما تكوني حققتي كتير من الاحلام اللي ذكرتلك ياها هلق بس رح تحققيهن انتي قدها اذا حطيتي شي براسك بتعمليه💜.. بس دائما تزكري إنك حلوة و وقلبك طيب وبتستاهلي كلشي حلو ومنيح وبيسعدك.. انتي بتستاهلي كل ثانية من حياتك تقضيها سعيدة..💜 شو حلمك هلق ؟!.. اي هاد اللي خطر ببالك وقت سألتك شو حلمك.. رح يصير انا متأكدة بس اصبري متل ما صبرتي ع كتير شغلات وبعدين أخذتيها.. وتذكري ما تتعبي حالك وارتاحي منيح ..اه اهم الشي التفكير الزايد بس بيوجعلك راسك.. لا تفكري كتير وتوتري حالك ..تزكري انو مو كلشي بيجي بتعبك وبجهدك خلي بعض الشغلات للوقت خليها تجي متل ما الله كتبلك ياها.. حتى لو مافي حدا معك هلق أنتي بتكفي لحتى تحققي اللي ببالك ..ولا تخلى ولا حدا يحطملك معنوياتك او احلامك او قلبك لا تسمحي لحدا يأثر فيكي.. كوني أنتي ..كوني نفسك لا تغيري حالك مشان حدا.. حبي وتقبلي حالك بكل حالاتك.. وتزكري آنك أحلى وأذكى واقوى من ما بتعتقدي وكل يوم رح تحلي وتقوي وتكتشفي شغلات اكتر واكتر .. بس خلي ايمانك بربك كبير وكل شغلة بدك تعمليها فكري فيها منيح وخدي وقتك ولا تنسي أنو الله دائما معك ومستحيل يتركك او يخيبلك ظنك.. مستحيل يشوفك بتحلمي بشي وما يعطيكي ياه ف كوني متطمنة💜.. مابعرف ليش عم ابكي هلق ههه ... نفسي اعرف شو صار معك احداث وهلق شو عم يصير معك.. ماني حاببة تخلص هالأيام مع انو بكرها بس بنفس الوقت عم اصنع زكريات كتير مع حالي والموسيقى ..بظن إنك عم تبكي هلق مو ..يعني بظن إني انا وعم اقرأ عم ابكي هههه غريب انك تكتب رسالة لحالك بس شي كتير حلو.. بس تخلصي هي الرسالة رجعي كتبي وحدة ..💜مشان ترجعي تحسي بنفس الشعور.. وكمان لا تتراجعي عن فعل ايا شي بتحبيه .. ايا شي بتحبيه عمليه بغض النظر عن رأي الناس.. بحبكك كتير حبي نفسك عطول ولا تستسلمي لحتا تاخدي الشي اللي بدك ياه حتى لو وقف العالم ضدك ..أنتي بتقدري ..انتي قدها لا تستخفي بقدراتك ابدا ..وكوني ايجابية دائما.. تزكري انو العمر مو مهم والجنسية والشكل مووو مهمين اوك.. كوني أنتي ..عبري عن نفسك.. حبي حالك .. كل ما حسيتي أنك على وشك تستسلمي اتزكري كلام بتس وتحفيزاتهم الك.. تزكري قديش بكيتي وتعبتي لحتا توصلي للي وصلتيلو هلق.. ومتل ما حققتي شغلات صغيرة رح تحققي شغلات كبيرة ..لا تخلي حدا يوقف بطريقك..:)💜 تزكري بتس كيف تعبوا وتعزبوا وبكيوا وماضل حدا ما وقف بطريقن .. بس هلق نجحوا والكل بيتمنى بس يشوفهم او يحكي معن كلمة.. حتى كارهينهم واللي كانوا ضدهم ..هلق من اكبر معجبينهم.. تزكري كلامهم عطول ..تزكري تحفيزهم وتشجيعن للآرمي ..وكوني متلن.. كوني متل نامجون، جين، جيمين، جيهوب، جونكوك، يونقي، تايهيونغ.. كوني متل كل واحد من الفرقة.. ولا تستسلمي ..حققي كلشي ببالك وبتتمنيه.. وبتمنى تكوني عم تقرأي هالكلام بكافيه بكوريا الجنوبية مع قهوة وموسيقة بيانو لأغاني بتس متل ماني عاملة هلق والدنيا عم تمطر وبالليل .. هي الاجواء اللي متمنيه عيشها هلق بتمنا انها تكون روتينك اليومي.. بتمنى تكون وصلتني هي الرسالة بالمستقبل وما كتبتها عالفاضي..💜تزكري تضلي تحبي اخواتك وعيلتك لانو هنن اهم شي بغض النظر كيف عم يعاملوكي.. كوني بصحة منيحة ..ونامي منيح ونظمي وقتك.. كلي اكلات صحية واهتمي بنفسك وبشكلك وبكل تفصيل فيكي💜 사랑해 :) 포기하지마 제발 알았어 ;)💜 행복하자😊 아프지말고🐰👀 울지마💖🔮 힘내세요💙 화이팅!✊💚 보라해💜😻👽👻😙💋👅👀❤💙💚💛💜💖💕✌👍🎆🎧🎻🎵🎤🎹🎸🎾🐰🐥🐑🐧🙊🙉🙈🐼🐨🐯🐻☕🍭🍬😹🍫🍟🍝🍕🍙🍥🍡🍄🍑🍒🍉🍓🍍🌸🌹🍁🍂🌺🍃😭🌼🌼🌼🌼🌼🌼🌼⛄❄🌕🌅🌄🌌♈✨🌟🌠💜💜💜💜💜💜💜lulyana 25.2.2021 ... 01:10 i love u