A letter from February 23rd, 2021

Dear FutureMe, اسيا يا اسيا كيف بدي بلش ما بعرف اول شي كيفك شو اخبارك بتمنى تكوني بخير وبصحتك كاملة يا ترا شو عم تعملي وينك حاليا مين جنبك ومين طلع ومين دخل على حياتك واهم شي مين ضل معك لهلق اكيد اتخرجتي وبتكوني عم تشتغلي ويمكن تكوني تزوجتي وعندك ولاد ما بعرف كتير شايله هم من الوقت يلي انتي حاليا فيه بعرفك قد حالك وما خليتي حدا يزعلك كل هالفترة يلي مرقت بعرفك عم تشتغلي وما بتخلي شي على حالك انتي قوية كتير . بدي اسألك عن اهلك بتمنى من كل قلبي يكونه لحد هلق جنبك وما تكوني خسرتي حدا منهن وعشتي بحبهن واهتمامهن ما بعرف عنك شي حاليا بس كتير حابة اعرف اذا انتي لساتك اسيا نفسها يلي بعرفهاااااا لان اذا انتي لساتك انا فهاد الشي بيعني انه فرحك من فرحي و زعلك من زعلي وانجازاتك من انجازاتي خليكي اسيا القوية ازمة كورونا الها فترة منيحة موجودة وفي كتير ناس فقدت عزيز الها اكيد بالوقت يلي انتي فيه مافي كورنا ان شاء الله بس خايفة يكون في شي تاني اكبر من هيك يا ترا كيف عايشة الشي الوحيد يلي بعرفه عنك انه صار عمرك ٢٥ سنه و ٢٥ سنه اكيد مو سهلة والاصعب من هيك الخمس سنين يلي مرقو بتمنى من قلبي يكونو مرقو بخير وانك تكوني مبسوطة وعندك عائلة بتحبك وبتحبيهن انا جنبك هلق وبكرا و للابد رح توصل هاي الرسالة بعيد ميلادك ل ٢٥ كل سنة وانتي سالمة كل سنة وانتي بخير 🌹