A letter from February 18th, 2021

Dear FutureMe, نوران ❤️ عامله ايه؟ يارب تكونى بخير زى ما اتعودتى النهارده 18/2/2021 انا فى ثانويه عامه دلوقتى يارب وانت بتقرئى المسدج دى تكونى فى هندسه عماره ويكون ليكى الكارير بتاعك زى ما كان نفسك واتمنى تكونى دلوقتى فخوره بنفسك وباللى انت فيه وتكونى فعلا محققه انجاز تكونى فخوره بيه قوليلى ايه الانجازات اللى عملتيه لحد دلوقتى 🌚 يارب يارب يارب بعد خمس سنين من دلوقتى اكون زى ما انا ديما متفائله وايجابيه وطيبه اووى اوى وقلبى ابيض فعلا وبحب ان الناس كلها تكون كويسه انا شايفه نفسى كده دلوقتى يارب متغيرش لو اتغيرتى راجعى نفسك دى مش انت! يارب بابا وماما يكونو معايا ويطولى فى عمرهم ❤️ حاسه ان وانت بتقرئى المسدج دى اسماء هتكون اتجوزت واخيرا انت قاعده فى اوضه لوحدك 😂❤️ اكيد لسه عندك صحابك القدام اللى بتحبيهم صح؟ لسه بتتكلمو زى الاول؟ معتقدش ان ليا غيرهم ولا اقدر استغنى عنهم نانسى طارق ووليد ورنا ومريم وندى ايهاب وندى ابراهيم ونيدو لما تشوفى المسدج دى روحى كلميهم وعرفيهم ان غلوتهم متغيرتش عندك وانك لسه بتحبيهم اخبار علاقتك مع اسماء ايه؟ وراضيه عن نفسك دلوقتى؟ اتعلمتى كمانجا واحترفتى الرسم ولا لسه؟ جربتى تشتغلى قبل م تخلصى الجامعه طيب بابا وماما لسه بيتخانقو على اي حاجه؟ 😂 عايزه اقولك انى بحبك اوى اوى وانك احسن حاجه ممكن تحصل لاى حد وانك ذكيه وجميله اوى اوى عايزه بس لما اقرء دى افكر نفسى عن قد ايه الايام دى حلوه اوى والدروس مع صحابى ومشوار يوم الاتنين لدرس العربى ده ب الدنيا كلها مع نانسى ورنا ومريم وهزارنا مع مستر ايمن يارب تكونى راضيه عن نفسك دلوقتى ولو الحاجات اللى قولتهالك فوق دى مكنتيش عملتيها لازم تعمليها مستنيه ايه دى الحاجات اللى من وانا صغيره نفسى اعملها مبتحققيش حلمك ليه؟ اه صح بتنزلى تلفى ب العجله ف الشوارع ولا لا وبقيتى اجتماعيه اكتر ولا لسه لبسك ايه اخبارو طول عمرك بتحبى تلبسى حلو وتبقى مميزه اتعلمتى تتصورى صور حلوه ولا لسه 😂 يارب تكونى من احسن الناس دلوقتى وتبقى فرحانه بحياتك وعايشه زى ما انت عايزه ❤️ اه ويارب علامات الحبوب اللى فى خدى تكون راحت 😂 انجوى ينوران وعيشى بتفائل واعملى كل اللى نفسك فيه 💙