A letter from February 17th, 2021

هلوو نور اشونكي هسه انا عدكتب هالرساله الكي بس انا ما اعرف اذا راح اقراها بعد خمس سنين ولا لا ان شاء بعد خمس سنين تكونين بخير انتي وماما وبابا واخواتي وكل الي احبم حاليا انا بهالفترة افكر كثير بالدراسه لان هسه انا بصف ثالث متوسط والدوام والدراسه بهالوقت كثيغ مخربطة ومرة يقولون راح نعبر ومرة ياجلون الامتحانات فهالسنة الدراسيه ابد ماحلوي هسه انتي نجحتي صرتي اعدادية صرتي سادس او خلصتي منو ما اعرف بس انا بهالفترة كثيغ عدفكر بالمستقبل ومستقبلي الدراسي نور لو اش مايصيغ معاكي لاتخافين ولاتستسلمين واستمري بتحقيق اهدافكي ودائما كوني قوية يمكن انا من غاح اقراها الرساله بعد خمس سنين غاح اضحك على نفسي او ما اعرف اشغاح تكون ردة فعلي كورونا بعد ماخلصت صارلها سنه اوضاع كورونا وهم بعدما منع ومعرف ايش ان شاء الله تكونين تخطيتيها لهالفترة وعيشي بالمستقبل براحة بلا كورونا وبلا كشي والناس الي معاكي موجودين بعدم لو لا مثلا صديقاتكي حنين نبا طيبة رحمه وصداقتكي مع سارة اشوني بعدكم تطمشون مسلسلات كورية والكيبوب بعدكي تحبينو وتسمعين اغاني اكسو وبتس ولا تركتيهم هسه راح اكتب اسئله الكي واريدكي تجاوبيهم طلعتي معدل التغيدينو بالسادس طب ولا ماطقتي تطلعين صغتي شاطرة بالانكليزي وتعلمتي تحكين حتى لو شوية نسيتي اوضاع ايام داعش ووغاها اوضاع كورونا واوضاع هالسنين كلها ان شاء الله وقت ما تقرين هالرساله تكونين فرحاني ومحققه حتى لو جزء من اهدافكي ها تعلمتي تسوقين سيارة لو لا اذا ماتعلمتي تعلمي لان نور الي عمرها 15 سني تريد تتعلمين هالرسالة كتبتوها سنة 2021/2/18 صارلنا ستة او سبعة اشهر من تحولنا ببيت بحدنا ومرتاحين انتي حاليا مرتاحة لو لا ان شاء الله مرتاحة ماما اشوني بابا احمد قمورا حمودي اتمنى الكل يكون بخير وفرحان والاوضاع تكون مليحة وماكو اي مشاكل وبس اغيد اقدم نصيحة الكي يانور انو ظلي قوي وفرحاني بحياتكي واشما يصير بحياتكي لاتزعلين وتضوجين كثيغ لان هاي الحياة بيها فرح وحزن ولهذا اهم شي تكونين فرحاني وسعيدي وحققي اهدافكي وطموحاتكي بالحياة ولاتستسلمين ابدد وثقي بنفسكي وبس هاي كانت رسالتي الكي يانور احبكي كثيغ كثيغ كثيغ لانكي انسانة طيوبة وحلوي وبس لوفيوو