A letter from February 15th, 2021

شفت هاد الموقع بل صدفة ف حبيت جرب لحتى شوف اذا لح توصلني ولا لا كيفك شوشية ؟ البنت القوية يلي عندها احلام كتير و ايديها مربطين بهل بلد الجديدة انا حاليا صرلي سنتين هون بالمانيا بس بهل سنتين ما انجزت كتير ، عم حاول اني ركز اكتر بدراستي بس ماعم اقدر عم حس بخنقة و انو قدرتي ضعيفة ، مشكلة اللغة كتير مأثرة عليي لحد الان ، بتمتى وقت تكوني عم تقرأي هي الرسالة تكوني خالصة من كلشي بشعة عشتيه وعم تعيشيه و تكوني كمان فخورة بحالك اكتر من هلأ ، لانك بتقدري من جواتك عندك قدرة كتير كبيرة وقوية بس بتمتى تكوني عرفتي كيف تستخدميها مبدأياُ حابة احكي تفاصيل يلي عم عيشا هلأ انا و محمد لسا ما خطبنا بسبب الحجر مع انو صرلنا سنة ونص مع بعض بس كورونا موقفة كلشي و اختك هبة ولدت مبارح جابت صبي صغير سمتو أحمد و ابوكي عم يعملك مشاكل منشان دراستك كل كم يوم ، مو مهم بدي اسالك هلا كم سؤال و جابي عليهن كيفهن أهلك ؟ كلهن مناح؟ لسعتك أنتي و محمد سوا و اتجوزتو ولا لا وصار عندك بيبي شي ؟ وين وصلتي بدراستك خلصتي اللغة و فتي مدرسة نظامية ولا لا؟ مين من رفقاتك ضل جنبك ؟جهانة و سعاد هنن البيست لحد هلأ و لا تعرفتي ع غيرهن! بتتمني ترجعي للوقت القديم؟ لسعتك بتبكي لوحدك وما بتحبي حدا يشوفك؟ لسع شعرك طويل؟ أعتمدتي ع حالك و ماعدتي تاخدي مصاري من حدا ؟ طولت كتير بس شعور انك تكبي شي لحالك بل مستقبل كتير غريب ،ما بعرف اذا لح توصلني هي الرسالة او لا بس اذا وصلتك اكتبي رسالة تانية و ابعتيا كوني قوية دائما و كوني معتمدة ع حالك بس انا كتير بحبك متل ما انتي أبووووسنكككك بحبكككك شووشيةة عم اكتبلك من تاريخ 16.02.2021 الساعة 12:45 بليل بحبك مرة تانية و بشوفك بعد خمس سنين 💋💋💋💋💋💋