A letter from February 14th, 2021

مرحبا يا الاء ... قررت اكتب هالرسالة حتى اعرف شو انا بعد خمس سنين معقول تغيرتي وحققتي اشي من احلامك انا حالياً بفترة صعبة ومشوشة بسبب كتير امور صديقاتي " نانسي ، ايناس ، زينب ، رمال " تعبت منهم ، ومش قادرة اكون سعيدة معهم وصديقاتي " ملاك وصفاء " علاقتي معهم غريبة كتير وتالا هي الوحيدة الي جمبي لهالوقت معقول تركتيها او تركتك ، يا ترى من ضل معك وعلى مين تعرفتي ، معقول لاقيتي الصديقة الحقيقة صح انا بفترة صعبة من كتير امور ومن هالامور كمان الرجيم ، انا كتير انأذيت بسبب هالموضوع ، اكتئبت ومرضت ونعزلت وصرت وحيدة تحت عيوني مع الوقت بتسود اكتر ، وبفكر كتير ، وبسبب هالموضوع انا صرت ما اروح مع حدا وابتعد عن الي حولي ، يا ترى وصلت الوزن الي بحلم في ؟!.. انا بصف حادي عشر ومش قادرة ادرس لما اشوف هالرسالة راح اكون مخلصة توجيهي كمان وراح اكون طالبة جامعة ، يا ترى شو درستي ، وكيف صارت حياتك ، من الناس الي تعرفتي عليهم ومين اثر فيكي ومين وجعك ، ومين حبك ، شو جبتي معدل بالتوجبهي وعملتي حفلة تخرج ، معقول سافرتي تدرسي براا ، وتحولت حياتك ، ولو درستي ببلدك كبف صارت حياتك ، يا ترى نجحتي بحياتك الدراسية والجامعية بهالفترة حاسة حالي بعيدة عن الكل ومنهم عيلتي ، صح بضحك وبقعد معهم بس بحس في بيناتنا حاجز ومش قادرة كون زيهم ، انا بختلف عنهم من تفكير وذوق وحب بحس انو انا من عالم وهم من عالم ، بس هم بحبوني وانا بحبهم ، بس ليش بعاملوني بطريقة غير مبالة ما بعرف ، القيمة الي معطيني ياها كتير صغيرة ، بتجاهلوني وبحكوا عني كتير ، يا ترى لساتك بتحاولي تظهري انك كبرتي قدامهم ، يا ترى امي لساتها بتنام جمبك بعض الليالي وابي بطلب مني مي او جيب الصوبة عطاولة او اجيب علبة الدوا ، يا ترى بتحكي لامي انك بدك تتأخري واحيانا بتحكيلها انا زهقت ومش جاي عبالي اشي ، يا ترى مين ضل معقول انت تركتي الدنيا او حدا من اهلك واصدقائك تركها ؟؟؟ انتي حالياً بتكتبي من تلفونك القديم اول واحد " دج ' لانو تلفونك s8+ خربان بسبب البطارية من لما رجع راجح ع المانيا ، يا ترى شو هو التلفون الي معك حالياً ، معقول كمان فتحتي قناة ع اليوتيوب او الانستا المهم صار عندك متابعين وعدد كبير يا ترى حققتي احلامك ؟؟؟؟؟؟ بدي اسألك كم سؤال وجاوبي بصراحة ..... البستي الزي الشرعي وحفظتي من القرآن ؟ بتصلي وما تركتي الدعاء لله ؟ كم جبتي معدل بالتوجيهي ؟ هل رقم بتفتخري في ؟ انحفتي وصار جسمك الي بتحلمي في ؟ صنعتي محتوى وصرتي صاحبة عدد ؟ بتحبي الاء رغم كل شي ؟ سافرتي؟ تجوزتي او صار اشي بحياتك كالخطبة؟ صرتي اخت عريس ؟ عندك صديقة مفضلة؟ وين انتي هلئ وكيف حالك عنجد ؟ بتمنى تكوني بخير وتكوني انسانة منجزة بحياتك اشي حلو ومميز ، انتي قوية ما بعرف اذا راح توصلني هالرسالة بعد هالفترة الطويلة ، بس ربنا يوفقك وما تحتاجي حدا غير الله ، وإن شاء الله تكوني موجودة بالحياة وما رحتي ، انا بحبك كتير يا الاء احلى حدا بحياتي انتي وانتي قوية ما تنسي هالاشي .... عمري ١٦ كمان شهر ونص راح اصير ١٧ تاريخ اليوم ١٤_٢_٢٠٢٠١