A letter from February 14th, 2021

السلام عليكم اني خضير هيلان خضير والمعروف دواي اني كتبت هاي الرسالة بتاريخ ١٤/٢/٢٠٢١ وما اعرف راح ترجعلي لو لا بس گلت خل احاول بل بداية شلونك خضير وين صرت شسويةما سوية تخرجة من قسم صيانة الحاسبات لوعفتة لو بعدك نايم بي تزوجة نونة لو لا بعدك تحبهة لو تغيرة خما گمت تگرب عل حرام بعدك ما عندك ثقة بل عالم لو صار عندك ثقة بأكثر من ثنين بعدك شايل هم للحياة وتگول الرزق علة الله بس أنتة شايل هم مبعدك حتة عن حلاوة الدنية بعدك تحس ورطة نونة بيك لأن هية متعلمة عل دلال وانتة مو هذيچ الإمكانية بعدك تضوج من الشقة الزايد لو صارة عادية عندك بعدهة كئابتك ساعت الساعة تطغة عليك بعدك تنقهروتضوج بس ماتبچي تگول عيب بعدك تأخذ. علة نفسك إذا سمعت كلمة من عزيزبس تبلعهة وماتعترض لأن تخاف تخسرة بعدك ما مسامح الناس الغلطة بحقك لو گدرة تسامحهم صرت منتسب مثل ما چنت تتمنة لو غلست منة لوايسة تعلقت بناس جدد لوخلية علاقاتك صطحية ما چنت تگولحسين شلونة خما اختلفتو وانتوخوان شصار وية فارس وغنام علة سالفة الگاع ابوك وأمك شلونهم أحمد لطيف طلع معدل أكثر من٨٠ وجاك ولتحق بل كلية العسكرية لو الله كتبلة غير شي بعدك أنتة وعبدالله هادي ربع لو اختلفتو أيمن شلونة شسوة ما سوة محمد ومحمود الحاچم شخبارهم محمد حيدر شلونة تزوج لو بعدة رجعت علاقتك ويا لو شغلتك الدنية وضليتو لو صدف لو وكت المصلحة تتلاگون علاوي ابن خالي غازي طلع من السجن خالي براهيم عرفتو عنة خبر لو بس الله يعلم بحالة رغد بنت صدام حسين ترشحت وفازت بل انتخابات لو الشغلة كلاوت العراق بعدة ايعاني لو الوضع صار احسن لو اسوء لگيتو علاج لفيروس كورونا خلصة الحرب بسوريا شنوالجية اسوء من داعش اختفت الأحزاب من العراق لو بعدهم لا طشين ومصيطرين إيران بعدهة عايشة براس العراق والحكومةمكيفة عليهة لو صار تغيير ثورة تشرين صدگ غيرة بتاريخ العراق لو حالهة حال بقية الثوراة ما غيرة شي عوفنة من السياسة احچيلي عليك شحققة ما حققة بهاي السنين الفاتت شسويت شعملت گدرت تحقق ولو شي قليل من احلامك گدرت تحصل شغلة زينة وبيهة راتب زين گدرة أدبر عيشتك وية البنية الحبيتهة گدرة اتجيب سيارة بعدك ادخن وتفتح اليوتيوب بعدك اتابع فريق فافانابولي بعدك اتابع محمد غنايم بعدك اتابع قنات مساحة بعدك اتابع البشير شو لو علسو لو هوة توقف بعدك اتابع ولاية بطيخ لو هم نعلسو لو همة توقفو اكو لعبة نزلة احسن من الپبجي بعدك تحچي بزود وتسوي نفسك ماتخاف بس من الله لو تغير الوضع وتواضعت بعدك تشوف نفسك انسان مختلف وتكره نفسك اني ما اتوقع راح اشوف هاي الرسالة بس الله كريم أهم شي بعد خمس سنوات إذا الله خلاك طيب اتمنة اتمنة تكون حققت احلامك وگدرت تبتعد عن وصف نفسك بأن حضك طايح ومالك حض بهل دنية وبل نهاية إذا شفت هاي الرسالة اكتب رسالة ثانية