A letter from February 14th, 2021

كيفك مريم لا بس عنجد كيفك اشتقتي لحالك انا اشتقتلك اشتقت لضحكتك اشتقت لعيونك لقلبك لكل شي فيكي بتعرفي شو انك تغيرتي ياترى شو رح يصير لما تقرأي هالرساله بعد خمس سنين رح تكوني مبسوطه رح يكون كل هالوجع خلص ورح تكون هاي الايام خلصت من كم يوم صرتي سبعه عشر بس ماكنتي مبسوطه انا بعرف انك وحيده وحيده كتير لهلا لساتك بتتذكري شو صار معك بالمدرسه بتتذكري هديك المشاعر يللي عشتيها بعدك قادره تكفي والاهم من هيك بعدو معك فداء بعدو معك ماتركك تزوجتي ياترا ورجعتي تحبي ابوكي ولا لساتك بتكرهي درستي نسيتي اوقات التاسع والتامن نسيتي قديش بكيتي ولا هلا رح تضحكي وانتي عمتقري هاي الرساله وانت عمتسألي حالك مين هاي البنت الغبيه .والاهم من كل هاد بعدك عايشه بعدك غبيه وبتوقعي الاكل عالارض ولا صرتي تاكلي منيح .هلا عمببكي كتير مابعرف ليش بس حاسه حالي ضايعه ضايعه بهالدنيا كيفك ياانا صرتي مبسوطه رجعتي تضحكي من قلبك صار عندك ولاد متل ماكنتي عمتحكي وسؤال تركوكي تركوكي ولا لسا معك بعدك بالمانيا بعدك بتشوفي الناس كلها ملائكه انتي هلا بالمستقبل يامريم متخيله حالك كيف انتي مع الانسان يللي بتحبي دائما انتي فرحانه وعمتركضي انتي ماهمتبكي ولا بتكرهي حدا ولا حدا بيكرهك صار عندك هيله تحسي فيها بالامان صرتي تحبي ابوكي بطلتي تكرهي تخرجني ونجحتي وحققتي اهدافك نسيتيني يامريم نسيتي مريم يالي كانت كل يوم تبكي تحت مخدتها لو انك نسيتيني انا مبسوطه كتير مارح تكوني بتبكي متل هلا .صرتي تصلي .احلامك يامريم بعدك حلوه يامريم بعدك بتحبي كتير كتير كتير بعدو بحبك ولا راح ياترى لساتو معك لسا في عالم بيحبوكي خمس سنين مرو بعرف انك تعبتي كتير من كلشي وانو مرت عليكي اوقات كتير صعبه اوقات لامنيتي فيها لو انك كنتي متي واستسلمتي فيها كتير ياحبيبي اشتقتي لحبيبك متل ماانني مشتاقيتلو هلا بس انا بدي قلك يامريم انك انتي انسانه كتير قويه لانك بعدك مريم لهلا بدي ياكي تعرفي لو شو ماكان صاير معك هلا انك انتي كتير قويه وقلبك ابيض كتير ويعدو هيك انا متأكده اعرفي انو انا دائما بحبك بحبك كتير لدرجه اني دائما معك انا ظلك يامريم ونفسك انا مارح اتركك لانك انتي بعمرك ماتركتيني لو قرأتي هاي الرساله باليل بكرا لما تفيقي الصبح احضني العالم اللي بيحبوكي واحضنهن اذا بقير معك لحد هلا مارح يتركوك ابدا بس لو كانو راحو لاتزعلي لانو كان هاد قدرك من الاول صار عمرك اليوم 22 سنه حاسه حالك كبيره نسيتي الطفله مريم يللي كانت تبكي بعدك بتخافي من الكلاب بتخافي من الوحده ولا ماعاد يفرق معك .بمره رفيقتك القديمه قالتلك كللن رح يروحو شي يوم راحو يامريم ولالا ولا انتي كمان رحتي رحتي هالسما سافرتي عسوريا كنتي كتير حابه تزوريها بس هالمره من بعيد من دون ماتتوسخي من جواتها . فتحت وردتك يامريم ولا لسا انا وردتي فتحت يامريم فتحت لانو كل يوم عمبسقيها مي بس احيانا بنسى لانو احيانا بنساها بس هيي مابتنساني بتبقى زعلانه بيدبلو اغصانها لانو بتكون حاسه انو صارت كنزه بخزانتك مالبستيها من سنين يامريم شو هوي يللي كبرك او انتي كبرتي ولا بعدك طفله طيب يامريم لما تقرأي رسالتي لالك بعد خمس سنين لا تبكي لا تبكي لا تبكي لانك هلا عمتبكي طلعي لبرا واركضي وحبي الناس طلعي الكره من قلبك لا تكرهي حدا حبي امك يامريم هيي مارح تدملك هيي اكتر حدا بحبك بهاي الدنيا لو انك مانك قادره تكوني معاها هلا ممكن لما تقرأي رسالتي رح تكوني وصلتي لمرحله انك عرفتي قيمتها عرفتي قيمتها كتير منيح ورضيتها اكتر بتتذكري يامريم انو امك هيي دائما مصدر الامان والحب ولا تكرهي ابوكي انا متاكده لهداك الوقت رح تكوني سامحتي وسامحتي حالك اول شي . كل عام وانتي بخير يامريم لا تنسيني خليكي انا خليكي الحب الحب يامريم هوي اقوى شي بهاي الدنيا أقوى حتى من الحرب ومن الغربه ومن الوحده ومن التنمر ومن القسا ومن الكره هوي اقوى كل شي . بحب حالي كتير كتير اذا وصلتك هاي الرساله بعد سنين قرأيها كتير كان عندك كتير احلام وطارت بس انتي بعدك انا متاكده عيدي الرساله كتير واقرأها لحتى تحفظي كلماتها وتعرفي انو كمان هاد الوقت يللي انتي قرأتي حالك بعد خمس سنين رح يمرقو سنين سنين وبعدها مارح يبقى في مستقبل لهيك الدنيا فاضيه يامريم . ديري بالك عحالك كتير منيح بحبك ياانا ❤️❤️❤️❤️