A letter from February 13th, 2021

هللو اول شي معرف هل راح تصلني الرسالة او لا اعرف راح تستغربين وتقولين من وين هاي الرسالة لان من الممكن تنسيها او لا ف انا انت كتبت الرسالة بعمر ١٥ و ٣ اشهر كنت بصف الرابع الاعدادي بتاريخ ١٤/٢/٢٠٢٠ كان عيد الحب المهم حبيت اكتب الرسالة واشوفها بعد كم سنة اممم مريت بايام صعبة قبل كم سنة ٢٠١٤ الى ٢٠١٧ كانت اصعب ايام حياتي بالبداية دخلت داعش وصارت الحرب بس مو حرب حرب صارت تدريجياً بعدين اتفرقت عن بابا كمت اشوفو بين فترة وفترة لان ماعدنا بيت نسكن بي ف هو راح عاش ابيت اهلو وحنا بيت اهل ماما صارت مشاكل معانا من ناحية اهل ماما من خالي الى خالاتي كل شخص عملنا مشكلة والاكثر مرت خالي وكنا مانكدر نحجي لان ما بيتنا ولا نتنفس بشي بس انا جنت احجي مو مثل اخوتي وامي يعني مااكدر اسكت عن الحق ف انا كانو اكثر شخص يكرهو فضلينا على هالحالة شي سنة مشاكل وضرب بعدين بابا اجرلنا شقة واخيراً اجتمعنا صح بابا كان قاسي علينا بسس بفس الوقت حنون ضلينا سنتين عشنا كعائلة فقيرة ومتواضعة بابا ما كان يقصر ماعنا رغم ضروفو وماما كانت ويقفي معانا ربي لايحرمني منها فكانت هاي السنتين احلى شي رغم الاوضاع العايشين بيها لان تعلمت بيها الصبر والقوة رغم كان عمري ١٠_١١ سنة وبنهاية ٢٠١٦ بدت الحرب منطقتنا تحاصرت ودخلو بيها الدواعش فضلينا لي الليل يلا طلعنا من البيت رحنا ابيت جدي اهل ماما و ضلينا يمكن٢٠ يوم صارت مشاكل وكانت هاي ٢٠ يوم صعبين لان اول مرة اشوف ناس تموت واول مرة اشوف الطلقات تفوت بيتنا واول مرة اشون الصواريخ تنزل يمنا والصوت المرعب بعدي قررنا نروح على بيت جدي اهل بابا رحنا على بيت خالتي قالو لاتروحون لان كانت منطقت بيت جدي تخوف فضلينا ابيت خالتي تقريبا ١٦ يوم بالبداية كانت ايام حلوة لان جنت اكعد مع بنت خالتي البعمري ونلعب وتعلمنا النسج وبابا كان يروح عالبالة ويجبلنا شغلات بيها صوف حتى ننسج منها فبعد فترة اتغيرو علينا صرنا ثقل عليهم صراحة توقعت كل الناس ماتخلينا عدها الا هما فقررنا نطلع وين نروح ماعدنا مكان اذا نرجع على بيت يوم يقتلونا داعش ف رحنا على على بيت جدي كان توتى بدا عدهم الحصار فبالبداية طبيعي بعدين صار حسرة علينا الاكل ناكل وجبة وحدة باليوم تدفئة ماكو وشتا بارد المهم ضلينا الى ان جت عمتي ابيت جدي عادي الامور طبيعية ورة فترة صارت مشاكل بس قليلة معرف احسها قليلة لان تعودنا ننخذل فبابا قال خلي نرجع هنا الشغة طويلة ماشكلها راح نتحرر بسرعة فقررنا نروح على منطة القدس منطقة قريبة من بيتنا الاصلي فنحنا وطالعين مايخلون احد يعبر من الجسر فسبحان الله نحنا الوحديدين اللي خلونا نعبر فرحنا مشينا كالو اللي يفوت على هاي المنطقة نعدمة فوين نروح مانعرف رحنا على بيت عمي يوم واحد لان مايقبلون احد يبقى عدهم ! فكان يوم صعب لان ثاني يوم لازم نطلع وين نروح ؟ معرف! معادنا مكان نبقى بي فرجعنا على بيت خالتي رغم كنا متزاعلين فكنا مجلورين يا ننام بالشارع او عدهم ودكينا الباب محد طلع فكانو ابيت عم خالتي فرحت انا دصيحهم دكيت الباب كان اصعب شعور اعيشة انا وادك الباب كلبي ينكسر فنفتح الباب اريد احجي ماكدر كمت ابجي وابجي فجت خالتي ورحنا البيتهم جانو من شكلهم مايريدونا بس ردنا يخلص اليل دنروح بس مانعرف وين نروح لان جان صوتهم عيكولون مانريدهم خلي يطلعون من البيت فضلينا لااكل ولا شي مجرد بس نمنا حتى الليل ما نمنا ف انا غفيت لي وجه الصبح فبعدين سمعت صوت عيخابرون جدي وعيقولون اكو واحد صديق جدي بالمنطقة عندا بيت فراحت ماما وبابا واختي سألو عليه وحجو معا فكال عندي معمل الله يوفقو ان شاءالله لان عطانا مكان نكعد بي صح هو معمل ومانضيف بس احسن من الشارع زجابلنا اكل وشرب ضلينا شي ١٧ يوم كانو حلوين رغم بساطتهم اتقربت من بابا اكثر ومن ماما ضحكنا ولعبنا الى ان جا يو التحرير ٢٠١٧/١/١١ كان احلى وابشع يوم بحياتي وبحياة عائلتي معرف هو اشون شعور احلى وابشع بس كان هذا الشعور ...اتحررنا طلع بابا والجيران برا بالشارع كانت المنطقة ما مأمني كثير فضلينا شوية بعدينصارت هدووء سمعنا صوت طلق فماما قلبها وجعها قالت وينو ابوكي فانا كنت خايفة فمابينتها كتلها هسه يجي فوالله جا بابا كال هدى وكع عالارض نحنا عبالنا جفل من صوت الضرب فوكع عالارض وانفجخ نحسسه مايكعد ماما كشفت البلوز جان اكو نقطة صغييرةة كلش على الرئة وبضهرو شي منفوخ فانا طلعت برا مثل المجنونة اثيح بالشارع ساعدونا وساعدونا ففتت جوا شفتى فتح كال اشكو كنالا ماكو شي لاتخاف كال رجليا ثكال ماعدحس بيهم واخوتي يمي عيبكون ووهو راسو بحضني وامي يمة فجو الجوارين ديشوفون اش صار ففوتونا جوا لان جنا صغار فانا طلعت ضليت يمة وابجي كلي لاتخليهم يبجون وينو ايمن بعدين كال اريد ماي كلولي شربي مي وجيبيلا شكر جبتلا ماي ومربى لانماكو شكر فلطعتا بايدي المربى وشربتة الماي فكلولها الامي روحي جيبيلا الاسعاف روحي عالجيش ماما راحت تركض بالشارع ماتعرف اصلا الطريق بس معرف شون وصلتم الحمدلله ماصارلها شي فجبروني افوت جوا بس جنت اطمش عليهم من الشباك كان عيقرا ايات بعدين ماما جت اخذتو لان الشرطة ما يطيقون يفوتون عالمنطقة فاخذو بعربانة وراحو ضليت انا واخوتي الصغار بحدنا جا علينا واحد هو ابو المولدة اليمنة اخذنا عندو بالبيت بعد شوية جا زوج خالتي دياخذنا فرحنا اخذت كم غرض من المعمل ورحنا ابيت خالتي صح كنا متزاعلين بس بلحضة نسيت كلشي كان كل همي اعرف اش صار مع بابا ضليت ٣ ايام اكل قليل ولا نوم كلا بس ابجي وابجي وكنت اسهر مع اختي كان عمرها سنتين لان تبكي على ماما فرحنا على ماما بعد ٣ ايام قلتلنا بابا بامستشفى بالشمال بالبداية صدقت بعد عرفت انو هيم عيضحكون علي بس علمود ما انقهر صراحة من هذاك الوقت وانا اكتم الاوجاع بداخلي وما ابين للناس وخلصت القصة بكيتو وازا عدكتبا يا ترى هل ابكي وقت اقراها . هسه اسئلة : خلصت المدرسة؟ دخلت كلية طب اسنان او صيدلة ؟ طورت رسمي ؟ تعلمت العزف على الكيتار؟ اشتهر حسابي الانستكرام ؟ هل ارتبطتت؟ هل ضليت البنت القوية؟ ضليت اكتم اوجاعي لو لقيت شخص احكيلو ؟ بعدني مااثق بالناس ؟ هل صار عدنا بيت ؟ هل صار عندي غرفة ؟ ضليتي اتالعين نور مار وعلي شاكر ؟ هل راح اقرأ الرسالة ؟ باي انا 💕