A letter from February 14th, 2021

Dear FutureMe, هلو هيا ، شلونج قررت اكتب هل رساله ال نفسي وتجيني بالمستقبل لان اعرف شكد انتي تفكرين بالمستقبل اعرف شكد شايله همه اعرف خايفه لتكونين وحدج واكتشفت انو اكدر اسوي شي يسندني ب اي طريقه من الطرق بلمستقبل حتى لو جانت كلمات داكتب الرساله بتاريخ 2021شهر2يوم14 ساعه 1و13دقيقه، انتي قويه هيا انتي بحياتج متخلين الحياة تحكمج انتي الي تحكمين الحياة اهم شي احب اكوله لنفسي اعرف انتي هسه دتكبرين ويه مجتمع اغلب عاداته سيئه وتكرهيها نفاق وجذب وحجي ع العالم وغيره اعرف دائماً ردتي اذا يصير عندج جهال تعامليهم بصورة زينه حالياً اشوف نفسي اتاثر واتصرف مثلهم ببعض الاحيان وهذا شي مو بيدي مع ذلك احاول اكون نفسي وما اتاثر حالياً عمري ١٦ باقيلي شهر واصير ١٧ ، ف اذا قريتي هل رساله بعد سنين وجنتي عايشه انشاءلله وجنتي متاثره بطبع من المجتمع او الناس الي داير مدايرج سيء اتمنى يوعيج هل كلام ويخليج ترتدين عن الدتسوي ، ، عدي فضول اشوف اني وين من حقره لمسج شنو حتكون حياتي وشحسوي بيها حكون راضيه عنها بشكل ما او لا حكون تعيسه او اقل تعاسه من هسه اني عدي ايمان انو من حكمل مدرسه حتتحسن هوايه شغلات بحياتي انشاءلله ميكون العكس من تقرين هلمسج هيا جاوبيني بكلبج هوايه اريد اسالج اساله؟ عندي هوايه اهتمامات مع ذلك اخاف لا افشل اخاف لتكون حياتي العمليه او متكون عدي حياة عمليه اساساً اشتغلتي؟ اعتمدتي ع روحج؟ حققتي شغفج بلتسويق او بالاعلام او بالميكب او بالسياسه؟ لكيتي شريك حياتج الصحيح والي محتتنذمين لان اخذتي مثل الضاهره الي منتشره هسه؟ تخرجتي ؟ نجحتي من السادس دور اول ؟ حتى لو دور ثاني المهم معدتي ؟ قويتي نفسج وصرتي اقوى من الضروف؟ بقيتي مثل ما انتي تمشين وره داخلج ووره التريدي؟ صديقاتج :ختام، قمر،فاطمه،زينب : بعدج وياهم؟ عدي فضول اعرف صديقاتج الجدد تونستي بحياتج طلعتي ويه صديقاتج هوايه ضحكتي؟ اذا مسويتيهن سويهن تصالحي ويه نفسج وحبي نفسج انتي قويه واني عن نفسي اقوه بنيه شفتها بحياتي هيه انتي واذكى وحده وارصن وحده اتمنى تكون حياتج سعيده ها نسيت جان عدج شغف صغير انو تنشهرين بس تخافين كلش بشريني خاف انشهرتي ؟😂 حافضي ع حياتج واشتغلي بجد وتعبي وتحملي انتي كدها وحترتاحين بلاخير ديري بالج ع ابوج وامج واهتمي بيهم ساعدي الناس كد متكدرين لطالما كنتي تحبين تساعدين الناس لطالما كنتي تسهلين الامور لاول مره داكتب شي مثل هيج ومدابجي اتمنى من كل كلبي بعد خمس سنين اذا ضليتي عايشه تكونين سعيده بحياتج وراضيه عنها ومرتاحه اساساً داتعب هوايه هسه وموؤمنه بهذا اليوم حيجي ، اذا جنتي عايشه عيشي حياتج ولتنسين ربج واذا جنت ميته واحد غيري كدر يقره هل رساله لتنسوني وادعولي دائماً ♥️