A letter from January 18th, 2021

الى نفسي عم اكتب هي الرسالة ب18/1/2021 بسنة 2020 مرت بحياتي كتير شغلات حزينة وأولها كورونا... بدأت كورونا ووقفت المدرسة وبدأت مخاوفي تزيد على نفسي وعلى اهلي بس هل شي ما وقفني ضليت اشتغل على حالي ونجحت وجبت مجموع عالي قررت انزل عسوريا ادرس جامعة بس الحمدلله على كل حال ما لحقت الفصل الاول بسبب الاقامة هالشي دمر نفسيتي شوي بس كنت دايما قول الحمدلله بس هلق بهالتاريخ عم جهز لسافر بس ما بعرف اذا كنت رح اقدر انزل ولا رح يصير معي نفس الشي رح توصلني هي الرسالة بعد 5 سنين يمكن كون تخرجت من الجامعة وصرت صيدلانية او يمكن كون متت ما بعرف شو رح يصير لهداك الوقت بس بتمنى انو بعد 5 سنين كون متخرجة وارفع راسي وراس اهلي عم اكتب هي الرسالة وانا نايم جنبي ايهم ابن جود حبيب قلبي وهو عمرو 6 شهور وماما وبابا واخواتي نايمين بدعي ل الله انو يخليلي اياهم ويطول بعمرهم وما يحرمني منهم لهون بكون خلصت الرسالة بتمنى لما توصلني كون انا واهلي بخير وعم احتفل بتخرجي سيدرا /19 سنة