A letter from January 13th, 2021

Dear FutureMe, رح اكتب بالعربي احسن، هاق بنص هالليل 13.01.2021. مو عرفانة نام و صدفة شفت ياسمين وحدة انستاغرمر منزلة ستوري عن انو كانت كاتبة رسالة لالها من خمس سنين وهلق وصلتها فحبيت انا كمان اعمل هيك بعد تلات شهور فحوصات بكالوريا و انشالله تمضى ع خير بالفترة. مابعرف شو عم يصير هلق من بعد خمس سنين بس بعرف انو سنة ٢٠٢٠ و غالباً ٢٠٢١ كلو رح نقضي بالحجر و كورونا و دروس اونلاين... عجب رح ترجع الحياة لطبيعتها؟؟ و ايمتاا؟؟ انشالله ما تنعاد هالايام وتكون هي اسوء ايام الكوكب و مايمر علينا شي تاني بقا. ماعم اعرف نام هلق الساعة تلاتة الصبح و 18دقيقة ، و بكرة عندي درس اونلاين جغرافيا مع فغاو يامان، مابعرف اذا رح اتذكرها هلق، ع كل حال مالي مراق ع الحصة بس مجبورين. صعي انا دوم كنت بالمدرسة هادئة و ما يطلع حسي عجب هلق كيف صرت؟ حلمي اني اكون ناجحة واني اتغلب ع كتير مشاكل بعاني منون. بدي اتعلم انكليزي و اتقنو و سافر لكل دول عالم. عجب انا ل كم دولة سافرت هلق . مو بس هيك بدي اصير اعرف رد و اعطي كل واحد حجمو و بدي اعرف اتصرف متل ما انا بدي. لافا انتي كيفك هلق و شو عملتي وشو حققتي و وين صرتي؟؟ مين من رفقاتك لساتون معك؟ رويا لسا عم تحكي معها متل قبل؟؟ و سلافا هي يلي ابداً ما تسال عن حدا؟؟ عجب ما تزوجت و صار عندها اولاد 😂 بعرف كان دوم بدها تتزوج... كروب جميلات مضغوطات من الدراسة شو وضعو؟؟ ضل متل ماهر ولا تغير؟! ع سيرة كورنا... تعبنا والله من تسكير المحلات و المطاعم و الشوارع فاضية.. هي مارح تفرق معي لاني هيك هيك عاملة رجيم و ماعم اكول برا ( يعني عم حاول( وزني اليوم شفت ٥٨،٣ و لسا ناوية كمل ل ٥٣ تقريباً عجب شكلي هلق كيف؟! برايي صار لازم نام يلا منشوفك بعد خمس سنين شو رح يطلع منك