A letter from December 15th, 2020

في 2020 خسرت اهم شي عندي مو شغلي ولا نفسيتي ولا فولسي ولا اي شي ثاني خسرت ماما لطيفه وراح دوم اتذكر هالشي هزني ولحد الحين ما استوعبت الشي من اول ماصادها المرض وانا كنت متضايقه كنت اشوفها جدامي بس ماكانت اهيه الزهايمر خذها منا من قبل لا اهيه اتروح ماكانت نفسها ماما لطيفه اللي اعرفها اللي كانت اتعصب علي واتزفني بالايام اللي كنت اقعد وياها واهيه فيها الزهايمر كنت اتضايق مو عشان انها ماتتذكرنا عدل عشان ان خسرت الوقت اللي اقدر اكون معاها اهيه خسرت الايام اللي كنت المها وابوسها ع راسها واغربلها خسرت نظراتها لي واهيه معصبه علي لاني ماسلمت عليها حنتها واهيه اتقولي سووي لي قهوه اشتقت لها وايد اشتقت امشط شعرها اشتقت اسويها حنه واقولها ها احنيج اشتقت حق الصبح اقوم وانزل تحت واجوفها قاعده ولا راقده بالصاله واسألها شنو تبي ريوق روتي -اقص اطرافه-واغمسه بالبيض ويا جاي حليب ماشبعت منج كلش ماشبعت منج كان المفروض يسون لج العمليه وترجعين عندنا البيت كان المفروض اتروحين حجرتج اليديده خسارتج مو سهله ابد مو سهله