A letter from October 30th, 2020

Dear FutureMe, Happy birthday ❤️❤️❤️ You are 25 now ! اليوم هو البيرثدي حقي صار عمري ٢٠ ، الايميل رح يوصل وانا عمري ٢٥ 😬 صراحة مادري ايش اقول بس ببدا بالاشياء المهمة : اول شي الجامعة طبعا الحين انا بنص الترم الاول حق السنة الثالثة لي بالجامعة ( اول سنة تخصص تمريض) وما ابيه وعلى اساس بحول وكذا فيه قروشة، اتمنى انك خلصتي الحوسة هذي صراحة حاليا افكر اترك الجامعة طفشت وانا مو قاعده انجز بس بابا مستحيل يرضى لي ما ادري وش ربي كاتب . ثاني شي غريب اني افكر فيه 😂 بس دايم احس اني بتزوج وعمري ٢٤ صح ولالا ماعرف هو احساس دايم يجيني بس سواء تزوجت ولالا مو هدف ولا نهاية العالم . ثالث شي شريتي سيارة ولالا توظفتي تخرجتي احس اني لسى ماشريت سيارة كنت اقول دايم اول سيارة لي ابيها بفلوسي🤔 عموما تخرج برضو ما اتوقع لان عمرك الحين ٢٠ ولسى ماستقريتي . رابع شي علاقاتك مع الناس كيف هل للحين تركضين ورا رضى اهلك على حساب نفسك ولا وقفتي ، كمان علاقاتك مع صحباتك قويتيها ولا زي الحين ركود يطفش عشان كورونا 🤢 لحظظظه تذكرت كورونا خلص ولالا بليز احتاجه يخلص يارب بلييييز لازم يخلص ما اتحمل . اخر شي هل تنازلتي ياديما عن مبادئك وقناعاتك وصرتي تكلمين احد وتحبينه 🤔 او يمكن تغيرت خططك ماعرف بس بالثانوي وتقريبا بداية الجامعة كنت ضد ضد زواج الحب والمصخرة الي تصير قبله بس الحين احس اني تقبلته لسبب واحد وهو اني مابي القى نفسي اعيش مع احد ماعرفه تماما فجأه الشعور مرعب شوي ، لكن !!! ركزي لي حبيبتي على هالنقطة انتي اكبر من مصخرة الحب وتضييع الوقت بس يمكن بتعرفين احد من بعيد معك بالشغل او كذا ماعرف يعني اهم شي تكون فيه معرفة بسيطة بعدين يتقدم لك ياويلك ديما تسوين مصخره وقلة حياء هذا اكثر شي انتي متمسكة فيه ولازم تكملين كذا . عموما انا دايم اقول "keep it halal “ سوي اي شي بخاطرك حتى لو من ورا اهلك بس خليه تحت نطاق الجملة 😰 طبعا انتي سبك اصلا ادري ماوراك الا الضعوي الفلة النايمة حقتك تسرقين السيارة وتتعشين بدون تستأذنين من ماما وبابا بس كذا السبايك يحسون بالتمرد ( وش فيني قلبت تهزيء😂 ) صح تذكرت السباكة الي فيك عدليها واستانسي خليك جريئة شوي مادري ايش ممكن اكتب بعد فيه اشياء كثير ابي اشوف تعدلت ولالا • بيت مشارف هيلز الحين تقريبا اكتمل وخلال الفترة الجاية بننقل له . • للحين انتي مهووسة فيلر وتجميل والخطط سويتيها ولا باقي • شعري انا متمسكة فيه طويل لين مكوتي للحين ولا خلاص • سارا الحين اولى متوسط ولولو ثاني ابتدائي وكنت دايم اقول ودي اربيهم زين ماعجبتني تربية اهلي 😂😂😂 ربيتيهم ولالا اممم احس عندي مليون شي ممكن اكتبه لان الرسالة رح توصل بعد ٥ سنوات يعني اوف وقت طويييل بيخوفني مقدار التغير الي ممكن اكون وصلت له بس ان شاءالله انه تغيير لمصلحتي واني اكون مرتاحة ومبسوطة اكثر ❤️❤️❤️ يارب مع الايام الجاية وفقني واكتب لي الخير وارضني فيه