A letter from August 8th, 2020

Dear FutureMe, امم هلا يحلو اني ايات من 2020 مااعرف اذا جنت راح اعيش لسنه2025 انشالله اعيش لهاي السنه😂ايي وين ماوين ولج تدرين متاكده مريتي بعلاقه طيحتلج حظج بس يمعوده عادي شوفي هسه اني الي هيه انتي🌚عايشه لاصدك 😂بصراحه مااعرف شاحجي بس اريد اكتب رساله للمستقبل المهم لا تخافين راح تمر هاي المرحله وحاولي تنسين كلشي هاي الحياه ياعمري بيها الحلو وبيها المر اشتاقيتي لشخص اعرف او اتوقع لا توكفين حياتج علمود شخص وصدكيني رب العالمين بعده عنج لان من مصلحتج وشنو انتقلتي لبيت جديد صممتي غرفتج كملتي دراسه حققتي حلمج شنو راح تختارين من الجامعه اني حاليا او قبل حابه انو ادخل طب نفسي بس مااعرف بكيفج اكيدد تغيرتي هواي وصرتي عاقله 🌚وهي بطلتي طيبه الكلب لو بعدج عوبه احبج كومااات تدرين مشتاقه لسرى وايد بس مااريد احجي ويه احد هيه هسه بروسيا راح تضل سنه ثانيه هناك وها جاي اكل اندومي هسه 😂اهم شي التفاصيل ونعيد ونكرر اي لوف يو سوماج بيبي اوو😂صارت اغنيه اي نو انو تافه بس انشالله عقلتي وبطلتي التفاهة اي شنو هواياتج الجديده ولج تذكري لا تخلين يوم يمر بدون صلاه واستغفار اللهم صلي ع محمد والي محمد 🌞بعدج تحسين بالوحده لو لا هي صراحه الوحده حلوه بس تاذي حاستج حزينه زعلانه اي ياعمري ع شنو هو اكو شي يستاهل هل العيون الحلو تتعب وهل قلب الجميل يتعب وخلصت الاندمي😂ايي وبعد ايات ايات ايات ايات حلو اسمج اي نو انو هوه اسمي 😂هاي شجاي احجي امم تعرفين شنو داحس انو تغيرتي هوووواي كانو مو انتي الي هيه اني هسه الي عمرها14سنه ايي المهم يلا خلص كافي زعل وبكاء بالفصحى😂اضحكي يلا يلا يلا ايات سمعيني ضحكتج اسمعي كلامي يلا اضحكي تحبين الشوكلاته🌚راح اكلها هسه وطبعا راح اترزل من ماما لان ماراح اكل هواي ع الغده ولج احبهة كومه بس متعبتهة يلا اوك اكلت بس قطعه اي يلا كافي لعي ايات لله يوفقج بحياتي واتمنالج السعاده واحبج كومه كومه كومه🌚🌝💙 ايات من ام الخيل الساعه ب12:45 باي ايات لا تزعلين خليج دائما مبتسمه هاي العيون الجميله مايلوكلهة الزعل