A letter from June 27th, 2020

عزيزتي أنا المستقبلية مرحبا يا أنا,اليوم صرتي 19 سنة إنتي كتبتي هاي الرسالة و عمرك14.بتمنى تكوني حققتي حلمك أو قاعدة بتحققيه إنك تصيري جراحة وترفعي راس ماما و إخوانك,مريتي بكتير أشياء صعبة بس ضليتك قوية عشان الناس الي بيحبوكي و باليوم إالي إنتي كتبتي فيو هاي الرسالة كنتي زعلانة عشان رح تبعدي عن أعز صاحباتك جنى أيمن غالب أبوسارة يمكن تكوني نسيتاها يا أنا الهبلة بس كنتي كتييير بتحبيها و هي كمان بتحبك بتمنى ما تكوني نسيتيها.بالأيام هاي كنتي محجورة بالبيت عشان كورونا الله لا يوفقها بس تعرفتي على أشياء كتير حلوة بالحجر هاد,ماما فتحت صالونها التاني وباعت الأول. هاي لولو بهاللحظة وقعتي تلفوني وانتي بتحاولي تشحنيه بالشاحن الخربان ، ممكن ما اكون معاكي بهاللحظة بس بدي احكيلك اني بحبك وكل عام وانتِ بألف خير يا رب وان شاء الله بتكون الحياة تاعتنا تغيرت للافضل وبس توصلك هالرسالة ابعتيلي ياها ، يا رب يا فرح المستقبلية تكوني فرحانة وحاولي لا تزعلي حالك والناس انتبهي منهم .. وكل يوم ابتسمي ولا تخلي حد يحتل قلبك بسهولة .هاي ليان أنا إنتي مرة تانية هههه بس حبيت أحكيلك إنو إنتي حلوة و قوية ماتستسلمي لأي شي و خليكي واثقة من حالك يا ملسونة آنتي مايا و روحي هلا لو إنتي عند ماما بوسيها و أشكريها لإنو تعبت بطريقة رهيبة عشان توصلك للي إنتي عليه هلا,أتمنى تكوني جربتي كل الأكل الي نفسك فيو الموشي و الأكلات الغريبة الي ببالي و يارب تكوني جربتي الغطس أو النط من الطيارة.انتبهي على حالك وعلى دراستك زي ما تيتة إم آنتي ورود كانت تحكيلك ويارب الله يكون رزقك بصديقة وفية زي مآنتي ورود هلا مع ماما.أهم شي أتمنى تكوني بتتواصلي مع نجم عشان الله ما يغضب عليكي,وحافظي على صلاتك عشان تتوفقي بحياتك .وطبعا هلا ان لابسة الطقم الجيشي ورابطة شعري لفوق.وهويس نايمة تحت كنباية ماما البيضة بعد ماخافت منك يوم أجيتي تحمليها. بحبك كتير يا أنا.! ليان نجم من 5 أو 4 سنين ما عرفتي تحسبيها إنتي وفرح هههههه