Dear FutureMe,
هييي نيمو كيف حالك؟ كيف حال قلبك؟ كيف الايام معاك؟ كيف الناس معاك؟ متشووقققة نعرف انتِ شن درت في هالخمس سنوات شن الصعوبات اللي خلاص اجتازتيهن شن المشاكل اللي قدرتي تحليهن؟ شن الحاجات اللي تعلمتيهن متحمسة نعرف الخبرة اللي قدرتي تخذيها من الحياة ، على فكرة قدرتي تحكي انقليزي كويس؟ انا توا قاعدة في ليفل 3 مازال عندي شوية صعوبة في ترتيب الجمل لما نكون نحكي مباشر مع شخص لكن حاسة اني ماشية كويس ،المهم كيف هلك معاك كيف صحباتك معاك؟ مازالوا يذكروا فيك بمشاكلك القديمة؟ ولا نسوهن؟ مازالوا يشكوا فيك ولالا؟ اثبتيلهم العكس ولالا؟ اثبتيلهم انك قد المسؤليات ولالا؟ شن صار شن تخصصتي ؟ انا هنا خايرة بسن هندسة الديكور وال it ووين قريتي جامعتك في تركيا ولا ليبيا ، كيف الجامعة معاك حلوة ولا شينة كيف الطلاب معاك؟ عاد مفروض انتِ توا تعرفي تختاري اصحاب هاي كواليتي 😂، المهم ياحبيبتي كيف الليبين معاك قدرتي تتأقلمي معاهم ؟ طلعوا كويسين ولالا؟ دافعتي على قضيتنا ولالا؟ انا حاستك معش قعدتي تسكتي على الحق، هل خطبك حد ؟ مازلتي على كلامك انك مش حتتزوجي؟ شن صار في خط الثلث والكوروشية والخياطة والبيلاتيس؟ هل هنيدة تزوجت! خويلة سميرة وخويلة فايزة مازالن عايشات؟ حاولتي تغيري شي في بلادك للاحسن؟ اعداءك زمان هل مازلتي خايفة منهم ولا شن صار بيناتكم (اعداءك اللي كانوا صحباتك مذكرتيهن صح؟) ، صححح شن صار في البيئة ؟ هل قاعدة تتدمر ؟ شن ثار في البلاستيك؟ هل سافرتي بروحك ولالا؟ عندك فكرة عشان تكوني استقلالك المادي ولالا؟ مانبيش نضغط عليك لكن نتوقع لما تشوفي
الرسالة هذي حيكون في وقت مشغول من حياتك ،عادي لو مازلتي ما انجزتيش واجد من الحاجات هذنا انا بس قلت نذكرك لأني نتوقع انك قريب ماتتخرجي توا ف ماتنسيش اهدافك . تسوقي في سيارة ولالا؟😂 عابد يشتغل ولالا؟ كيف صحة ماما وبابا؟ كيف علاقتهم مع بعضهم مازال ماتغيرت زي السنين اللي فاتوا؟كازال فيه حرب في ليبيا :(؟ كيف حال اصدقائك اللي تعرفتي عليهم في الانقلش تايم؟ اكيد رايفتي عليهم عارفة عارفة، خواتكك كيف حالهن؟؟ اكيد اديروا في جو مع بعضكم مش هارقة حسيت روحي طولت غير نسأل نسأل لكن بس سؤال اخير مازلتي تتحشمي؟ مازال صعب عليك تدوي قدام الناس؟ مازال بصعوبة تحكي مع ناس غريبة؟ اتمنى انك تكوني اجتزتي الحاجات هذنا المهم مانبيش نعطل عليك يوم الجمعة عندي برزينتيشن بالانقليزي وانا مازلت مااجتزتش مرحلة التوتر والخوف والايدين اللي يعرقن لكن ام شاء الله هذي نقطة البداية وخطوتي الاولى المهم بالتوفيق لك وحابة نقولك ان رغم اللي مريتي بيه والاخطاء اللي درتيهن الا اني نحببك نحببك نححبكك وانت شخص قوي وواثق من نفسه انتِ شخص لازم يحترموه الكل انتِ شخص محبببوب انتِ شخص طيب وكريم وشخصيته حلوة بككل انتِ مش حتعدلي على الكلام اللي ينقال عليك انتِ بطلتي كنتي ومازلتي وماتخافيش من المواقف المحرجة هي اصلا هكي الحياة الوان ومواقف نتمنى انك تكوني تعلمتي احد الفنون القتالية نتمنى انك قدرتي تتحكمي في نظام نومك نتمنالك كل التوفيق والسعادة وانا معاك ديما ماتنسيش انك قوية ماتنسيش ان كل شي حيمر ماتنسيش ان فوق فيه ربي تدعيله ويستجيبلك ويكون معاك ماتنسيش اذكارك ماتقطعيش تواصلك مع ربي خطرها كيف صار حفظتي القرآن ولا شويا منه؟ كيف صلاتك؟ انا هنا مازلت نحاول نصلي كل صلواتي وفي وقتها . والتورتات شن صار فيهن مازلتي اديري فيهن؟ عموما حبيبتي ماما تبيني نبي نعدي خلاص نتمنالك من كل قلبي كل الخير والسعادة يارب وماتنسيشش عممرك ماتزعلي روحححك عممرك ماتزعلي روحك انتِ غااالية بكل عليا نحبك واجد وحضن كبير لتسنيم المستقبلية ونتلاقوا ان شاءالله ةانتِ انسانة اقوى ومع السلامة ياحب حياتي كلها. نحبك
Epilogue
about 1 year later
اهلين نيمو حبيبتي 💕 شفت رسالتك ودمعن عيوني سبحان الله كيف الوقت يمشي لو تشوفي كسف قعدت عليه انا توا حتكوني فخورة بيا بكل، اول شي حنجاوب على اسئلتك ❤️،...
Sign in to FutureMe
or use your email address
Create an account
or use your email address
FutureMe uses cookies, read how
Share this FutureMe letter
Copy the link to your clipboard:
Or share directly via social media:
Why is this inappropriate?