A letter from March 8th, 2019

Dear FutureMe, كل سنه وانا طيب لو لسا عايش يعتبر غالبا عايش علشان انتا بتشوف الرساله ... معتقدش انك فاكر اليوم ده فا خليني افكرك بيه انتا المفروض قفلت الفيس لان فاضل ٣ شهور علي امتحانات الثانويه العامه ومذاكرتش انهارده وكنت مقضيها للعب ومش قادر تحدد الماضي بتاعك أو الحاضر الفكره هنا اني مش قادر اتخيلك انتا عامل ازاي أو هتكون فين انا فعلا مش عارف ولا قادر احدد مصيرك هيبقي عامل ازاي وده الغريب فا خليني اسألك كام سؤال اعرف هل اتحقق اي حاجه من اللي كنت عايزها في المستقبل بما انه كان اول هدف ومناسبة السنه هل بقي معاك ٥ مليون جنيه وفتحت مشروعك الخاص ؟؟ وهل دخلت تجاره انجلش ولا لا ؟؟ ولو دخلتها هل حبيتها فعلا ولقيت ناس شبهك ؟ لسا ملتزم بالصلي وبتقيم فروضك ؟ وصلت للجسم اللي كنت بتحلم بيه ؟؟ لقيت الانسانه فعلا اللي فضلنا نحلم بيها ولا لسا مقتنع انك لسا صغير علي الجواز وعايز تحقق احلامك الاول ؟؟ طب اشتريت البيت اللي كان نفسك فيه ؟ طب سافرت؟ انتا كان نفسك تسافر دايما بقي معاك ٤ للغات ؟؟ اشتريت الكمانجه وبقيت شاطر فيها ؟؟ لو جبت ولد هل سميته يحيي زي ما كنت عايز ولا غيرت الاسم علشان ترضي مراتك؟؟ صحابك بتوع الثانويه وخاصة اسلام وكريم ودولا لسا صحاب زي ما انتم ولا ايه اللي حصل ؟ لقيت الحاجه اللي انتا شغوف بيها فعلا وبتشتغل في حاجه انتا بتحبها ؟؟ وديت امي تحج ؟؟ لسا بتلعب رياضه ومحافظ علي لياقتك ؟ علاقتك بأخواتك عامله ازاي ؟؟ اتخلصت من مشكلة التسويف ونصها اللي عندك ؟ اهم حاجه دلوقتي هل انتا مبسوط ؟؟ يعني وصلت للشخصيه اللي كنت بحلم بيها ولا لا ؟ طب انتا حاسس بالرضي عن نفسك ؟؟ في ناس بتحبك حواليك وبيخافه عليك ولا لا ؟؟ لاني فعلا مش عارف هبقي فين ولا هبقي عامل ازاي في الوقت ده بس اللي عايزك تعرفه اني دايما مؤمن بيك وعارف انك بتفكر بعقلك وهتعمل الصح دايما .. بس في حاجه مهمه اوعي تنساها هو انك دايما هتحاول تبقي احسن شخصيه من نفسك وانك هتساعد غيرك دايما وتفف مع الحق في كل الحالات انا هفضل دايما فخور بيك ومؤمن انك جواك خير دايما وهتعمل افضل ما عندك بحبك دايما Kaizen - pheonix - lone wolf - the last chance - unbreakable Yory - plus ultra - blood moon - break point - to the last - just do it - guts over fear - no pain no gain - hero - blizzard day - the dead man -the girl i haven't met - RazTan - the best version of me. Untill the right one ❤