A letter from September 9th, 2018

Dear FutureMe, السلام عليك عبد ،حاسس انو واجب علي ابعتلك هالمكتوب حتى تزين ايامك وتعرف شو كانت مشاغلك واحلامك..يمكن الرسالة طويلة بس بتعرفني وبدك تعذرني اليوم احد معطل من الشغل *عند عبدولوصطا*بتركيا 3سنوات الا 25 يوم بنفس المكان لكن اتوقع اني لن اكمل حتى 3سنوات ان شاء الله بكرا رح ارجع للدراسة بعد انقطاع 6سنوات وفي عندي همة وأحلام بتمنى تكون تحققت وانا عم اقرأ الرسالة *ان شاء الله* مابعرف بأي وقت رح حدد الاستلام لكن بالاغلب بعد ماصرت مهندس الان عايش مع محمد نور وحسن ببيت اجار بغازي عنتاب غرفة ومنافع..مبسوط وجوعان لاني نا بطبخ او بعمل جهد ولو قليل مشان الأكل..بتمنى تكون مهتم بصحتك انا هلق وزني 65 تقريباً صحيح عمري ممكن يكون بنهاية المراهقة*مابعرف* بس صار جبت 3 مدري 4 من المسا لهلق 1:31 الضهر رح أسجل بمدرسة وادرس بكالوريا وبعدا يوز وبعدا أدخل جامعة ان شاء الله هو مشوار يبدو انو طويل ومو مأكد بوضعي بس احسن ما ابقى ورا ماكينة التطريز عمر تاني وان شاء الله الله رح ييسرلي واتخطى كل الصعوبات اللي مارح اكتبلك هي ممكن تتذكرها لحالك الان معي 7 آلاف ليرة تركية يعني حوالي اكتر من ألف دولار بقليل مالي خايف من موضوع المصاريف بس عم احسب حسابهن يعني إحتمال اشتغل شغل دوام قصير مشان احسن ادرس لان االدراسة لازمها وقت كبير خاصة بعد الإنقطاع الطويل برأيي آلمهم ان شاء الله تكون مبسوط وبذكرك مع انك بتعرف هالشي عز المعرفة انو كلشي رايح مهما كان حلو اوبشع صعب او سهل اي صحي..كيفو قلبك حبيت،تجوزت،ولا بعدك متلي..ماحكيت مع بنت حتى الآن حتى عالفيس بس مع بنت وحدة شغلة جمعة بعدها بطلت احكي معها حاذف الواتس..ماعم اتواصل مع القرايب من اكتر من سنتين..بس أخوي محمد مشان احكي مع امي وابوي وخواتي واذا لازمهن شي أعرف طبعاً مالي مبسوط لانيماعم احكي مع حدا بس بخير بدون قيل وقال اشتقت لجدي ونانتي من زماان ماحكيت معن على أساس محمد بدو يبعتلي خطبة جدو الجمعة المضت ولسا مابعتا ، مابعرف متوقع انك بتركيا..لاني هلق مافي براسي فكرة الرجعة لسوريا نهائيا او ممكن تكون بكندا أستراليا يعني مو بسوريا لان نحن شعب مابحب بعضو وان اكل خازوق من غريب بالغربة احسن ما اكله من قريب بالوطن على سيرة الوطن..بتمنى تكون مرتاح البال عم تخطر عبالي فكرة الجيزة..خاصة انها سهلة هالايام بس شايف حالي مو قد المسؤولية هلق وموضوع الدراسة خلالها تتأجل على كل اذا عندك اولاد فانا بحب اسم منى وعمرو طبعاًانت مسمي على اسم والديك حاج اخدت من وقتك ومابقا أعرف اش اكتب روح اهتم بحياتك وبآخرتك اهم وسلام عليكم ورحمه الله وبركاته